天河绝对唔可以错过嘅海鲜刺身饭，可能系全广州最好食嘅刺身饭！
2014/12/12 广州笋嘢益街坊
迫不及待想要同人分享嘅心情，唔知大家有冇试过？自从我踏入大渔海鲜刺身饭之后，E种灼热嘅心情就一直冇冷却过。
日本人系一个最擅于贩卖“幸福感”嘅民族，E个多数人都应该有所了解。而日本学厨多年嘅老板亦将E一种文化带入左佢嘅大渔海鲜刺身饭。
系简洁朴素嘅外观下，无论用餐环境，或系料理嘅出品都包含住贴近客人需求嘅细腻巧思，常常令人怀抱住满满嘅幸福感离开。
?芒果蟹子沙律
老板话E款沙律同店里面另外一款沙律系卖得最好噶，几乎到店必点!不过Sorry啊大家，当时我已经沉醉系E款沙律里面不能自拔，其他都已经听唔入耳啦╮(╯▽╰)╭红卜卜嘅蟹子几乎同蔬菜嘅分量打成平手，黄金金嘅芒果你根本无办法想象E个季节居然仲可以食到E种清甜，配搭青BB嘅蔬菜，直接食口感清新爽脆又健康，加少少沙律酱就令味觉更加丰富饱满。(≧▽≦)/
?刺身春卷色拉
老板话粤菜有春卷，越南菜有春卷，乜菜都有春卷，佢又点可以执输？!虽然讲得随意，但出嚟嘅菜品一D都唔随便。薄薄嘅外皮隐约见到里面金黄同翠绿互相辉映，配上由十几种材料精心调制而成嘅酱汁，刚入口，酸酸甜甜嘅味道就充满口腔，然后慢慢咬落去，感受蔬菜嘅青脆，芒果嘅鲜甜，三文鱼嘅甘香。简直就好似初恋一样，充满清新甜蜜同期待!(*^__^*)
?蒜蓉炸豆腐
谂起有D好笑，E碟炸豆腐从师傅拿出嚟时就一直保持住诡异嘅平衡，虽然一直摇摇摇但系又唔坠喔!( ⊙ o ⊙ )原因会唔会系同佢炸到金黄香脆嘅外皮仲有里面依然雪白鲜嫩嘅豆腐有关呢？!浓郁嘅酱汁不停散发住诱人蒜香，好似一直对你招手招手招手～
?招牌刺身饭
一碗刺身饭原来并无想象中简单。鲜橙色嘅三文鱼，纹路清晰分明。玫瑰红嘅金枪鱼好似水晶咁晶莹剔透，泛住健康嘅光泽，日本进口嘅带子，同来自日本北海道嘅牡丹虾，层层叠叠，分外迷人。(ˉ﹃ˉ)不过新鲜嘅刺身并唔系佢最打动人心嘅地方。
系微信相信大家睇唔少有关食鱼生会生虫嘅新闻，你地又有无留意到,ED生虫嘅人来自于边度呢？!佢地嚟自世界各地，但除左日本!日本人对于饮食嘅文化确实有佢地独到之处(⊙o⊙)我地大部分日料店所谓可以杀菌嘅芥末都不过系D香精加辣椒油，点可能真系有杀菌功效？而大渔海鲜刺身饭，都系用真正嘅芥末手工磨制，就算空口食，都唔有果种强烈涌鼻嘅感觉噶!而芥末特有嘅香气带住一点天然植物独特嘅青味一点点充满你嘅味蕾，原来食芥末都可以系一种享受。
系日本料理里面，摆系碟上面嘅所有配料都系可以食噶!就好似拌碟嘅紫苏叶同样有杀菌暖胃嘅功效，包裹鱼生一齐食，特别嘅滋味令人一试难忘。就算白饭都添加各种配料令其更具口感同更健康(原谅我有太多太多想分享，篇幅限制，只可以略略提及Σ( ° △ °|||)︴)值得补嘅饭碗经过加热使白饭都系保持接近人体温度，所以冬天食都唔怕觉得寒噶!
