芳村叫鸭好销魂！结实嘅胸肌，强而有力嘅臂弯！包你食过翻寻味，日日心挂挂！
2014/12/31 广州笋嘢益街坊
小肥猫(私人微信：PenGuin020)
听讲东莞嘅鸡好鬼正，男小伙伴得闲冇事就上去喋翻餐，连港澳同胞都都抵受唔住，每每周末必定一路向西!男孩子都如此养生，我哋女仔又如何可以执输排尾，Let'S Gooo，一齐去芳村叫鸭啦!
有机缘(一家无味精嘅真味专门店)
门口都未入，就见到几只呆萌呆萌嘅小鸭仔係水边嬉戏玩耍，好开心嘅样子，令见到嘅人都畀佢哋嘅欢乐所牵引，不自觉地扬起嘴角。雅致舒适嘅小店令人感觉平静放松，而因为无处不在愉快嬉戏嘅小鸭仔，为E一份平静带出左勃勃生气!
每到饭市都坐满慕名而嚟嘅客人，有D甚至系好远嘅地方特登开车嚟到有机缘!究竟哩度有乜嘢咁吸引佢哋呢？!
习俗嘅束缚
食在广州，广东人係好耐之前就学识用各种方法嚟煮鸡，社会逐渐发展，广东人中意食鸡，甚至有“无鸡不成宴”嘅传统习俗，可见鸡係市民嘅心目中有着非一般嘅地位。但係!我哋又係咪因为E种传统习俗，行入左一D误区呢？!
鸭嘅价值
鸭肉嘅营养价值极高，鸭肉中嘅脂肪又以有肉中橄榄油著称。鸭肉係含B族维生素同维生素 E比较多嘅肉类，对心肌梗塞等心脏病有保护作用，可抗脚气病、神经炎和多种炎症。相比其他畜肉嚟讲，鸭肉中钾含量係最高嘅，仲含有较高量嘅铁、铜、锌等微量元素。鸭蛋中嘅矿物质、维生素A等亦高于鸡蛋!鸭全身都係宝：鸭肉具有滋阴补虚、利尿消肿之功效；鸭血具有补血、清热解毒之功效；鸭蛋具有滋阴补虚、清热之功效。配合适当嘅方式食用，可预防各种疾病。
先进嘅科技，单纯嘅鸭仔
有机缘背后有自己嘅科技生态农场，有最先进嘅技术。无论係鸭仔定係店内提供嘅大部分食物都係自给自足!E嗰时候，会唔会有朋友仔问“D菜同鸭係咪有机噶先？!”唔係!上一嗰多年一直坚持食有机菜嘅已经死鬼左(详情见“乔布斯传”)事实证明有机菜虽然环保无农药，但佢无法提供蔬菜禽畜足够嘅营养，大家想象下山区嘅小朋友就明白啦，人哋日日饮山泉水食天然新鲜菜不知几有机!但嗰嗰都面黄肌瘦。点解？!因为单纯嘅有机只能代表安全，但营养系唔足够噶!
酵素养嘅鸭仔
係最注重养生嘅日本，最近就开始流行用服用酵素养生，酵素有促进新陈代谢、自然抵抗力免疫力提高、促进神经细胞正常工作、清理血管、净化血液、体内毒素排出、去除体内多余脂肪，全面补充身体所需元素。所以用E种技术提高左饲料同有机肥料嘅安全性以及营养嘅转化率，种出嚟嘅米菜同养出嚟嘅鸭仔，就梗係畀有机更健康更值得我哋去尝试啦!
山泉水 真味鸭(特价98蚊/只，原价198/只)
第一次嚟，老板娘话一定要试试E款清水鸭先!因为咁样大家先可以真正咁体会到有机缘鸭仔嘅过人之处!鸭会有骚同腥味，大家都知，一般都唔可能直接用清水煮，但有机缘经过酵素培育嘅鸭就唔一样，一D骚味腥味都唔会有，一锅清水，甚至连姜都唔需要放!风水佬厄你十年八年，但味道这东西假不了，一试便知龙与凤!
