哩间粉店系残左d......但系镬气唔系一般足咯！
2016/9/9 粤滋味揾食团
好味嘅餐厅甘多
话事话真系好容易审美疲劳、花多眼乱
所以贴心嘅指南君又来一帖解忧愁啦!
今日要向大家推荐嘅单店就系
「美荣粉店」
一间要我系街边喂蚊
都扑住要去宵夜嘅小档口
讲起距啵，一定要提提下面哩3点咯
老字号
藏身于一栋残废民国建筑下面嘅美荣，已经开左几十个年头了，附近嘅街坊邻里依家仲系当正饭堂甘帮衬吧。
好多住北京路嘅老街坊都话，细细个就系哩度食，读书嘅时候就早餐来哩度食碗生滚粥，大个左就约埋d朋友夜晚宵下夜，由3蚊半一碗食到依家嘅8蚊一碗，夹夹埋埋都食左几十年了!
街边feel
(下图源自广饮广食)
最常来美荣，都系来宵夜嘅。平时日头唔多觉得距个门面简陋嘅。但系一到夜晚，d食客开晒车来食嘅时候，窄窄嘅小巷位都唔多d，仲要停满晒车!门口就几张折台胶凳，蚊多嘅时候仲要边食边拍下蚊甘，依家d食档逐渐都讲究高大上化，又要装修又要靓，哩种甘街边嘅feel真系已经好少见了!
够镬气
作为一家小而知名的大排档，点可以无镬气咧？!美荣嘅镬气足系出晒名嘅!无论系生滚粥定系小炒类。掌勺师傅虽然其貌不扬，但系对于油温同火候嘅拿捏，丝毫不输五星级大厨，只见师傅游刃有余甘系猛火面前翻炒舞锅，不得不赞叹真系高手在民间!要知道几多食客等位就系为左果d火候十足嘅菜式啊!
话说美荣铺面真系好“唔靓仔”，但系食材就出乎意料甘一应俱全，仲要全部都系即点即煮，上碟之时，镬气犹存。
大窝猪杂汤米线
8蚊就有四肉一粉，甘抵嘅米线你可能净系系美荣先稳得到了，而且8蚊嘅“细碗”一d都唔细!分量一d都唔水架!哩碗甘便靓正嘅粉美荣已经卖左几十年了，名副其实嘅招牌嘅架!
蒜香鸡翅
哩份鸡翅真系唔洗多讲，鸡中翅外皮炸到香脆干爽，咬开之后更见鸡肉嫩滑，好味到停唔到口，小编我一个人都可以食晒成份啊!
酱爆鱿鱼
师傅落足火候烹炒，值得一试!
椒盐九肚鱼
(图片源自广饮广食)
肉质不算饱满嘅九肚鱼，但系就够晒香口啊!香酥里嫩，细细一条甘特别易入口，搭配冻野饮仲正!
生滚粥
早餐时分可见各种猪杂肉类整整齐齐甘摆放系档口面前，前来食翻一碗热辣辣嘅生滚粥嘅老广好多，而小编我最中意食嘅就系距家嘅猪杂粥，恰到嘅火候滚出来嘅粥十分绵滑稠顺，猪杂仲加爽口到无得弹
炒牛河
干炒牛河就稍微逊色，因为粉质不算太好，但系镬气仲系食得出嘅!
?其他推荐：煎面、濑尿虾等
<地址>：越秀区北京南路西横街
<觅食时间>：早上7:00-凌晨4:00
<人均>：RMB 35
【声明】本文由粤滋味揾食团编辑组编辑，部分图片源自网络，转载请联系。
热门推荐?茶，原来可以这么喝!广州地铁三号线上第一家【漫茶馆】开业了!
热门推荐?源自英伦贵族圈的秘密美味，你的冰箱里不能缺!
热门推荐?热门月饼榜单曝光，想要哪款我送你
热门推荐?乐凯撒榴莲比萨又出新套餐？这次苏丹王终于大战泰国榴莲上位成功!
热门推荐?优质选料独具风味，这是一瓶来自新西兰的高品质精酿啤酒。
热门推荐?修炼12年的老字号虾铺全新蜕变，不单单只有小龙虾，还有...
滋味哥个人微信：yueziweiKOL
新浪微博@粤滋味揾食团
广州本地美食资讯百万粉丝认证微博
华南区NO.1的KOL团队核心成员
QQ 523983313
?更多美食资讯请点击左下阅读原文?
http://www.duyihua.cn
返回 粤滋味揾食团 返回首页 返回百拇医药