天河觅食必到店，係全广州最浪漫嘅小区食最逼格嘅正宗日本料理！仲有正宗韩国泰迪熊送！
2014/12/30 广州笋嘢益街坊
啱啱过玩圣诞，话咁快元旦假期又嚟啦!元旦三日小假期，最啱嘅就係同心爱嘅TA拍下拖仔!但係元旦到处都人山人海，去边到先有D行街方便，食嘢又有情调嘅地方呢？!唔使惊，係天河六运小区就有呢个地方，佢个名就叫做原誌居酒屋。
讲起天河嘅六运小区，呢到可谓係广州城区中最适合拍拖嘅地方，虽然呢到没一线江景，但係呢到环境盛在静得嚟够晒繁华。临近广州天河几大商场嘅六运小区，呢到云集咗多种唔同嘅小店，行街食嘢真係唔使好似係北京路、上下九咁人逼人。如果係呢个旺中带静嘅环境里面食嘢真係有唔一样嘅情调。
而係呢个小区里面，我最中意嘅就係富有日本情调嘅原誌居酒屋。日式嘅装修，小小一间好似童话故事里嘅小屋。虽然店面环境唔算好大，但係老细将呢到布置得好有格局，日本餐厅嘅装修，或静或私隐，同心爱嘅TA一齐嚟呢到食嘢气氛够晒一流。
居酒屋里面贴满咗客人嘅合照，係到你不妨同心爱嘅佢一齐係到留底甜蜜嘅一刻。
讲到嚟呢到食嘢，除咗一般係外面其它日料店所见嘅寿司之外，呢到仲有好多出边冇嘅创意料理。而讲到我嘅最爱，就要数呢到嘅人气美食生蚝啦!呢到嘅生蚝有十几种嘅做法，但係我同小伙伴一次过边到食到咁多呢，今次就食住其中三种先啦!
黄金酱烧生蚝
呢到嘅生蚝唔似出边咁样生食，而係搭配咗唔同嘅酱料嚟烧。就拿呢个黄金酱烧生蚝嚟讲，每日新鲜入货嘅进口澳洲生蚝，煮熟后变得肥肥白白，加入经过改良嘅黄金酱烤熟，令成个生蚝嘅味道更加浓郁鲜香。
食落口，肥嘟嘟嘅生蚝充满住鲜味，黄金酱完全渗透入生蚝肉里面，好食到停唔到口!
XO酱烧生蚝
话明老细中意玩创新，呢个XO酱生蚝绝对係出边食唔到嘅，大大只嘅生蚝本身就鲜甜多汁，加上用瑶柱、虾米、金华火腿、辣椒等做成嘅XO酱一齐烧，味道鲜中带辣。食落口小小辣，但系就吊足你嘅味蕾，成只生蚝嘅鲜味充份咁係个口到爆发，真係食起身连D生蚝汁都唔舍得晒。
杂菇和牛烧生蚝
食和牛一般中意盐烧，因为咁样可以原汁原味咁食出和牛嘅味道，而拿和牛肉嚟烧生蚝你又试过未啊？!用新鲜嘅杂菇，配埋澳洲和牛所调制嘅酱汁用嚟烤生蚝。啱啱上台，生蚝嘅鲜味香喷喷咁一直係到引发你嘅食欲。
一啖食落口，和牛嘅香甜加埋生蚝嘅鲜，食起身真係好似係到食紧和牛咁。鲜甜多汁嘅生蚝加埋鲜杂菇嘅微爽口感，食起身味道层次好丰富。
小编听讲，呢到嘅生蚝最近仲做紧大优惠，原价28蚊/只，宜家转发微信就可以以18蚊/只嘅价格食到啦。而且每日夜晚9点后仲有买一送一活动，亦姐係话28蚊就可以食到两只咁美味嘅生蚝啦!
澳洲牛颈肉串烧
具有日本风味嘅高筋朴叶烧牛颈肉串，用最原始嘅方法——炭烧嚟烧熟牛颈肉串，特别嘅係，牛颈肉串嘅下面，隔住一片朴叶。讲到牛颈肉，呢样食材真係唔係到到都可以食得到，即使係食牛专门店都未必有呢样嘢。皆因牛颈肉每只牛就只有两块，加埋起身重量据对唔会超过10斤。因为牛食嘢要用到颈部肌肉，所以牛颈肉食起身都特别有弹性。
原来呢个就係日本特有嘅烹制方式——朴叶烧，朴叶经过烧灼，能够散发出独特嘅香气，并且突出料理嘅鲜美。而经过朴叶嘅渗透，牛颈肉入口唔止有劲爽口，仲有浓郁嘅朴叶清香添。
澳洲和牛串烧
同样以朴叶烧方式烹调，将食材嘅味道原汁原味逼出嚟，比起其他烹制方法，更具有地道嘅日本风味。而烹调过嘅和牛鲜嫩多汁，因为和牛嘅肌肉脂肪中饱和脂肪酸含量很低，所以食起身风味独特，
牛肉经过烤制，脂肪因高温而融化，闻起身香喷喷，食起来都唔会觉得过老。因为和牛比较珍贵，所以烤果阵只需要适当俾DD盐就可以品尝了。
咦，隔离台好丰富喔，问咗服务员，先知道係原誌最新推出嘅二人happy hour套餐。哇，小食+6款唔同嘅串烧+韩国进口荣螺+主食+原条黄边鱼烧烤仲有嘢饮都係只要158蚊咋。哇!我都要点翻个先得啦!虽然话係二人套餐，但係食起身真係多个人都食唔晒啊!烧得金黄嘅黄边鱼食起身外脆内嫩。招牌嘅鳕蟹黄金寿司卷，蟹肉好大旧，用果酱甜甜地但又唔会盖过蟹既鲜味!仲有N款唔同嘅串烧组合，真係一次过满足我食唔同嘢嘅选择。不过记得啊，呢个套餐係要9点后先有得食，其它时段都冇嘎!
