82岁“鬼后”罗兰收山之作，竟然係内地片《借眼》！会唔会衰收尾呢？
2016/10/3 佛山美食

    

    提起香港鬼片，唔可以唔讲一个人“鬼后”罗兰相信每个睇过香港鬼片长大嘅人对罗兰婆婆都会有深刻嘅记忆(由细俾佢吓到大)

     细个嘅时候只要一见到佢出场唔理咩事，先关佐电视机个声先

     缓慢又空灵嘅语气、虚无嘅眼神、诡异嘅表情真係吓亲年幼无知嘅小编

     今年已经82岁高龄嘅罗兰终于决定收山啦

     而且收山之作竟然係内地惊悚电影《借眼》(又名《隐之爱人》)我的天!作为收山之作竟然係大陆“鬼”片仲要係罗兰演艺生涯第一部3D惊悚片

    电影男主角陈浩民都係首次接拍恐怖片，仲号称《借眼》係一部会令观众睇到全身起鸡皮嘅惊悚电影。陈浩民同罗兰继《封神榜》之后，相隔18年再次合作，陈浩民仲大赞罗兰宝刀未老，好恐怖!

    

    故事主要讲述：女主角係一个双眼失明嘅单亲妈妈，带住个女欢欢独自经营一家花店。係做完眼角膜手术之后终于重建光明，仲同眼科医生相爱，为佐开始新嘅生活，係眼科医生嘅帮助下搬入佐一间百年古宅，开始佐一系列被“恶鬼”纠缠嘅故事。听讲，电影仲会令观众真真切切咁睇到“鬼”...

    

    但係係向来「鬼片没有鬼」嘅中国内地《借眼》会唔会又係一如既往的五毫纸特效、故弄玄虚开头、精神病结尾呢个套路呢？作为罗兰嘅收山之作究竟会唔会毁佐香港“鬼后”呢个名11月26日就会上映

     真係要拭目以待

     09年已宣布不再接拍鬼片▼其实早係2009年，由陈小春主演嘅国内惊悚片《午夜出租车》邀请罗兰加盟，而罗兰却係接受媒体访嘅时候爆出：《午》唔单止係佢内地上映嘅第一部“鬼”片，都可能係佢职业生涯嘅最后一部恐怖片。

    係片入面，罗兰扮演阴阳两隔、人鬼殊途嘅老婆婆，罗兰多年积累嘅扮鬼内功，令都出演过好多恐怖片嘅陈小春，都被吓到起鸡皮：“只要係现场佢一企係我隔离，就即刻散发出一阵恐怖嘅气氛，同佢演对手戏，我成个过程汗毛都竖晒，出晒冷汗。”

    

    点解唔再拍鬼片？原来係因为罗兰係09年嘅时候成为佐信徒，带十字架。因为信仰冲突，所以传统嘅鬼片，佢都唔会接了。所以，筹拍《午夜出租车》嘅时候，再三沟通，为佢度身改戏，罗兰先肯破例演出。

     饰演的经典角色▼

    

    1993年，罗兰凭鬼片《七月十三之龙婆》饰演的“龙婆”成功成名，更令她成为鬼片之母。罗兰将呢个香港民间常见嘅沟通阴阳超能力嘅神婆形象演绎得超级生动传神!

    

    经典鬼片《阴阳路》系列至今20套罗兰都拍了近十六套，被封为“香港鬼后”。

    

    

    由1993年到呢家，“龙婆”已经过佐23年，必备嘅黑色唐装、阴森恶怖嘅青灯、经典“三白眼”同死唔断气嘅语速，成功造就角色深入民心。之前仲有手机品牌拍广告，搵来“龙婆”罗兰卖手机。

    

    

    而係2000年，罗兰以《爆裂刑警》中嘅四婆，一个正面角色获得金像奖最佳女主角!当佢从曾志伟、吴镇宇、刘德华、黄秋生四大男星手入面接过奖杯，全场拍烂手掌!

    

    2012年，海洋公园拍万圣节广告转灯搵罗兰重出江湖扮龙婆，仲吓到唔少人心脏都震一下。

    

    2015年龙婆回归再续经典，参演《怪谈》入面“係香港帮人烧愿纸嘅神秘婆婆”，讲述嘅係以微信嘅三大功能“摇一摇”“附近的人”“漂流瓶”为主线，引发一系列嘅诡异怪事。

    

    2016年嘅大热TVB剧集《一屋老友记》入面，罗兰再次扮鬼，今次同胡枫饰演一对可爱嘅鬼夫妇。

    

    银幕下嘅罗兰，至今未婚，作为一个虔诚嘅教徒，一直弘扬教义、扶助众生，经常参与慈善活动，都係圈中人尊敬爱戴嘅大前辈。

    

     既然《借眼》作为罗兰婆婆嘅收山作从细睇佢演戏大嘅朋友当然要去支持下啦最后，小编诚意献上罗兰亲口讲恐怖「鬼古」，吓到濑屎

    http://www.duyihua.cn
返回 佛山美食 返回首页 返回百拇医药