最好味嘅冬瓜盅呢度有！好睇又好食，盅内惊喜无限，全广州只此一盅！
2014/12/16 广州笋嘢益街坊
最近小师妹(私人微信：miss5flower)同一班朋友仔去番禺玩，食饭时间，佢哋都叫我带路去揾食，作为一个资深食货，点可以令朋友仔失望。小师妹唔止要大家食得出色，仲要食得招积!所以，我要去打冬瓜盅!
嚟到钟村嘅尚尚食汇，我一眼就畀呢个打扮得超喜庆嘅冬瓜盅吸引!
我哋拣嘅呢个套餐够8个人分量，有鸡、鱼、水鱼、鲍鱼、明虾、肥牛、牛肉丸……咁丰富嘅肉类，仲唔满足到呢班食肉兽嘅要求~
呢个汤底係老火汤嚟噶，用猪骨同药材熬咗好耐，煮滚之后，阵阵药材香味扑鼻而嚟，快快趣落D鸡肉同水鱼落去先。
呢只鸡係成只嘅走地清远鸡，都係即日新鲜劏嘅，每一只都有成两斤半咁重，生得好大只。
鸡肉熟咗之后，朋友仔们个个都即刻攞起筷子，好在我够醒目，事先留起几欍鸡髀肉~鸡肉真係好爽口，肉质好结实，味道又鲜甜，仲有淡淡嘅汤底药材味，好正啊!
仲有呢个足两斤重嘅野生水鱼，背壳薄，有光泽，冇疙瘩，而且肚皮有花斑，趾甲带黄色，真係野生靓水鱼!
最令大家兴奋嘅时候到啦!哇，个个对眼忽然发晒青光，其实唔使抢，因为呢份鲍鱼够大份，足足有成十只咁多!
鲍鱼肉质鲜嫩，营养丰富，位列鲍参翅肚之首，今次可以大开食戒啦。咁大只鲍鱼，我要原只食，咬落口好有嚼劲，味道好鲜，加上吸收咗高汤嘅香浓，鲜甜味萦绕喺口腔里面。
既然係打边炉，又点少得牛肉喔。呢度嘅肥牛肥瘦相间，颜色同纹理都好靓。
入水滚两滚，牛肉就食得，新鲜爽嫩嘅肥牛，係我嘅最爱，入口好香牛肉味，脂肪一D都唔肥腻，反而好香好爽!
而呢条鲩鱼，上嘅时候就已经帮你切好片，想食几多就放几多，可以慢慢嚟。
鲩鱼鱼片切到厚薄适中，夹起放入汤底，唔使等好耐就食得，鱼肉鲜甜可口，肉质有弹性，食得出係新鲜鲩鱼，而唔係冰鲜货。
食到差唔多，就放牛肉丸。牛肉丸係地道嘅潮汕牛肉丸，全人工手打，口感会特别爽噶。
我食牛肉丸，都係钟意原汁原味食，唔蘸调味料，噉先食到最原始嘅牛肉鲜嫩、细腻嘅味道。
最尾，汤底都煲到好浓郁啦，吸收晒食材嘅鲜味，呢个时候，可以放埋D明虾落去。因为要保证每日供应畀客人嘅食材都係最新鲜，老板每日入货都有限，想食虾嘅，最好就喺嚟之前打电话预订好，噉就冇走宝啦。
呢种碌法，真係好任性~
最尾先煮虾，因为虾肉易熟，而且呢度好贴心噉帮你串起晒，想食几多就碌几多，倾下计之余，食一只爽口鲜甜嘅虾，应该係正嘅零食啦。
食晒D肉，係时候食菜，等我消消滞先~
我最钟意就係等到汤底入晒味之后落蔬菜，呢个时候D蔬菜，真係好好味~
除咗冬瓜盅，我见到呢度嘅香辣虾都好抵食，好大一碟，虾肉多到数唔清!原价88蚊，宜家去食只需要68蚊!
食饱饱，饮杯赠送嘅汽水，呢种感觉真係正到爆!
呢个冬瓜盅套餐，有好多个选择可以拣，我哋拣嘅358蚊套餐足够8个人食，平均落嚟每个人45蚊都唔使，就食得咁丰富。大家可以根据人数或者係口味嚟选择食边个套餐，好人性化~
温馨提示
为保证食材新鲜，部分食材需要现买，食客最好事先致电预约(提前一两个小时都可以)。
小编总结
对于冬瓜盅，我一直有种特别嘅情愫，唔单止因为佢係我哋广东嘅传统名菜，而且仲因为佢嘅形状百变，可以雕花，可以装饰，食都食得特别招积。呢个冬瓜盅食材好新鲜，而且健康，我觉得好重要，同朋友仔或者屋企人一齐去，最好不过。
优惠信息
1、即日起，到店消费香辣虾可享68元的优惠价(原价88元)。
2、到店点冬瓜盅套餐，可免费获得汽水一支(大小视人数定)或者青菜一份。
姚老伯冬瓜盅
人均：40元
地址：番禺区钟村云市西路1号易和超市四楼4号5号铺(导航：云市西路1号)
电话：13538847518
营业时间：11:00——14:30、17:00——22:00
路线指引：
公交：
1、坐地铁3号线到汉溪长隆站，C出口；
2、坐公交车番109或者番125或地铁公交接驳线10A到锦绣文化中心站下车；
3、从钟村牌坊直入。
4、直走500米左右，就能看到尚尚食汇的招牌，商场另一个门口有电梯坐，上到四楼找到“冬瓜盅”就是了。
驾车：
直接导航“云市西路1号”即可。
http://www.duyihua.cn
返回 广州笋嘢益街坊 返回首页 返回百拇医药