嚟得食嘢又点可以唔点呢到嘅嘢饮呢，而我最推介嘅就係呢到嘅梅子酒啦。全部都係自家酿制，老细特登用广西十万大山野生梅子加上淳朴居民每日有限供应嘅自家蒸制土炮经过15个月秘方结合酿制而成，饮入口入口甘醇，带有小小酸味，就连唔识饮酒嘅都可以饮得落口。梅子酒堂饮只要用58蚊就可试到呢个咁纯正嘅味道啦!唔够喉你仲可以外卖走，720ml大大瓶嘅都係只要128蚊，真係好抵饮。
呢到仲有特制嘅蜂蜜梅子酒，野生蜜蜂采嘅冬蜜加上梅子酒，饮起身酸酸甜甜，一啖饮落去仲好暖身，如果唔係果一份酒味，我完全唔觉得我係係到饮紧酒。就连我呢个唔饮酒嘅人，都不自觉咁爱上咗佢。
蜂蜜最靓就係冬蜜，冬蜜有促进消化吸收，增进食欲，镇静安眠，提高机体抵抗力功能，早晚饮翻杯对身体好有功效。而呢到用来浸梅子酒嘅原生态蜂蜜一斤装都係只要108蚊。买两斤仲有特价，只要156蚊，围埋一斤都係只要78蚊，咁平我都要整翻D翻屋企先。
除咗上面讲过嘅，当然呢到仲有其它嘢食啦!同样係牛肉，呢个澳洲炭烧牛肩扒就比较“厚道”啦。原誌嘅呢个牛肩扒，切得比一般嘅扒要更加厚。切开之后，牛肉呈现新鲜嘅粉红色，食起身咸香可口，肉汁饱满，虽然吸收晒调味嘅酱汁，但係仲可以食到一阵牛肉味，爽!
嚟到日式料理店又点可以唔食刺身啊，我首选呢到鹅肝同海螺啦!
冻海螺好大粒，食落口唔单止鲜嫩清爽，仲有海鲜特有嘅甜味，甚至仲有脆滑感!而呢度嘅鹅肝，外表同朱古力无差，但係比朱古力更加香醇，入口即化，超级绵软，就好似同鹅肝kiss嘅感觉。
一生人难得豪一次。当然要试试呢只重达4斤嘅皇帝蟹，原誌嘅做法係原!只!烤!卖相够晒霸气，名号都好把炮——海胆酱烧皇帝蟹!海胆酱，我都係第一次食。
呢个皇帝蟹，有4斤咁重，真係好大一只。烤之前，师傅就已经帮我哋将蟹身分开，再淋上酱汁，最尾先入焗炉烤。
烤到金黄色嘅蟹肉，一上台，唔使讲嘢，小伙伴们已经不约而同噉将魔爪伸向皇帝蟹，一瞬间就瓜分完毕，好一个风卷残云。蟹肉超级鲜甜，食落口啖啖肉，唔单止冇流失蟹肉本身嘅水分同鲜味，再加上海胆酱馥郁嘅咸鲜味，真係mix得无与伦比!
除咗宵夜套餐，呢到係中午仲推出咗商务套餐。几款唔同嘅套餐20几蚊就有交易，係天河地区真係没边个地方可以揾到咁平咁正嘅地方食嘢落。
商务套餐只要你加5蚊，就可以平时试到呢到马蹄黑蔗汁一杯啦!
小编听酱，只要你係中午时段嚟呢到人均消费满50蚊以上，仲会送一只黄金酱烧生蚝添啊!记得唔好错过啊!
而且元旦到农历新年期间嚟原誌居酒屋，只要消费满699蚊就可以免费获得韩国泰迪熊博物馆收藏版泰迪熊公仔一只(价值299元)，数量有限，送完即止。原版摸上去嘅手感的确零舍唔同，咁可爱，我第时都要去带一只返屋企!
原誌居酒屋
地址：广州天河南一路106号101房(正佳南门对面7-11往里走50米)
电话：020-85167683、18027314423
营业时间：中午11:30——14:30、晚上17:00——24:00
http://www.duyihua.cn
返回 广州笋嘢益街坊 返回首页 返回百拇医药