吐血推荐！沿江路充满和风嘅日料店，多种地道日式小食，仲有绝版金枪鱼眼！
2014/12/29 广州笋嘢益街坊
就算到冬天，都阻止唔到小师妹(私人微信：miss5flower)对日料嘅热情，喺寒冷之中，享受一份专属于自己嘅暖心冬日料理，嗰种感觉真係超级治愈!只但係，繁华嘅广州城，仲有冇充满温暖和风嘅日料作坊呢？
收到风，我嚟到沿江中路呢度，听讲呢度有一间新野寿司，係有别于市面上多数只做寿司或者拉面嘅日料店，新野真係称得上“闹市中嘅传统和食店”。
装修好有格调，日式移门、挂布、门帘、歌舞伎……到处都散发出浓郁嘅日本风格。
点解会推荐呢度，因为呢度环境好味道正仲要价钱平咯!例如呢个咁大煲嘅豪华海鲜火锅，有象拔蚌、长脚蟹、海虾、鲷鱼、白贝、大墨鱼等超丰富海鲜食材，都只係68蚊，呢个价钱绝对够贱卖啦。
北海道汁日式豪华海鲜火锅用海鲜打边炉一直係对“鲜美”最好嘅诠释。呢个海鲜火锅，分量够晒大，虽然话係一人分量，但係我就食唔晒。
配上独特嘅味增汤底，点解要话特别呢？咪以为呢个汤底只係普通嘅面豉酱汤咁简单，佢采用咗特别嘅北海道做法，用牛蒡熬出嚟嘅高汤里面有淡淡嘅酒香味，为成个汤底增色唔少。
咩叫任性，用成条鲷鱼打边炉咪叫任性咯。新鲜返货嘅鲷鱼无论係从色泽定係肉感嚟讲都係一流，肉质有弹性，食起身嫩滑鲜甜，就好似喺深海里面畅游噉，嗰种来自深海嘅鲜美深深刺激我嘅味蕾。
至于海虾，同样係鲜美嘅代名词，係老板亲自喺北海道钓返嚟噶。沉浸喺味增汤底里面嘅虾兵蟹将们，吸收晒汤底嘅精华，融合埋自身嘅“海鲜味”，两种极致嘅“鲜”喺口腔里面释放，呢种美味，岂能简单用笔墨嚟形容。
想食乜嘢碌乜嘢，呢个就係打边炉嘅精粹，围住个炉，大家可以尽情吹下水，联系感情，又可以暖身暖胃，何乐而不为!
乳酪鲑富卷除咗火锅，我仲要特别推荐呢度嘅寿司，超级大份!呢个乳酪鲑富卷足足有6大件咁多，而且每一件都差唔多成个网球咁大!价钱都只係32蚊一份。
寿司饭上面，搭住五层食材，从上数到下，分别係蟹子、甜虾、牛油果、芒果、鲑鱼。呢种食法，先叫豪华!
蟹子&虾肉嘅鲜甜加上牛油果&芒果醇香，一次过令我领略咩叫异域风情。五层食材，五种口感，经过乳酪酱嘅沐浴，清甜之中带D咸香，一D都唔腻。
海苔烧酱鳗鱼棒寿司平时食嘅寿司都係用成块紫菜包住，呢个成团嘅紫菜小师妹真係未见过。人多力量大，呢句谚语紫菜同样适用，“团结”起身嘅紫菜比起片状紫菜味道强咗唔止几倍，仲因为加咗特调嘅酱汁以及面头嘅芝麻，更添一份风味。
32蚊就有6件，睇下欍鳗鱼几厚身啊，咁有诚意嘅寿司，唔食真係对唔住自己!
红色生死恋生死恋？!呢D咁虐嘅嘢唔係韩剧先至有咩？我冇转错channel啩？哈哈，唔好畀佢个名迷惑，其实佢係一个好warm好sweet嘅金枪鱼寿司嚟噶。点解要叫“生死恋”？就係因为饭团外面一层係经过腌制嘅金枪鱼刺身，而饭团里面包裹嘅係熟咗嘅金枪鱼肉泥。虽然隔住一欍饭，都唔可以阻止佢哋惊艳嘅味蕾冲击!
金枪鱼眼金枪鱼眼喺日本係一道好火爆嘅料理，因为好食又有营养，所以好多人都会点，但係喺广州做金枪鱼眼嘅日料店就唔多，新野就係其中一间。唔好畀佢外形吓亲，其实佢好温柔，我讲真噶。
新野嘅金枪鱼眼係以日本传统做法嚟整嘅，用一种日本酱油焖烧。鱼眼肉质好紧实，充满弹性，鱼眼旁边仲附有好多嫩肉，加加埋埋起码有成斤重!真係成身都係宝。
特式酱三文鱼散寿司饭我冇呃大家，呢个真係三文鱼，仲要係生嘅。
特别就特别喺，三文鱼经过秘制酱汁腌制之后，味道保留原有嘅鲜甜，仲多咗一份酱香味，用嚟餸饭最适合不过。
温泉玉子滑滑猪宝突然间喺菜牌上睇到呢个咁cute嘅菜名，叫我点忍到唔点喔。上咗菜之后，果然对得住佢个菜名，卖相真係好可爱。
又白又滑嘅温泉蛋瞓喺厚实嘅猪扒上面，两者美好又和谐。温泉蛋要趁热食，蛋白啱啱凝固，而蛋黄就仲係黏糊糊嘅软滑，流淌喺口里面，温暖又香滑。
仲有呢件猪扒，係手工剁碎嘅猪肉扒，口感特别香绵，冇扒类嘅干身，而係另一种柔软同劲道。
番茄吞拿鱼沙律如花一般娇美嘅番茄花瓣，里面係饱满嘅吞拿鱼肉，咁小清新嘅沙律，想靓嘅你哋记得要食多D啦。
海藻刺身带子黄金沙律铺满青紫海藻嘅沙律，睇似普通，点估到佢下面收埋咁多白嫩Q弹嘅带子刺身喔!
如果认真睇，仲可以睇到里面有啫哩，为呢个沙律增加咗丰富嘅口感。而用带子刺身做沙律，可以一次过食到刺身同沙律，鲜甜提升咗不知几多个level。
小编总结
以后嚟沿江路又多一个食日料嘅好去处。新野完全係一间真正嘅日本料理店，唔止有寿司同拉面，仲有好多充满大和族文化嘅和食。出品精致，价钱又唔贵，喺沿江路呢个高楼林立嘅地方，真係一个凭良心经营嘅好例子。食材新鲜，选料谨慎，对待客人又热诚，真係想唔去多次都难。小伙伴们，约吗？
新野寿司
人均：45元
地址：越秀区沿江中路321号(康富来大厦对面)
电话：020-83054035
营业时间：11:30——23:00
http://www.duyihua.cn
返回 广州笋嘢益街坊 返回首页 返回百拇医药