人均35蚊就食到荔湾地道老广味！20周年真情回馈，饮茶、食饭平通街！
2014/12/10 广州笋嘢益街坊
食惯快餐、外国菜，有时候，真係好想做番一次正宗嘅广东人，食番D地地道道嘅广州老味道。而讲到传统老广味，就不得不提嗰D开咗几十年嘅老店，味道真係地道嘅广州味，而价钱係温暖嘅街坊价。今次小师妹(私人微信：miss5flower)嚟到荔湾路呢度，揾到一间已经开业20年嘅荔湾名店，人均30+就可以食得好丰盛，难怪会充满浓郁嘅街坊情。
住喺荔湾呢头嘅朋友仔应该都知道呢一间富士山鼎盛酒家，不知不觉，原嚟已经开咗20年，记得细细个仲成日同屋企人嚟呢度饮茶。而喺呢个珍贵嘅20周年，富士山鼎盛为咗答谢一班食客嘅支持，推出咗一系列优惠菜单。
既然富士山鼎盛讲得上係同我一齐长大，梗係要支持啦。地道老广味，我嚟啦!
红烧乳鸽 全场9.8/只
虽然好多酒楼都有乳鸽食，不过我始终都係觉得富士山鼎盛呢度嘅乳鸽係最够风味最考究。
鼎盛呢个镇店之宝，先用卤水入味，再淋汁风干，最后先係落油滚熟。出嚟嘅乳鸽甘香扑鼻，表皮炸到酥脆，味香汁多，好食到连骨头都唔想放过啊。因为实在太多人点啦，所以呢只乳鸽每人只限一只，不设打包。
陈皮炖肉汁 9.8/位
除咗乳鸽，好抵食嘅仲有呢度嘅炖汤，特价炖汤好两款——陈皮炖肉汁&五指毛桃炖鹧鸪，都係9.8/位!天气转冷，我哋就要咗陈皮炖肉汁做开胃汤，汤汁好清甜，有甘香嘅陈皮味，食落口都唔会苦，仲可以化痰止咳，好开胃。
特价豉油鸡 48元/只
嚟鼎盛食饭，点少得招牌豉油鸡，记得好细个嘅时候就开始食呢只豉油鸡，估唔到过咗咁耐，一样咁好味。
一上台，豉油鸡嘅通红油光就已经将我深深吸引，好大阵豉油香味飘散开嚟，闻到都食欲大振。一只鸡有成两斤重，半只都只係25元。
鸡肉皮香肉滑，食落口肉质嫩滑，仲有浓郁嘅豉油香，一瞬间，就畀我哋风卷残云，食到连渣都冇得净!
海鲜大特价
讲明係丰盛，又点少得海鲜，富士山鼎盛嘅海鲜，全场都係超低价!鳄鱼龟38元/斤、波士顿龙虾88元/斤、花蟹48元/斤、山坑鲩19.8元/条、多宝鱼38元/条、白灼沙虾28/份!
多宝鱼平时喺酒楼食都起码要成70、80元一条，而鼎盛，只卖38元!呢个价钱实在係太吸引，我一定要整番条!
澳门烧肉 16.8元/例
我好钟意呢个澳门烧肉，佢係用全骨花肉嚟烧嘅，每一只成年猪都係得一斤咁多骨花肉咋，可见佢係几咁矜贵!
猪肉烧得好香脆，而且师傅刀工非常唔错，切得一D都冇破碎，完整将猪肉以整整齐齐嘅方形呈现出嚟，睇到都心花怒放。烧猪肉肥瘦相间，猪皮烧得好脆，咬落“卡擦卡擦”声，而肥肉部分就入口即化，一D都唔肥腻。
冬瓜盅火锅底 25元/个
一楼大厅推出咗以冬瓜盅为主嘅火锅，可以用冬瓜盅嚟打边炉，搭配任意嘅肉类或者海鲜，一只冬瓜窝底都只係25元!
冬瓜超级大一只，唔係出面D迷你冬瓜，见到都大阵象。同冬瓜盅配套嘅，仲有一份冬瓜水、猪骨熬出嚟嘅高汤，以及瘦肉、瑶柱、虾米、莲子、鸡肾、蜜枣等食材。因为汤底混入原汁冬瓜水同莲子等食材，所以啖汤好清甜，一D都唔油腻!
如果搭配呢个78元/只(第二只半价)嘅特价清远鸡，即係话两只鸡加一个冬瓜盅锅底，人均都只係35元!太抵食啦!
清远鸡係生上嘅，好大只，係新鲜鸡。喺冬瓜盅里面打边炉，零舍写意~
鲫鱼粉卷 38元/条
鲫鱼味道清甜，肉质细腻，我一直好钟意食，可惜鲫鱼多骨，令我又爱又恨。但係，鼎盛嘅呢个鲫鱼粉卷就非常好噉解决我嘅后顾之忧啦。佢係将鲫鱼起肉先，然后用陈村粉包住嚟蒸，加上鼎盛特有嘅豉油调味，味道更加滋味。
鸡杂煲仔饭 23元/煲
如果想食地道嘅煲仔饭，不如试下鼎盛嘅煲仔饭，好惹味噶!
一揭开盖，就闻到好浓郁嘅鸡杂香味，色水好靓，一睇就知道係新鲜鸡杂。鸡杂係事先经过腌制嘅，爽口又够味。饭煲得好香，吸收晒鸡杂嘅酱汁，食落口好甘香。
加上表面撒上嘅葱香杞子增味，呢煲煲仔饭真係绝啦。另外，鸽肾煲仔饭都係23元/煲咋!
特价刺身
咪以为鼎盛净係得传统粤菜，为咗迎合更多食客挑剔嘅口味，呢度都推出咗多款特价刺身噶!
希鲮鱼刺身 特价38元/例
三文鱼刺身 特价48元/例
北极贝刺身 特价38元/例
茶市 点心4.2元起
鼎盛一样咁旺嘅茶市梗係都有优惠啦!早茶7:30——11:00时前、下午茶2:30——4:30时前结账并离场的点心一律特价七折!小点4.2元起!
点心拼盘A 特价18元(只限下午茶供应)
点心拼盘B 特价16元(只限下午茶供应)
点心套餐C特价23元(只限下午茶供应)
咁多特价点心，我样样都想食啊!唔少得嘅仲有呢个酥皮鸡蛋挞，酥皮层层酥松，蛋液幼嫩香甜，半打9.8元，一打都只係20元!咁抵食，嚟饮茶肯定要落一打啦!
鼎盛嘅特色点心，仲有呢个麻薯包，入口软糯香绵，相信好多女仔都钟意食。价钱都係益街坊价，9.8元/半打、20元/打。
注意：以上部分特价菜式仅供一楼大厅以及茶皇厅。
活动时间：2014年12月10日——2014年12月31日。
富士山鼎盛
地址：广东省广州市荔湾区荔湾路149号
电话：020-81930748
营业时间(一楼龙凤厅、茶皇厅茶市直落)：
早茶：7:30 11:30
午饭：11:30 14:30
下午茶：14:30 16:30
晚饭：17:00 22:00
http://www.duyihua.cn
返回 广州笋嘢益街坊 返回首页 返回百拇医药