笋嘢益街坊！虾饺、干蒸、萝卜牛腩……点心一律9.8蚊！抵到无朋友！
2014/12/3 广州笋嘢益街坊

    

     冬天到，广州各大食肆纷纷推出唔少火锅套餐，不过火锅食得多，又真係几寡下。不过最近就有朋友推荐我去同和嘅旺金大酒楼食超正嘅原煲乳鸽饭。小编一于贯彻笋嘢益街坊嘅精神，帮大家去试下味啦。

    

     旺金大酒楼虽然话係位于同和白云山制药厂总站旁边，但係嚟呢到食嘢交通都好方便，无论係坐车定係搭地铁都可以直达。如果你係开车嚟，当然呢到都提供车位啦。一入到去，我就俾“食鸽专门店”几个字吸引，睇嚟呢到食鸽会有唔少新意思呢。仲等咩啊，都係快D坐低点几个招牌菜试下先。

    

    

    

     招牌红烧乳鸽

     既然係食鸽专门店又点可以唔点呢到销量NO.1嘅招牌红烧乳鸽呢，而且最近呢只鸽仲做紧特价，饭市都只要9.8蚊就可以食啦。哇，睇落去真係只只金黄色喔。一啖落去，唔单止外脆内嫩，就连D汁都係鸽身到流出黎，真係冇得顶啊。听老细讲呢到嘅红烧乳鸽特别用绿色养殖嘅鸽，所以D鸽嘅肉质特别有弹性，每只鸽都肥瘦适中，难怪烧出嚟嘅乳鸽都香味十足啦。

    

     山楂乳鸽

     如果你好似小编咁唔係好中意食油腻嘢嘅，但係又想食乳鸽，咁你就要试试呢到特有嘅山楂乳鸽。师傅用特制嘅山楂汁，将每一只乳鸽都煮到入晒味。一啖食落去酸酸甜甜真係好开胃，而且最重要嘅係，呢种乳鸽食落口一D都唔油腻，真係够晒健康。

    

    

     驰名药膳乳鸽汤

     天气咁冻最好嘅就係饮翻啖汤嚟暖下胃啦!嚟到呢到又点可以唔试试佢哋嘅招牌药膳乳鸽汤呢。呢到乳鸽汤嘅汤底係用多种药材同埋唔同材料熬足四个钟头而成嘅。係充满药材嘅老火汤里面加上肥美嘅乳鸽，啖汤变得十分鲜甜，而且药材味仲好浓添。係冬天一啖饮落去，真係全身都暖粒粒。听讲呢个汤仲有降血压、补脑同埋美容嘅功效，怪唔得知咁多人嚟呢到都点啦!

    

    

     特色鸽肾饭

     有汤就有饭，既然饮得乳鸽汤又点可以唔试呢到嘅鸽肾饭呢。或者你会认为呢到嘅鸽肾饭未又好似出边果D咁样係煲仔饭，咁你就错啦!呢到嘅鸽肾饭係用成个电饭煲上枱嘅，老细话咁样先可以俾D饭更好咁吸收D鸽香味。果然，一打开个煲盖，D香味就已经冲煲而出。食落口更加係粒粒米都融入咗鸽嘅味道，仲要口齿留香，搞到我都唔记得要减肥呢回事添。

    

    

    

     传统鲫鱼粉

     传统肠粉家阵係出边周街都係，但係呢到，你就可以食到有传统特色嘅鲫鱼粉。原条鲫鱼起片做馅，用陈村粉包起身，食起身唔单只可以感受到鱼嘅新鲜，而且肠粉仲好滑溜。

    

    

     咖喱珍宝蟹

     用咖喱带出蟹嘅鲜味，每一啖都食到鲜嫩嘅蟹肉。一啖落去，甜中带辣，咖喱味十分香浓。

    

     水乡盐焗西江星州红

     传统嘅水乡盐焗做法，将鱼嘅鲜味完美带咗出黎。肉质嫩滑，真係让人一试难忘。

    

    

     新派点心

     虽然呢到係中式餐厅，但係到一样有特色嘅点心可以食到。一人一位嘅新派点心紫薯汁配松果、香喷喷嘅芝士焗番薯、仲有好玩好睇又好食嘅蘑菇包。真係样样都好睇好食。

    

    

     9.8份/蚊早茶

     除咗饭市，呢到嘅早餐一样平靓正。虾饺、干蒸、萝卜牛腩……只要你霖到嘅，呢到都有。你每日十一点前嚟呢到茶市，全部点心都係只要9.8蚊/份。

    

    

    

     当然点心种类仲有好多，小编我就唔一一放上嚟啦!

     同和呢间旺金大酒楼，唔单止食嘢平，出品更加係正到没人有。价钱咁亲民，仲唔快D带买阿爸阿妈一齐去开餐。

     地址：广州市白云区倚绿北街14号2楼(近同泰路、白云山制药厂总站对面)

     电话：020-87232283 020-84282828

     营业时间：每天7：00-22：00

     交通：白云山制药厂总站，56,，836，219，179，83，地铁近同和站D出口

    

    

    

    http://www.duyihua.cn
返回 广州笋嘢益街坊 返回首页 返回百拇医药