?炙烧寿司
寿司同刺身饭用嘅白饭，都经过一系列繁琐嘅处理先可以一粒粒饱满分明同时保持莹润光泽。
鱼生同饭采用最佳嘅比列，唔会为左吸引人而切到又长又厚令丧失最佳口感。经过火焰炙烧，表面沙律酱散发出微微焦香，入口香嫩特别。
碗碟都好生动精致，令人食欲大增!
?红酒牛肉
切成块状嘅牛舌大小适中，一啖一只，口感弹牙有嚼头但系就一D都唔韧，事关系上台之前佢已经比人煲左6个钟!红酒同所有配料嘅香气完全渗入，各种味道相辅相成，真系好似初吻咁梦幻。
?豚角煮
豚即系我地所讲嘅猪仔，同酱汁一齐经过长达4~5小时嘅焖煮，肉身完全吸收晒酱汁嘅精华。
用筷子用少少力一夹就开，几乎到达入口即溶嘅地步，而且软而不烂，肥而不腻。忍唔住一食再食。
?鱼羊窝
一字寄之若鲜!首先鱼羊同煮鲜上加鲜，汤底更系由多种野生菌类如牛肝菌、松茸、鸡油菌、黑虎掌等熬制而成，清清淡淡中各种味道相互相成让鲜到达极致!一般火锅汤底都唔建议大家饮，但系E度，老板用天然材料自家熬制原汁原味味并没有添加任何调味料嘅汤底，饮越多越健康哦!不过记得唔好连锅都舔埋就好，费事搞到清洁嘅阿姨失业啦!╮(╯▽╰)╭
?海鲜窝
大渔刺身海鲜饭嘅每一个火锅都用唔一样嘅汤底嚟搭配，因为咁先可以令食材最本质嘅味道发挥得淋漓尽致!望住张图片，谂起自己同朋友饮第一口汤时系对方眼里面见到嘅惊艳，个肚又唔争气咁咕噜咕噜咁叫起身。
一道菜嘅好与坏在乎沟通与关怀，咁样讲，会唔会有D奇怪？但我唔系讲笑。每一种材料系唔同季节唔同地方生长都会有分别，而日料对师傅要求极高嘅原因亦都系来源于此，佢地要了解每一种食材嘅特性再经过配搭同繁琐嘅细节加工处理，使每一道菜每一样材料都可以一展所长!
?泡菜肥牛窝
泡菜刚开始空口食会有D重口味(如果你碗刺身饭未食晒，用嚟送饭简直一流，哈哈，当然E个系比较中式嘅食法。)等汤慢慢煮滚，泡菜嘅味道渗入汤里面，再又汤渗入肥牛、冬菇。E个时候!就系我地开动嘅时候啦!不得不说E个系一个十分适合冬季嘅汤底，几啖落肚即时由头顶暖到落脚趾尾，伤风感冒来一碗!包你个鼻畅通无阻，神清气爽～
?三味小钵
小钵，系日本国宴上十分重要嘅第一道菜。老板将三味小钵赠送比到店嘅客人，希望大家可以感受到，老板同各位师傅嘅诚意同用心，同时精美嘅三味小钵都代表住佢地对正宗日式料理嘅执着与追求。
(?)?小编丙の小感想：
我好想话比大家知，唔好浪费食物。
因为E度对每一样食材同每一道工序都系有住近乎苛刻嘅要求。
连最简单嘅米，都系用经过精心挑选嘅秋田小町，淘米过程必须用手以逆时针方向不停转动150次，过三次水，再晾三十分钟，最后靠师傅人工感受米软硬程度，决定煮嘅时候加水多少。
容我粗鄙，真系麻烦都妈都唔认得!
所以更希望大家好好享受美食带嚟嘅幸福感，同可以好似小编一样，系度体验到乜叫物有所值。
地址： 天河区 体育东路140-148号南方证券大厦首层6号
电话： 020-38879585
http://www.duyihua.cn
返回 广州笋嘢益街坊 返回首页 返回百拇医药