江南西有间人均25蚊嘅西餐厅，环境好，性价比高，绝对係朋友聚会首选！
2014/12/8 广州笋嘢益街坊
最近朋友约小师妹我(小编私人微信：miss5flower)聚一聚，天气咁冻，想揾一个暖笠笠，咩都有得食，又有得玩，而且坐得舒服嘅地方，真係有D难度。好在小师妹咩都唔多，就係食货朋友多，问过佢哋嘅意见，都推荐我去江南西一间好温馨好有情调嘅悠闲小店——窝居。
窝居有室外露天位同室内卡座选择，想free D嘅朋友仔，可以拣坐室外，不过我就怕冻，都係坐入面好。
里面嘅布置好舒适，真係有一种“蜗居”喺屋企嘅感觉，而且灯光唔会太光猛，好适合三五知己或者係情侣们喺度倾密计。
除咗有情调，仲好有艺术feel添，咁靓嘅布景，够晒小资啦~
唔讲咁多啦，个个都嗌肚饿，不如点D嘢嚟食下先。翻咗下菜牌，发现呢度嘅消费都唔贵，10零蚊就有一款主食，而且下昼五点前仲有优惠套餐，平过出面D西餐厅多多声。
“ 蜜汁鸡扒 ”块鸡扒真係超大件，好厚身，呢个价钱有噉嘅分量真係有D吓亲我!不愧咁多资深食货推荐!蜜汁係窝居自己调配嘅，味道咸鲜兼有D甜味，淋落鸡扒度，等鸡扒吸收晒之后，再捞埋意粉一齐食，好好味啊!O(∩_∩)O
“ 海鲜炒饭 ”哇~炒饭色水好靓啊，炒到金黄灿烂嘅米饭，加上虾仁、八爪鱼、蟹柳、洋葱丝、萝卜粒等食材嘅点缀，简直係色香味俱全!
“ 意大利芝士肉酱意粉 ”食过咁多芝士肉酱意粉，我就最钟意窝居嘅呢个啦。酸酸甜甜嘅肉酱混合爽滑嘅意粉，香喷喷，而且表面铺咗一层好浓郁嘅芝士，烤到好幼嫩，意粉就爽嫩，同芝士肉酱味mix得perfect!
将意粉同芝士肉酱捞匀之后，每一条意粉都蘸上芝士肉酱嘅香味，食落口口感超正!
“ 海鲜炒意粉 ”呢个炒意粉，就比较干爽啦。同样都係用海鲜炒，令意粉嘅味道更加鲜甜，海鲜多到爆，入口爽嫩弹牙，好鬼正!
“ 肥牛饭 ”想食得港式D嘅，不妨试下呢个肥牛饭，牛肉爽口香滑，肉质好结实，加上师傅调配嘅酱汁，满满噉淋喺碟度，捞饭食不得了，唔知可唔可以加饭捏~~~
“ 窝居愉快 ”哈哈，问过侍应先知道，所谓嘅“窝居愉快”其实就係鱼块，鱼块表面炸到金黄酥脆，但係内里嘅鱼肉仲係十分幼嫩，外酥内嫩，口感无敌!
“ 香脆芝士肠 ”呢几条肠仔唔係普通嘅肠仔，而係香浓嘅芝士肠!入口真係食到有芝士味，而且表皮好脆，一啖咬落去，成条肠都唔会散开，仲保持到“肠形”。我就钟意蘸D千岛酱一齐食啦，香到爆!
“ 芝士火腿三文治 ”呢个三文治嘅分量多到惊人!足足有成四件!而且中间夹住两块午餐肉、一片芝士，午餐肉好鬼厚身，而且肉质好新鲜，完全唔係罐头货，唔干身。
“ 西多士 ”呢个港式嘅小食，内层涂满花生酱，外层蘸满蛋液，经过油炸之后，好香脆，食嘅时候再点D牛油，仲正啊!
“ 芝士棍 ”芝士棍係呢度嘅人气小食，好多人嚟呢度都必点!
一啖咬开，芝士嘅拉丝效果超级正!霎时间，浓郁嘅芝士香味瞬间入侵我味蕾，脆香嘅表面，柔软嘅芝士，好食到飞起~
“ 提拉米苏 ”作为意大利甜品嘅代表，提拉米苏一直都得到我嘅青睐。浓郁嘅咖啡风味，加上芝士同奶油嘅稠香，味道好醇厚，口感滑嫩，入口即化。
“ 冬季热饮 ”食饱饱，终于可以坐低舒舒服服噉倾下计啦，不过，好似少咗D嘢噉。係啦，冇嘢饮，点得噶，嗱嗱声叫D饮品嚟先~窝居嘅全场饮品都无添加任何香精、奶精、茶精等食用料成份，绝对够健康!而且，为咗迎战寒冷嘅冬天，窝居仲有一系列冬季热饮，可以暖下手、暖下胃。
热朱古力
热红茶
忌廉雪顶咖啡
仙草奶茶
招牌盆栽奶茶
蜜豆抹茶，红豆mix抹茶永远都係我嘅最爱，抹茶清香，加上软绵绵嘅红豆，沟匀之后，零舍甜蜜!
小编总结
江南西呢间窝居，地方虽然唔係好大，但係就係呢种有D逼嘅感觉，先可以最大程度噉拉近小伙伴们之间嘅距离，大家食下呢度嘅平价高质小食，顺便讲讲笑笑，够晒warm，够晒free，先叫做聚会噶嘛!
窝居
人均：25元
地址：海珠区江南西路青竹大街5号102号铺(近江南新村第一小学青凤校区)
电话：020-34277540、13711627742
营业时间：11:00——24:30
http://www.duyihua.cn
返回 广州笋嘢益街坊 返回首页 返回百拇医药