广州首创锅烧热寿司，食完冬天都唔怕冻！圣诞仲送韩国正版泰迪熊公仔！
2014/12/23 广州笋嘢益街坊
煲仔饭大家都食得多，暖笠笠嘅饭粒落肚真係好舒服，特别係喺呢个寒冷嘅冬天，零舍温暖。不过，小师妹(私人微信：miss5flower)今次要介绍畀大家嘅就唔係煲仔饭啦，而係锅烧热寿司!
呢间位于北京路嘅好莱坞梦幻创作料理，之前做放题做到出晒名，我都唔执输，趁住放假，特登同朋友仔一齐嚟食放题。
入到店内，我先知道梦幻料理新出咗十几款锅烧热寿司，最啱喺咁冻嘅天时食啦，天气咁鬼冻，一于就食佢!
蟹肉锅烧寿司
哇，真係用煲上噶喔，同煲仔饭嘅煲唔同，呢只“寿司煲”好细只，一上台服务员就帮我哋点着火，畀佢烧热。
煮到咁上下，就听到啫啫煲嘅“滋滋”声，证明呢个锅烧寿司真係有“烧”到噶!
食惯冻嘅寿司，热寿司真係零舍过瘾。睇到烟飘出嚟，寿司饭又吸收晒D酱汁，食落口特别滋味!
川味锅烧鲑鱼寿司
呢个鲑鱼寿司，係拣咗鲑鱼皮下脂肪最肥美嘅部位嚟做嘅，口感特别嫩滑丰润噶。
值得一提嘅仲有佢嘅川味做法，係用传统嘅川菜烹饪方式做出嚟辣酱，将四川菜同寿司结合喺一齐，呢个IDEA前所未闻，不过又真係好match。
生蚝锅烧寿司
呢个生蚝寿司绝对係靓仔靓女们嘅福音!咪以为生蚝净係可以斋生食或者烧嚟食，宜家仲可以做寿司啦。
生蚝肥美滑嫩，营养丰富，蚝肉丰腴，再加上呢度嘅独特调料，成个味道都特别吸引。
热寿司除咗锅烧寿司，仲有铁板寿司。
带子铁板寿司
大大块带子铺喺寿司饭面头上，再撒上芝麻以及淋上照烧酱，颜色就够晒抢眼啦。
呢个乳酪酱就为寿司增色唔少，令带子多咗份甜味以及香味，又冇遮掩住带子嘅鲜，两者相辅相成，十分合拍。寿司饭里面仲卷住有芒果同蟹柳，感觉好有新意。
三文鱼芝士寿司
三文鱼铺满寿司卷面头，除咗即刻郁手夹起身食，我谂唔到仲可以做D乜!
食完热寿司，好似未够喉，睇下仲有D咩好食先~咦，辣酒煮翡翠螺，我之前未食过喔，睇卖相几吸引，不如试下咯。
翡翠螺真係好似传说中咁大只!螺头肥到突晒出嚟，好鬼肥厚嘅螺肉，见到都流晒口水。螺肉虽然好厚身，但係经过辣酒嘅烹制，都係好有酒嘅香味以及香辣味。
同样都係暖笠笠嘅，仲有呢个鮟鱇鱼火锅，讲起鮟鱇鱼就巴闭啦，佢係一种深海鱼，遍布世界温带海洋中50米到100米深嘅海底，唔係度度都有得食噶。鮟鱇鱼口感好紧密，就好似龙虾肉噉结实唔松散，纤维弹性十足，鲜美更胜一般鱼肉，而且胶原蛋白好丰富。因为佢难以捕捉，而且营养价值超级丰富，所以每年产量都唔多，亦被称为“海中鹅肝”。
打完煲，不如试下滑蛋煮鮟鱇鱼鱼肝。鮟鱇鱼就已经够巴闭，鱼肝更加係“肝中之王”!
鮟鱇鱼肝食落口嘅口感超级滑嫩!几乎入口即化，好似食紧啫喱一样，味道就吸收晒汤汁嘅精华，浓郁鲜香。咁矜贵嘅鱼肝，其他地方都食唔到噶，识食就一定要试下啦。
咁珍贵嘅食材，梗係要慢慢熬煮啦。经过菌菇、鸡蛋、日本豉油等食材嘅和味，成个汤底都好醇厚，浓稠得嚟味道又好清新。因为呢个鮟鱇鱼鱼肝每日供应嘅数量有限，所以净係散点先有得食噶咋。
海胆酱烧生蚝
蒜蓉烧生蚝就食得多，海胆酱烧你又试过未？浓郁香浓既海胆酱配上爽滑既生蚝，真系别有一番风味噶!真系超好食啊!!!宜家散点消费，仲可以获得价值28蚊嘅烧生蚝赠券一张。
三文鱼焗饭，用锡碗装住嚟焗，可以锁住食材嘅汁水，防止味道流失。
值得一提嘅係，呢个焗饭嘅米唔係普通大米，而係寿司米，米饭伴有蛋白，食起身特别香，特别有营养。焗熟嘅三文鱼，好嫩滑，又冇走失鲜味。加埋表面淋嘅泰式辣酱，为成个饭增加咗一种独特嘅风味，perfect。
梦幻料理超强放题
热寿司真係好好食，唔知放题有冇得食呢？有!以上几款铁板热寿司以后都可以喺放题里面食到噶!N种唔同嘅寿司任君选择。军舰、寿司卷、火炙寿司、手握寿司、三文鱼一口寿司……呢度冇你食唔到嘅，只有你想唔到嘅。(节假日按原价收费)
我特别推介嘅就係呢个火锅+寿司放题，原价168元/位，午市及晚上8点后优惠劲减60蚊，只要108蚊/位；周一至周四晚上8点前减20蚊，只要148蚊/位。(节假日按原价收费)
讲究嘅係更新鲜!更现场既做法!全部都係即点即做!呢个冬天唔寒冷!
老细真係落晒重本，日本松叶蟹、日本鮟鱇鱼、纽西兰青口、冰岛生蚝、朝鲜枪鱿鱼、挪威三文鱼头、澳洲肥牛……全部都新鲜兼大只，斋睇都已经流晒口水啦。
嚟到梦幻，一定要试下佢哋嘅梅酒，全部都係自家酿制，老细特登用广西十万大山野生梅子加上淳朴居民每日有限供应嘅自家蒸制土炮经过15个月秘方结合酿制而成，饮入口入口甘醇，带有小小酸味，就连唔识饮酒嘅都可以饮得落口。放题时段，细壶嘅梅子酒只要用28蚊(原价38元/壶)就可试到呢个咁纯正嘅味道啦!
同样天然健康嘅，仲有呢个热番薯羹，唔好睇小呢个番薯羹，佢嘅味道好浓郁，入口香甜嫩滑，口感仲好纯厚添。食材同做法都係纯天然无添加，可以补充多种维生素，仲可以御寒，我就觉得係冬天嘅滋补佳品啦。
而且12月24日、12月25日、12月31日、1月1日呢四日晚市嚟梦幻料理食放题，只要满足6人同行(不含小童)，就可以免费获得韩国泰迪熊博物馆收藏版泰迪熊公仔一只(价值299元)，数量有限，送完即止。原版摸上去嘅手感的确零舍唔同，咁可爱，我第时都要去带一只返屋企!
好莱坞梦幻创作料理
地址：北京路238号名盛广场一楼1B58档(北京路市一宫与消防局中间)
电话：020-83190111 020-83190222
营业时间：11:30-22:30
http://www.duyihua.cn
返回 广州笋嘢益街坊 返回首页 返回百拇医药