99蚊三只鸡or水鱼，三斤重无敌靓鸡！唔使返乡下，人均30食到饱！
2014/12/18 广州笋嘢益街坊
家阵买条靓底裤都要成两三欍水，小师妹(私人微信：miss5flower)真心觉得宜家D物价真係离晒谱!究竟仲有冇良心企业噶？!
有!三斤重嘅野生走地鸡+斤半重嘅水鱼，任拣3只都只係99蚊，够唔够良心!
哇!100蚊有找就食到？係真唔係啊？等小师妹去探一探虚实先~
嚟到芳村穗盐路，隔好远就见到呢间知味山庄，装修得好有农家气息，但係又好干净企理喔。餐桌之间嘅空隙好宽，坐都坐得舒服过人，而且仲有2楼用餐区，以及宽敞舒适嘅房间，用餐环境正爆啦。
坐低之后，嗱嗱声问下99蚊3只水鱼/鸡组合係咪真嘅先~咦，真係有喔!
99蚊任拣3只鸡/水鱼
知味山庄嘅鸡，全部都係新鲜鸡，即点即劏，活鸡有成3斤咁重噶!睇起身好鬼大只，肉质摸上去就好结实，肌肉光鲜，有弹性，睇得出好新鲜!
而水鱼就係野生嘅，都有斤半咁重噶。睇下条水鱼四肢几粗壮，而且壳背咁有光泽，食起身肯定好滋味!
组合好3只之后，就可以打边炉啦!呢度嘅汤底有骨肉汤底、玛卡汤底、清补凉汤底以及清水汤底四种选择，22蚊就有得成交。
我哋就拣咗个骨肉汤底，有成两大欍肉骨咁多!真係有肉噶!而且骨汤好醇厚，有埋红枣、杞子等药材，加热之后闻到阵阵药膳香味，食欲大增!
鸡肉煮熟之后，我哋都忍唔住即刻动筷，鸡肉味道好鲜，鸡味好香，而且肉质真係好够弹性，一D都唔肥腻!
顺德啜鱼16蚊/斤
除咗鸡同水鱼之外，知味山庄嘅招牌河鲜——顺德啜鱼用嚟打边炉都好正!深山水库养殖嘅大头鱼同埋鲩鱼都係16蚊一斤，简直就係市场价啦!
大头鱼即係书面上嘅鳙鱼，佢嘅肉质雪白细嫩，因为鱼肉点煮都唔会烂，所以一直以嚟都係鱼肉火锅嘅首选。
仲有呢个水库鲩鱼，同样係16蚊一斤，师傅已经帮你切片上，打边炉嘅时候滚两滚就即刻可以食，好方便。
鱼肉煮熟之后入口真係好滑嫩!简直唔使咬，几乎入口即化，嗰种鲜甜嘅感觉係其他鱼肉无法比拟嘅!
特色连州土菜
招牌大大只字写名连州瑶山土特产，唔试下佢呢度嘅连州土菜点得啊。
连州东陂腊猪手炆萝卜
宜家嘅腊味市场咁杂，想食最原始风味嘅腊味真係有D难度，除咗自己晒，就净番去郊外山区觅食。不过宜家唔使两头腾啦，知味山庄嘅特色粤北连州东陂腊味，就有你想食嘅风味同阳光味!
东陂腊味出咗名爽、脆、香，唔同我哋食惯嘅广式腊味，因为粤北有自己独特嘅自然气候条件，晒制出嚟嘅东陂腊味会特别皮脆肉爽、香味浓郁噶。
加上“小人参”白萝卜落去炆，营养价值仲丰富，腊猪手爽口甘香，萝卜清甜入味，真係一绝，第二度食唔到呢只味。
连州菜干煲藏猪肉
入到嚟知味山庄，就见到部电视喺度播紧藏香猪，原嚟就係呢D藏猪肉，每一只都係从西藏运返嚟噶，好味又嫩滑
喺西藏长大嘅游牧藏猪，肉质同我哋平时食开嘅猪肉特别唔同噶，唔单止猪皮薄、脂肪含量低，而且微量元素係肉品之中最高噶。而连州菜干係瑶山农家人自己晒嘅，完全无污染，冇添加任何添加剂，大家可以放心食。
腊味鱼干煲仔饭
值得一试嘅仲有呢个腊味鱼干煲仔饭，咁大煲都係48蚊咋，够晒4人分量!唔好睇佢色水好斋，其实饭里面已经吸收晒腊味同鱼干嘅咸鲜味，加上本身嘅饭粒甘香，好食到连饭焦都唔想放过。
鱼干唔会太干，肉质咸咸哋，但係都食得出鱼肉嘅鲜味。
腊味蒸鱼干
腊味鱼干煲仔饭飞饭，就变成另外一道菜——腊味蒸鱼干啦。家喻户晓嘅一道菜，用连州腊味嚟做，特别够风味。
平时我哋食嘅腊味蒸鱼干都会加老抽、豉油等酱汁调味，不过呢度嘅做法净係加咗姜丝同芫茜，最大程度保留腊味嘅原有风味。用嚟餸饭一流啊。
连州瑶山土特产
食饱饱，准备埋单嘅时候仲见到餐厅左侧有一个好大嘅土特产“展销会”，服务员话，呢度摆设嘅土特产都係从瑶山农家人度入货嘅，保证天然健康零添加，而且价钱都比出面卖嘅平好多。
市面上卖到50几万嘅连州菜心呢度都有啊!佢比其它地方嘅菜心更清甜、更细嫩、更爽口多汁，所以先会特别受欢迎，我都唔执输，买番几棵先~
小编总结
食惯大城市嘅快餐同酒楼粤菜，不知不觉已经唔记得农家菜嘅味道，嗰种失传已久嘅纯朴香味，好在广州仲有呢种农家味，味道係地道嘅农家味，价钱都係乡下价，99蚊3只鸡或者水鱼自由搭配，呢个价钱、呢个出品喺广州真係揾唔到咯。
优惠信息
1、即日起，到知味山庄可享99蚊3只鸡/水鱼自由搭配超低价，每日数量有限，售完即止。
2、深山水库顺德啜鱼特价16蚊/斤，数量有限，售完即止。
知味山庄
人均：30元
地址：荔湾区芳村葵蓬穗盐路11号之8-10号
电话：18928770871
营业时间：10:00——02:00
http://www.duyihua.cn
返回 广州笋嘢益街坊 返回首页 返回百拇医药