生猛河鲜超高性价比强袭土华村！鱼虾鸡贝配料全部任拣任搭，鲜甜到飞起！

生猛河鲜超高性价比强袭土华村！鱼虾鸡贝配料全部任拣任搭，鲜甜到飞起！
2014/12/5 广州笋嘢益街坊

冬天嚟啦!神奇嘅广州令你系一个星期内感受晒春夏秋,最终系冬天定格.冬天系一个美好嘅季节,一切你系春夏秋三季嫌弃嘅嘢都会系E个季节视为珍宝,例如厚衫、太阳同男朋友!所以我地更加应该衬住E太阳唔再炙热,空气唔再湿闷嘅时候去奔跑，去拥抱，去土华三友渔邨迎接那新鲜活泼储左一身秋膘嘅肥鱼鱼!

真正嘅好嘢都系远离闹市，被埋没系鲜为人知晓嘅地方。古有陶渊明采菊东篱下，今有老板养鱼天桥底，如果小编冇土著朋友带路根本就稳唔到，而你地就等小编带路啦!黎到小鱼子们嘅世外桃源------土华三友渔邨。

用竹搭起嘅大厅散发住一阵阵Organic嘅气息，宽敞通风而明亮。除此之外仲有大大小小好几间充满农家感觉嘅房间，大家热热闹闹围埋一台，将冬日最后一丝凉意都驱散埋!

土华三友渔邨嘅鱼最巴闭嘅地方，就系佢地全部都有私家泳池噶!原本ED泳池系老板之前养锦鲤用嘅，大家多少有听闻养锦鲤真系唔容易，特别对水质要求极高，所以大家可以见到图片木板覆盖嘅地方，其实系一个十分巨型嘅过滤系统，而且用水都系直接抽取地下水，所以E度嘅所有鱼鱼都有十分干净舒适嘅生活环境，同充足嘅活动空间。

咁大条又生生猛猛嘅鸭嘴鱼，市区边度稳!!!鸭嘴鱼系市区酒楼系好难生存噶，因为佢地系狭窄嘅鱼缸里面傻傻地好容易就会撞瓜自己。但E度就唔同，有超大嘅私家泳池仲有独立超强嘅过滤系统保持水质，系鱼入面佢都算高富帅啦!

     鸡鸡，鸭鸭，鹅鹅，一人一个小房间，咯咯咯，呱呱呱，呀呀呀~中气十足咁唱住欢乐的歌儿~!

     系水池玩完一轮，翻黎我地点所有菜就都摆晒系面前!

     ?顺德大盘鱼?

     系新鲜嘅鱼面前一切调味料都系多余，但点样令鲜上再加鲜？!系师傅嘅精心安排下，鱼、虾、贝类“相遇”系一个大盘里面，佢地互相融合，又保持住各自嘅特色。缤纷嘅颜色就已经令人垂涎，随住加热更系冒出嘅阵阵香气。

终于好唔容易等到师傅一句，食得啦!即时起动!食一啖鱼，肉质细滑、清新香甜、鲜嫩多汁，果瞬间感觉人生得到左升华，顺德大盘鱼，食既又岂止系鱼。

     ?钳鱼焖鸡?

     食完个鲜上加鲜嘅大盘鱼，我迫不及待咁想试试钳鱼同鸡E对组合可以带比我点样嘅惊喜!材料上鲜虾白贝增加鲜味外仲加左附近村民自己种嘅新鲜木瓜，唔知会唔会有丰胸效果呢？唔理，食多D再算。

为左保持最佳嘅口感，钳鱼炆鸡嘅最后一道工序都系要放系我地面前完成，虽然明白咁样可以令我地食到佢最新鲜最野味嘅味道，但同时都系一个漫长嘅折磨，当汁水慢慢由稀转为浓稠，咕噜咕噜咁翻滚雾气升腾，香味若隐若现，销魂撩人!

系即将把持唔住嘅最后一刻，终于又听到，食得!金黄嘅酱汁包裹住白嫩嘅鱼肉，咬落去清晰感觉到鱼肉逐渐系牙齿嘅受力下断开，除左鱼本身既鲜美完全被激发出嚟仲多少D鸡本身嘅野味，相辅相成，令人一试难忘。

     ?顺德焖鱼?

     E道菜嘅特色就系即捞、即宰、即煮、即食。七分靠食材，净低三分先系靠技巧。三友渔邨选用嘅系顺德特有嘅“瘦身鱼”，鱼无泥味腥气，肉质又滑又嫩，仲好有弹性添!而冬天正系顺德鱼养得最肥嘅时候，肉质爽，新鲜即烹，就系好食嘅关键!再加上师傅用最传统嘅顺德公方法焖鱼，带出鱼嘅清香嫩滑、原汁原味，各种材料味道混合系一齐，形成一种奇怪嘅化学反应，异常香甜。