广州有个后生仔毅然放弃事业与梦想，只为令世界知道，尼一份老广州嘅味道仲未消失！
2014/12/27 广州笋嘢益街坊
八十年，系E段漫漫嘅时光里面，眼见好多行业，都系日新月异嘅时代进步中，慢慢咁消失，逐渐咁隐没。有D至今已经冇人记得，即使有人讲起，都仿佛系无法想象，不可思议嘅笑话。而有部分即使侥幸流传落嚟，亦都面目全非，再都难以找回那粗糙平凡却最触动人心嘅------老味道。
石路头，一个现已系广州地图上消失嘅地名，2001年，泮塘路建设过程中，石路头就消失了，现在嘅泮塘路就系以前嘅石路头，而莲苑茶市就系仁威庙广场嘅右侧。
讲起莲苑就不得不提佢嘅布拉肠。系抗战时期，酌荷仙馆的厨房师傅突发其想，以粉卷着猪肉、牛肉或鱼片鲜虾等出售，一时成为新颖之物，大受欢迎。系酌荷仙馆附近嘅莲苑、泮溪、银龙、愉园等茶楼见到纷纷学习，将此新品作为招牌点心嚟宣传。其实布拉肠究竟点样出现已经无从考究。但唔可以否认嘅系，布拉肠之所以可以成为广州最具代表性嘅食品，“莲苑”系其中占据左相当重要嘅位置。
你哋系米都有咁样嘅童年记忆？早上一觉醒嚟，爸爸妈妈或爷爷嫲嫲就会拖住我哋只手仔走进街边嘅粥粉面店，叫翻一碟牛肉肠做早餐。
肠粉一上台，大家就即刻开始忙住对付ED散发住阵阵豉油香味同肉香嘅拉肠，米白色嘅肠粉非常滑，薄薄嘅肠粉中隐约可见其中包裹嘅牛肉。
筷子功夫唔多掂，经常刚送到嘴边嘅肠粉“唰”就跌翻落碟子度。放入口后，既可以食到肠粉嘅薄滑，又能尝到肉片嘅香嫩。
但系随住社会嘅发展，众多外来文化相继涌入市场，食肠粉系新广州人眼中渐渐成为一件老土嘅事情。
令到肠粉店都唯有通过改善用餐环境、仿照港式茶餐厅进行重新包装等方式，走上左连锁之路，发展成今日肠粉店几乎占据广州城内每一角落嘅局面。
但系味道呢？在一切都批量化生产嘅新世纪，还能有那简单而满足嘅味道吗？!茫茫人海之中就有那么一家人，几十年嚟一直冇放低过对布拉肠嘅果份热诚，誓要将当年莲苑布拉肠带畀人嘅果份简单而满足还畀大家。
莲苑传人，系嗰八零后嘅男仔，同大家一样有住环游世界闯一番大事业嘅梦想。佢嘅吖公同伯公正正就系当年莲苑嘅创始人，所以当佢发现，布拉肠渐渐变成一种批量生产嘅快餐式食品，被各种香精调味料所污染嘅时候，佢义无反顾咁将自己嘅梦想同有成嘅事业放埋一边，只为将莲苑最传统嘅布拉肠传承落去!
一间干净明亮中透露住清爽气息嘅莲苑传统布拉肠悄然开张。传人，挽起衫袖，亲力亲为，动作熟练而且干净利落。有人话认真嘅男人最型，煮饭嘅男人最帅，一般E种珍惜动物都可遇不可求，但莲苑有一嗰，认真、专注，只为见到你食饱后一嗰满足嘅笑容。欢迎前来围观!
莲苑嘅布拉肠最大特点系口感软韧，米浆磨得够细，有米味之余，蒸出来嘅肠粉厚薄均匀。系上台之前，加上一勺熟油，两勺经过秘方熬制嘅豉油，系又薄又滑嘅肠粉下面，隐隐地透出里面猪肉牛肉，色香味俱全。
牛肉布拉肠，牛肉的味道完全渗入拉肠里面，又香又滑!猪肉肠都好有猪肉味，唔会好似其他地方咁滑得过分，都唔知加左D乜入去。当然最受街坊欢迎，几乎到店必点嘅，就梗系鸳鸯肠啦!一次满足你两个愿望，既食到香滑嘅牛肉，又享受到鲜美嘅猪肉!超级满足!仲有上杂肠、鸡蛋肠、鲜虾肠等可供选择!(?)?
如果话布拉肠系一位清纯少女，咁辣椒酱就果嗰令佢成长嘅爱人，只要加一点点，布拉肠原本单纯嘅味道立即变得丰富起嚟，分外野味迷人。莲苑嘅秘制辣椒酱传承至今已经接近80年，期间不断经过改进先有今日嘅成果，所有原料经过长时间熬制自身鲜香完全被激发出黎，一阵一阵刺激住你嘅味蕾。
粥，系广州嘅传统饮食文化中都占据住重要嘅地位。生滚粥重点就系“生滚”二字，系将预先煮好嘅白粥粥底加入新鲜肉料逐碗滚熟而成。
更何况食得肠粉又点可以唔叫翻碗粥送一送呢!莲苑嘅生滚粥经典得嚟都好多元化，有皮蛋瘦肉粥、肉丸粥、粉肠粥等等，皮蛋瘦肉粥就唔再讲啦，只要你系广州人，就冇可能未食食过，系米真心正嚟试一试就知道啦!!
真系好耐冇系肠粉档食过有猪肉味嘅猪肉，肉丸粥鲜香嘅肉味搭埋绵绵软软嘅白粥，一碗落肚整嗰人都暖暖的!唔止肉丸粥添啊，莲苑仲有粉肠粥、猪肚粥、上杂粥等等，都可以明显食到新鲜爽滑嘅味道，风水佬就厄你十年八年，但味道厄唔人嘅!
粥底绵软顺滑清爽，同材料融为一体，瘦肉带住嘅新鲜肉香，E种味道我以为净系屋企先稳得到。係广州已经好多年冇食过咁正嘅粥啦!果然系老字号真材实料，绝对唔系一般连锁店可以比得上～
E个年头食到碗有新鲜材料煮嘅粥，都系一种感动，真系唔知好笑定好嬲。
莲苑，只为将E份简单嘅满足传承落去。
(?′?`?)小编丙の小总结
抛开所有嘢，好老实咁讲，口味这东西，完全係各花入各眼，莲苑用传统方式制作拉肠，但难保有人中意食随住时代进步经过改良嘅新拉肠。但最重要係E份渴望传统老旧嘅事物得到传承嘅心意，佢哋嘅诚意同用心值得我哋去支持同守护，好多人都去寻找D乜鬼消失的恩宁路，倒不如珍惜现在仲传承紧嘅回忆中果一种满足嘅味道啦。
地址:龙津东路634号(龙津街社区卫生服务中心 对面)
http://www.duyihua.cn
返回 广州笋嘢益街坊 返回首页 返回百拇医药