一碟甘香肉只要10蚊！仲有多料到"O"嘴嘅鱼羊鲜！呢间酒家真係平到无下限！
2014/12/26 广州笋嘢益街坊

    

     趁住周末，小师妹(私人微信：miss5flower)决定带阿爸阿妈去饮茶，做个孝顺女。无奈阿妈太锡我，一味想同我悭钱，话唔平唔去。谂谂下，讲到广州最平靓正嘅酒楼，都係要数顺丰轩。一于就去嗰度啦!

     无论嚟过几多次，我都觉得呢度环境真係无得顶，酒楼占地面积有成一亩地咁大，喺市区边度有啊。除咗大厅仲有露天景观位，有埋小朋友嘅游乐场所，而二楼房间就零舍宽敞，坐都坐得舒服D啊。

    

    

     早茶点心好丰富，而且11点之前每卡消费3个点心起即可+1蚊任点点心一份。

    

     唔止饮茶，呢度食饭都好平!一个肉10蚊就有得成交!咁抵，想唔直落都好难。

     甘香肉 特价10蚊/例你冇睇错，呢份甘香肉真係10蚊咋!虽然价钱好平，但係出品一D都唔求祈噶，喺独制酱汁之中加入花生酱，令成个肉咸中带甜，甜中带香，的确好甘香。

    

    

     秘制鱼羊鲜 特价148蚊

     呢个改良版嘅鱼羊鲜比起上次嚟食过嘅食材更加丰富，喺原有嘅长江鲩+羊肉嘅基础上，多咗虾、蟹。食材吸引，价钱一样咁吸引!原价238蚊嘅鱼羊鲜，宜家只卖148蚊，足够4个人食用，平均落嚟每人只要40蚊唔使，就有羊有鱼有海鲜食，仲唔抵到烂咩。

    

    睇下D虾同蟹啊，其它地方嘅鱼羊鲜边有咁丰富噶，就算有，都绝对冇呢个价。

    

     鱼嘅鲜美加上羊嘅滑嫩，令成道菜咸中带甜，鲜香醇厚，真係将一个“鲜”字概括得酣畅淋漓。而底部嘅萝卜就会喺卡士炉加热过程中慢慢出水，加上经过药材熬制嘅汤底，味道更加鲜香。

    

     滋补羊肚煲鸡 特价138蚊

     冬天除咗啱食鱼羊鲜，仲好啱食羊肚煲鸡噶。呢个原价238蚊嘅羊肚煲鸡，宜家只要138蚊，4人分量，一样咁抵食。

    

     一上嚟，就闻到好大阵药膳味。我要特别赞下呢个汤底，係真材实料熬出嚟嘅，无加任何调味料，真係好香甜。

    

     鸡肉煲到入晒味，但係冇流失佢本身嘅鸡肉香味，反而仲吸收咗药膳汤底嘅香味。而羊肚就好爽好弹牙，好食到停唔到口。

    

     食完饭，准备埋单，点知个服务员话畀我哋知可以抽奖。宜家只要喺顺丰轩消费满100蚊，即可抽奖一次，百分百中奖噶!呢个中奖嘅项目全部都係顺丰轩嘅招牌菜式，中奖券下次嚟食饭就可以用啦。

    

     因为接近年尾，小师妹仲好体贴噉帮大家咨询过顺丰轩呢度嘅围餐，园林酒家不愧为园林酒家，呢度可以同时摆100围酒席，认真强大!因为环境实在太靓，连我都忍唔住想喺呢度摆酒啊。

    

    

    

     小编总结

     白云区呢间顺丰轩无论嚟几多次，都係咁抵食，味道唔错之外，次次嚟都有惊喜，人均30蚊就可以食餐饱，性价比真係超高!环境唔错，食得又开心，得闲带阿爸阿妈过嚟食饭都好啊。

     (以上优惠活动仅限白云店适用)

     顺丰轩园林酒家

     人均：30元

     白云店地址：白云大道北54号(元下田牌坊旁，原茶山庄)

     电话：020-36242339

     营业时间：08:00——21:30

    

     天河店地址：天河区水荫路113号之三(近东风公园)

     电话：020-87255212

     营业时间：08:00——21:30

    

    

    

    http://www.duyihua.cn
返回 广州笋嘢益街坊 返回首页 返回百拇医药