全广州都卖断货嘅文艺米粉，去食之前请做好排长龙嘅心理准备！
2014/12/5 广州笋嘢益街坊
每次天气转冻，我总係希望有一碗暖粒粒嘅米粉出现係我面前。而每当呢个谂法出现嘅时候，仲係揾唔到我自己想要嘅。但係自从——俏凤凰係广州开店之后，我就俾佢嘅出品同环境所折服。唔讲咁多啦，我哋即刻去片!
讲起我第一次嚟到俏凤凰，我就已经俾佢与别不同嘅装修风格吸引。仲未走进店里面，浓厚嘅木色就係眼前出现，俾人嘅感觉真係好稳重，好有原始嘅感觉。据小编收料得知，原嚟呢到嘅装修设计全部都係老板一手一脚自己设计嘅，虽然老板自身唔係凤凰人，但係一次旅行倨就俾凤凰吸引，加上老板中意食米粉，所以翻广州就创立苗家牛肉粉嘅品牌，希望通过自己多年所学，将湘西独特惊艳嘅文化同米粉带俾广大嘅消费者，希望所有人都可以品尝到湘西苗家特色嘎牛肉粉，体验到苗族惊艳嘅文化。
係全木色嘅环境之下，用苗族头饰做成嘅灯罩、苗族木雕、苗族银饰、苗族织布……一齐配搭出苗族嘅“最炫民族风”。虽然店里面唔似出面嘅果D食肆咁灯红火亮，但係就係因为呢种柔和，营造出一种令人好放松嘅空间。店里面嘅装饰全部都係老板从凤凰果边买翻嚟，每一个都充满住凤凰嘅特色。而係其中我最中意嘅莫过于係用苗族特有嘅银头饰做成嘅灯罩，係灯光嘅照耀下银光闪闪，真係好靓。而作为灯膜嘅蓝色扎染布更加体验出凤凰嘅民族工艺。而呢一个个唔同嘅个体组合埋一齐，就俾人亲自去佐凤凰嘅感觉。
做一碗最好嘅米粉，汤头係好重要嘅。係俏凤凰佢哋坚持每日用新鲜嘅筒骨去熬汤底，拒绝隔夜嘅汤底。係汤底方面佢地又分咗牛骨、猪骨两种，但係都係坚持选用筒骨，再加上苗家秘制嘅香料，文火慢熬3个钟头而成。就汤头都咁劲啦，难怪每日门口都排晒长队嚟呢到食嘢啦!
酸汤牛肉粉
苗家人中意食酸辣，所以係到食嘢又点可以没酸辣呢两种味道呢。而呢到嘅酸汤牛肉粉更加係店里面嘅人气NO.1。用猪骨熬着嘅汤底用古法制作出嘅酸辣味道，一碗粉爽滑得嚟又够晒开胃，难怪会成为人气NO.1。
清炖牛肉粉
大大块嘅牛肉炖到好淋，分量好多，食起身超满足。饮一啖浓浓嘅骨头汤，胃马上暖起来。清汤可以细致品尝到米粉的精髓。米粉好有嚼头，原来係用咗湘西本地高山水酿嘅米粉，唔使担心人为添加塑化剂。
如果你觉得味道太过清淡，想要嚟D刺激，咁你可以试下加呢到嘅剁椒辣椒酱或者自制油辣椒黎刺激下你嘅味觉。
墨鱼猪肚排骨罐罐粉
係未冇试过呢种食发嘅米粉呢？用墨鱼、猪肚、排骨加埋一齐原罐恒温蒸制而成，香气诱人，斋饮就已经味道十足，将D汤倒入D粉到更加係俾D粉充分吸收汤嘅鲜味，食起身果然正到爆。
汽水肉
五花肉打泥再剁成肉饼，用高汤隔水蒸气蒸出来的。蒸的过程中，水蒸气落到肉里面，故名汽水肉也。高温蒸出来水分好足，所以肉好滑身。一啖饮落口，果真啖啖清香啖啖回甘。
麻辣牛肉/香辣牛展
如果想食D辣嘢暖下身，咁你就一定唔可以放过呢到用苗家秘制酱同菜籽油一齐炮制嘅麻辣小食。麻辣牛肉、香辣牛展食起嚟够麻够辣之余中啖啖肉，食肉兽真係要必点啦。
食咗主食，又点可以唔食糖水啊!呢到嘅糖水都有好多种类俾你拣，而我最中意嘅就係呢到嘅椰汁榴莲!係糖水里面一大块榴莲肉，而椰汁中和咗榴莲嘅味，唔好太甜，一啖椰汁一啖榴莲肉真係我嘅最爱。
黑糖桃花泪
呢个糖水你係出边绝对食唔到，桃浆、红糖、纪子、黑糖浆、银耳嘅组合，食起身好有胶质感，虽然听个名好似好甜咁，但係你真正食落口果阵真係唔会觉得甜，最重要呢个糖水仲有美容养颜嘅功效，女士们千万唔好错过。
据小编收到分，係今个星期六日，会有一位苗家美女出现係俏凤凰，据说只要同呢位美女玩个好简单嘅“猜拳”游戏，就有礼物拿啦，仲唔快D去参加。
店名：俏凤凰(花城汇店)
地址：广州市天河区珠江新城花城汇南区海印都荟城c区02铺
营业时间：11：30-22：00
交通指引：地图APM线花城大道B出口
人均：25蚊/人
店名：俏凤凰(岗顶店)
地址：天河区岗顶百脑汇5楼
电话：020-85266317
营业时间：10：00-22：00
交通指引：地铁三号线岗顶站C出口
人均：25蚊/人
分店：俏凤凰(同和店)
地址：白云区广州大道北1968号合一国际广场一层(近南方医院)
电话：020-37377743
人均：25蚊/人
http://www.duyihua.cn
返回 广州笋嘢益街坊 返回首页 返回百拇医药