“面瘫王后陈法拉”演技脱变。如今强势归来！
2016/8/20 佛山美食
係幕前消失咗一段时间嘅陈法拉
近期因同子华神合作舞台剧《前度》返港唔少粉丝都期待法拉嘅演艺事业可以再出发
首次参演舞台剧嘅法拉
放下身段，全程投入演出床戏、出浴戏、爆出多句中英夹杂嘅粗口对白……样样做到到足!个个都大赞法拉畀人耳目一新嘅感觉!咁又係!子华神拣得做女主角法拉肯定有佢嘅过人之处!有唔少同法拉合作过嘅艺人都去到捧场~
李司棋
关菊英
吴镇宇
张智霖
令大家唤起唔少对法拉所参演剧集嘅回忆
话晒法拉曾经都係TVB五大当家花旦之一又靓又叻女嘅佢笑起身有对酒凹，真係好鬼死sweet~
1982年出生于四川成都嘅一个音乐世家
父亲係个调琴师，母亲嘅专业係舞蹈
爷爷帮佢取名为“法拉”，都係“音符”嘅意思1997年全家移民到美国亚特兰大
高中毕业后考到美国“南哈佛”埃默里大学靠每年嘅奖学金同勤工俭学畀大学学费用两个字形容法拉：学霸
20岁嘅法拉，开始参加多个选美比赛均获得数一数二嘅好成绩2005年到香港参加国际华裔小姐选美比赛最终获得亚军(当年嘅冠军係李亚男)
跟住打铁趁热，签约TVB出道
先係TVB8做国语主持自细钟意艺术、表演嘅法拉係摄影机前面表现非常自如
好快就畀“点金胜手”梅小青监制发掘2006年出演处女剧《法证先锋》係里面饰演一个单元嘅女主角虽然戏份唔多，但法拉嘅表现都几好
2007年係《溏心风暴》里面饰演刁蛮任性、情窦初开嘅18岁高中生唐至欣
E种温室中花朵嘅角色，无需太多演技法拉嘅演技颇为到位
同年係《师奶兵团》里面饰演狐狸精Angela
因为一场同郭政鸿搽太阳油嘅香艳戏身穿性感比基尼嘅法拉大show火辣身材迷倒唔少宅男之外，更係被贴上“姣精”标签
係《舞动全城》里面饰演一个注重名利嘅舞者程嘉汶自细跟住母亲学跳舞嘅法拉
係剧中身穿性感舞衣，大跳火辣热舞，极为夺人眼球仲一举夺得万千星辉颁奖典礼最佳女配角此时距离佢亚姐入行，不足两年
2008年係《溏心风暴之家好月圆》里面一改以前狐狸精、姣角、反派角色形象饰演柔弱哑女甘家庆全靠手语演绎台词及内心戏今次嘅“洗底”，令到法拉成为戏剧路上嘅多面手更夺得我最爱TVB电视女角色奖
法拉嘅古装造型都好精灵讨喜
不过小编最爱佢係《公主嫁到》中饰演嘅侍女银屏笑容甜美不但止，各种镜头分分钟可以截落嚟做表情包
2010年係《巾帼枭雄之义海豪情》里面饰演外表柔弱、性格刚强嘅刘晴虽然不幸患上心漏病，但始终係众人面前展现乐观一面面对日军威逼，更係不畏强权，反抗到底
再次夺得万千星辉颁奖典礼最佳女配角奖
2011年係《潜行狙击》里面饰演刚柔并重嘅Madam Jo
同Laughing Gor嘅对手戏最引人发笑
2012年係《东西宫略》里面首次出演丑女钟无艳
并演唱咗主题曲《缺陷美》
同年亦推出咗首张个人专辑《美丽人生》都夺得唔少新人奖但约满之后就冇同唱片公司续约
因为疲劳过度、压力太大
2012年法拉嘅面部神经出现咗问题令佢不得不全面停工，飞往美国养病
2013年係《冲上云霄II》里面饰演有个性、做事冲动，但又感情细腻嘅何年希Holiday
着起机师制服，巾帼不让须眉同Caption Cool(张智霖)、Caption Tong发展三角恋係一个令无数少女都羡慕嘅角色但又令人忍唔住去钟意佢
但佢係剧中嘅演技却一再受到质疑
同阿Sam讲到前男友嘅时候
本应痛哭流泪嘅法拉但一滴眼泪都挤唔出嚟当时仲有传吴镇宇当众数落法拉演技令其失控落泪不过之后两人都否认
日积月累，无论係观众抑或法拉自己都对演技越来越不满意虚心接受批评嘅法拉，最后决定远赴美国进修演艺宣布离开TVB
再加上当时同Neway集团“太子爷”薛世恒嘅七年情以分手告终就令佢远走之心更加坚定
话说两人嘅恋情係2007年曝光
2009年法拉现身男方外婆嘅葬礼，亲密关系浮上水面有传两人早已秘密係美国结婚
法拉对此从未正式否认过
嫁个有钱人，係唔少花旦嘅理想归宿
但法拉并冇将E个童话故事写到最后有传当时法拉同薛二少嘅老婆诸葛梓岐争宠闹出各种矛盾
有传係法拉无法忍受男方太过于花心反正真相係点，小编真係唔知啦但法拉本人表示过：唔钟意人哋当自己係贪钱攀豪门嘅小女人佢好清楚自己想要乜!佢有自己嘅理想!无论感情生活、经济状况如何佢都会好好咁努力工作落去
法拉表示好享受作为学生继续进修嘅生活
佢好钟意演戏
但同时都明白唯有拥有更扎实嘅根基先可以係演艺嘅道路上越行越远
今次回港参演舞台剧
可以话係法拉对自己嘅一次新挑战亦都可以话係法拉交畀大家嘅一次功课
毫无疑问，佢已经用自己嘅实力话畀大家知：佢嘅放下唔係真嘅放下而係放慢脚步係不断进修中找准适合自己嘅位置
小编觉应该支持一下咁热爱表演、对演技咁有追求嘅法拉!
http://www.duyihua.cn
返回 佛山美食 返回首页 返回百拇医药