全城至爽鸡窦！食落爽口弹牙，销魂到嗨爆！妈妈再也不用担心我去叫鸡！
2014/12/2 广州笋嘢益街坊
次次去食鸡，鸡肉都係软淋淋，一D弹性都冇，唔好讲口感啦，连鸡味都流失晒，一D都唔organic!去匀广州咁多“鸡窦”，都係觉得差咗啲。好在上天够眷顾我，赐我一只爽到冇朋友嘅绝世好鸡!原来呢个世界上，竟然真係有鸡，係爽脆噶!!!
呢只全广州独一无二嘅爽鸡，来自天河区燕岭路力源酒店首层嘅力源爽鸡饭店。我哋去嘅当日，咁啱老板喺嗰度，我当然唔可以放过呢个机会，问下呢只爽鸡究竟有几巴闭。
老板话，呢只爽鸡，係佢哋自己喺江高镇承包农场嚟养殖嘅，保证安全健康零添加。而且每一只鸡都养足一年以上，绝对够斤两。呢种鸡嘅肉，肉质本身就係爽嘅，而非再加工令佢变爽。全广州，只得佢哋有呢只爽鸡咋。
因为饭店本身都有一个小鸡窦，所以呢度嘅鸡係即劏即上，保证全部都係活鸡，够新鲜。冬天食鸡，最好就係打边炉。力源爽鸡嘅锅底，都係主打养生，有云南松茸、黄金菇、石斛、玛卡等多款选择，汤底低至10元/底!
据介绍，呢度嘅汤底全部唔落油，唔落味精，唔落汤王料，係真高清噶。我哋就拣咗可以提高免疫力嘅虫草菌(即係黄金菇)做汤底啦，汤底加入咗几片姜、麦冬仲有几粒米，可以令到汤水滑D，冇咁鞋。听人讲，呢只黄金菇喺出面卖都要好贵，但係呢度，都只係50元一份，仲可以免费加汤水，仲送青菜一份，抵到烂啦。
?虫草菌(黄金菇)煲爽鸡 ? ?
拣几重嘅鸡，全部都係根据个人胃口嚟选择，我哋有5个人，一于拣只大只D嘅。服务员话只鸡有4斤重，“4斤，OK，一于就係佢啦!”
鸡肉係起骨上嘅，等汤底滚咗之后，就可以将鸡肉连埋鸡骨一齐放晒入去。鸡骨就用嚟熬汤，鸡肉熟咗就可以直接食。
哇!一啖食落口，鸡皮真係超爽脆!咬起身听到“卜卜脆”嘅声，仲爽过食薯片!鸡肉真係一D都唔淋。平时我哋食嘅鸡，鸡皮肥D就会觉得好腻。而呢只爽鸡，因为鸡皮係爽嘅，所以连埋鸡皮嘅脂肪都係爽噶!唔肥腻!!!
爽鸡唔止爽过人，而且鸡肉香味以及鲜味都係无法代替噶!就好似回到七八十年代嘅时候，嗰种纯天然、无添加嘅年代，食嘅係最原始、最淳朴嘅鸡肉风味。
汤底煲耐咗之后，吸收晒黄金菇嘅精华，颜色逐渐变深，饮一啖，真係好浓郁嘅菌菇味，加上鸡肉嘅鲜味，认真销魂。斋食鸡肉觉得唔够喉嘅，仲可以叫其它主料。
呢度嘅肉丸、面饼全部都係自己手工制做嘅，特别係呢个宽带面，用鸡蛋手工做嘅，面条好厚身，夹起身唔易断，爽口弹牙超好食!
?生焗野生青头鸭 ? ?
除咗爽鸡，呢度嘅生焗煲都好受欢迎噶，佢係采用无水砂锅嚟生焗，保留食材嘅原汁原味。生焗煲都有好多选择，例如鸡煲、脆肉鲩煲、肥牛煲、酸菜鱼煲等。鸭肉我平时就食得多，不过青头鸭就真係少食，一于就点个生焗野生青头鸭煲啦。
呢只青头鸭都係野生嘅，所以肉质结实、好大只。因为冇加水炆，所以鸭肉唔会炆到淋晒，食入口都好爽。值得一提嘅係爽鸡呢度嘅秘制酱汁，炆到鸭肉入晒味，而且佢将爆香咗嘅洋葱加埋落去一齐啫，令鸭肉都吸收埋洋葱嘅香味。超正!
?鸡杂焗饭 ? ?
广东人点都要有D饭落肚先够饱，食惯咗白饭，不如试下D新嘢。爽鸡有个好有新意嘅电饭煲鸡杂焗饭，大大煲都只係28元，一煲就够晒4个人食。
米饭加埋鸡杂入去煲，令每一粒饭，都焗到上晒颜色，吸收晒鸡杂嘅鲜香，煲得好入味。米饭就甘香，鸡杂就爽脆，连撒喺面头嘅葱都好香!个个食完一碗仲要添多碗，好食到清晒煲底。
小编总结
平时食惯咗软淋淋嘅鸡肉，忽然之间食到呢只咁爽脆嘅鸡，真係觉得好惊艳!爽鸡嘅鸡肉真係超级爽脆，咬起身卜卜声，一D都唔淋，完全冇夸张，口感好特别!如果你食厌咗软淋淋嘅鸡肉，想试下D新口味，不妨嚟爽鸡呢度试下佢哋嘅招牌爽鸡。
力源爽鸡
地址：广州市天河区燕岭路440号力源酒店首层(天河客运站斜对面)
电话：020-87087772、13697488881
营业时间：10:30-14:30、16:30-21:30
公交指引：
公交：银河园站②、天河客运站
地铁：地铁3/6号线天河客运站B出口
http://www.duyihua.cn
返回 广州笋嘢益街坊 返回首页 返回百拇医药