辣到超级销魂嘅地狱日料，仲有“张敬轩”陪你食辣辣寿司，呢个冬天不寒冷！
2014/12/6 广州笋嘢益街坊
听闻江南西横空而出咗间碗比脸大刺身饭嘅日料店，刺身满到装都装唔晒，简直就係食货们嘅福音!竟然有咁大只蛤乸随街跳？小师妹(小编私人微信：miss5flower)梗係要专程去探一探虚实，今日我就约齐班friends，一齐杀入江南西青葵大街呢间『玖丼日式料理』。
少嚟江南西呢边嘅朋友，可能会对附近嘅大街小巷唔係好熟悉，不过唔紧要，跟住我行，你一定唔会荡失路!
因为附近就係居民楼，所以用餐环境好宁静，坐喺度用餐，仿佛被周围嘅宁静舒适感染，会好自然就将精神放松，慢慢享受玖丼呢度远离尘嚣般嘅自由。
同青葵社区宁静舒适嘅感觉一样，玖丼嘅总体环境都係十分幽雅别致，原木色系嘅外墙，擦到一丝不染嘅落地玻璃，生机勃勃嘅植物花藤……每一个布置都好有心思，简洁自然得嚟又充满小资气息。
一坐低就有服务员上茶畀我哋，打算问下最近有咩新推介，点知一抬起头，我就完全震惊了!点解张!敬!轩!会喺度!？我旁边一班死党更加係好似打咗鸡血咁激动，即刻唧唧喳喳噉捉住“轩仔”嚟问长问短。虽然听唔到真正嘅轩仔唱歌，但係都可以望多两眼呢个“轩仔”过下瘾~
地狱系列
“轩仔”介绍到，为咗迎合到嚟嘅冬天，玖丼特意推出咗全新地狱系列——地狱拉面、地狱寿司、地狱火锅等，以最火热嘅姿态迎接呢个寒冷嘅冬天，食完包你唔会再畏首畏脚~
地狱火锅
睇卖相，我差D以为佢只不过係普通嘅海鲜火锅，直到淋上红卜卜嘅汤底，先至清楚明白到呢个係名副其实嘅地狱火锅!
呢个汤底认真不得了!係老板专程喺日本采购汤包，再加上好几种食材混合，经过好几个钟头熬制而成，，搭配大虾、芝士丸、蟹籽丸、鱼板等海鲜，仲有金针菇、娃娃菜、香菇做配菜，令成个汤底味道更加丰富。
火焰喺锅底慢慢散发出温暖嘅热量，逼出食材嘅原汁原味，既可以食到海鲜嘅鲜甜，又可以饮到汤底嘅醇厚，一瞬间就驱散寒冷，呢种感觉真係超正!
地狱寿司
地狱火锅、地狱拉面我都听得多，不过连寿司竟然都可以做成地狱效果？!我真係第一次听，咁过瘾，唔试下又点对得起“轩仔”嘅极力推介啊。
地狱甜虾寿司
哦~原嚟玖丼嘅地狱寿司，精髓在于饭团度。寿司饭係加入辣椒揉成嘅，本身就有好浓郁嘅香辣味，颜色鲜艳夺目，食落口麻麻哋、辣辣哋，但係又好香，加上面头大大块虾肉，鲜甜得嚟又爽滑，好食到令我欲罢不能。
地狱海盐带子寿司，滑滑嫩嫩嘅带子，可能係我食过嘅最Q滑嫩嘅带子啦~
地狱火炙左口鱼裙边寿司，左口鱼经过火枪轻炙后，更有利于脂肪化开，放入口轻轻一抿，鱼肉好似膏脂般融化，呢一瞬间，满口都係细腻鲜腴嘅感觉，令人惊艳。
地狱墨鱼寿司，墨鱼嘅爽韧係出咗名，无需用太多花巧嘅修饰，玖丼将墨鱼最原始嘅嗰种弹性以及爽脆完美噉呈现出嚟，寿司独爱!
地狱挪威三文鱼寿司，“轩仔”话，佢哋嘅三文鱼係每日新鲜到货嘅，新鲜美味食得出。睇下块挪威三文鱼，切得都好厚身，而且纹路好靓，的确係靓货!
地狱拉面
讲到地狱系列，又点少得著名嘅地狱拉面啊。想试下冬天流汗嘅感觉？你就一定要试下佢啦。
呢碗地狱拉面食材好丰富!新鲜大虾、糖心蛋、鱼板、粟米粒、鲜笋、木耳铺喺面头，见到都流口水。而个汤底仲正!係用新鲜豚骨、鸡骨熬制而成，好浓郁嘅骨胶原，配上爽口弹牙嘅拉面，perfect!
饮一啖汤，食几箸面，睇下只虾几大只，哈哈，我唔客气啦~
棉花糖寿司
食完辣辣寿司，不妨试下玖丼嘅特色甜寿司——巧克力火炙棉花糖寿司。
棉花糖经过火炙，令绵软嘅口感更上一层楼!入口即刻融化，棉花糖嘅香甜萦绕喺口腔里，仲有香滑浓郁嘅朱古力，成个口感简直冇得弹!钟意食甜品嘅朋友仔，一定唔可以错过啊~
鹅肝饭
讲到明係为咗玖丼嘅刺身饭而嚟，点可以唔试下佢D饭。不过，食完咁多海鲜刺身，不如试下啲特别D嘅——鹅肝饭!斋听个名就有种高大上嘅感觉，不过价钱都係平民价，可以放心食。
鹅肝经过炙烧之后，散发出本身嘅独特香味，而且令口感更加香嫩幼滑。一碗饭就有5件超大块嘅鹅肝，加上螺肉、海藻、鲜笋、青瓜、蟹籽做配料，点可以唔动容!
福利到!分享即送!
沙拉、饮品、前菜(三选一)
1.蟹籽沙拉(25元)、奇异果三文鱼沙拉(25元)
2.饮品
3.前菜
获取方式：分享本文章到朋友圈，到店出示朋友圈截图，即可获得。
备注：本优惠按人数送出，例如三人同行，三人同时出示分享截图，就可以获得三份小吃或饮品啦!赶紧收藏本篇文章及推荐给朋友吧!
玖丼日式料理
地址：海珠区江南西路青葵大街17号104号(新泰乐旁路口右进)
电话：13250774100
营业时间：11:00——22:00
路线指引：
↑地铁“江南西”A出口出来后，向西南方向出发，沿江南西路走100米，左转穿过马路继续向前。
↑继续沿江南西路走490米，即可见到“新泰乐”和“骏盛酒店”。
↑往前走在报亭旁边的路口转弯，即可见到“青葵大街”的路标。
↑来到“青葵大街”，继续直走约40米就可见到“青葵社区公告栏”，『玖井』就躲在铁门里面。
http://www.duyihua.cn
返回 广州笋嘢益街坊 返回首页 返回百拇医药