冇盐冇油冇姜，除左一锅清水，就只有鸭(注：条茜係装饰!)。有一种感觉，有你有我，便拥有了世界，其他一切都只係浮云。
静待二十分钟，E二十分钟里面，不妨品尝一下，杯里面嘅茶水!你，一定会为那清澈通透嘅甜而惊艳!一边享受随着加热而散发出一阵一阵嘅肉香嘅勾引。
二十分钟过去，锅盖已经完全冇法遮掩浓郁嘅香味，一打开盖香气更加係扑面而嚟!场面瞬间失控，仲猴禽过遇见月圆嘅狼人。难怪嘅，鸭肉紧实弹牙，散发住浓浓嘅肉香，一片姜都冇加，但係连平时最怕鸭味嘅朋友，都食得津津有味，可惜佢哋害羞，如果唔係，我一定上图，哈哈。
咁靓嘅汤底当然唔可以浪费!当食完第一轮之后，大家尝试加入一D唔同嘅菌类，非常有趣嘅係由于清水鸭实在太原汁原味啦!所以当大家每加入一种新食材，清水鸭都会我哋展现不一样嘅风情，并且随住越黎越多嘅食材加入，味道变得丰富多彩变得更加有层次!而有机缘提供嘅各种菌类，都係係深山里面有专人定点采购，唔系知根知底嘅靓货，一定唔会用!
秘制 真味鸭
秘制嘅嘢一向都最为神秘，E款秘制真味鸭更係老板娘自己都赞不绝口。特别之处就在于，佢系店内唯一一样唔係即点即做，甚至要预订先可以食到!因为佢嘅制作方式，係将鸭放係秘制汤底里面浸泡等值到味道完完全全渗入鸭肉甚至骨头，过程相当繁琐!所以同时佢都係一道凉菜，加热会使佢味道流失，前功尽废，所以老板娘话即使寒冬，都绝不加热!
觉得，係饭店用筷子斯斯文文咁食E款秘制真味鸭，有D奇怪，唔够过瘾!应该打包一只翻屋企，披头散发宽阔嘅衫裤最舒适嘅姿势，同最冇保留嘅朋友，边倾计边睇电影或其他事情，一边啃着秘制真味鸭，越啃越有味，必须十指并用!最真实嘅味道，值得最真实嘅方式去享用!
极品酱油 真味鸭
嚟到E度，我哋嘅卖点唔再係鸭，而係酱油!有机缘所用嘅酱油都系自己制作噶，浓稠嘅酱油一D都唔会显得太咸，只有醇厚嘅鲜香仲带有一点点甜，味道係一般市面上嘅酱油无法比美嘅!
用咁样嘅酱油焖嘅鸭，自然令人垂涎三四尺啦!如果话鸭肉嘅味道係酱香嘅配搭下梗系鲜嫩野味，咁将佢哋二者精华完全吸收嘅芋头，大家千万唔好放过啊!
香豆酱焖 真味鸭
靓既食材最好既体现方式，就系你用清纯泉水，佢可以清新可人，你比浓郁混酱，佢可以野性诱惑。香酱焖鸭既精萃就在于酱料，香豆酱系有机缘顶级釀造嘅酱油同源，独特既风味系众鸭之中别具一格，如果你自认重口味，钟意享受各种味道结合为味蕾带黎既强大冲击，咁就一定唔可以错过佢啦!
有机缘为左保证大家可以食到真味鸭们最好嘅味道，一般最后一道步骤都会放係大家面前完成，火候一到，即刻食用!但同时对各位食货嚟讲都系一种折磨，鸭同大葱融合所散发嘅香气，简直可以绕梁三日，望眼欲穿总怕果一句ok食得嚟临之时，自己伸手太慢!
干逼 真味鸭
讲到香口，就边嗰都畀唔上，干逼真味鸭!落锅连油都唔需要加，大火加热，誓要将深藏鸭肉最深处嘅野味逼晒出嚟!加上香茅配合顶级釀造嘅酱油，花花绿绿嘅颜色，大家望到眼都唔舍得眨!
香茅係越南菜就食得多，用嚟配鸭都係第一次食!不過對於一個食貨黎講，食物既世界係冇分业界國界豬八戒既，而香茅都用佢自己獨特嘎香味征服左大家。原來鴨唔單止營養高，仲同雞一樣可以百搭多變!
紫苏石螺焖 真味鸭
紫苏自身有一种特别嘅味道，就好似榴莲，中意佢既永远忘不了。而同石螺更加系仿佛天生一对，当佢地遇上鸭仔，鸭仔就好似一个大哥哥，包容佢地，吸收紫苏与石螺既激烈，将香醇浓厚反哺，相辅相成，温馨融洽!让大家流连忘返。
香茜捞鸭肠
清新!入口既瞬间，就令人觉得好似沐浴系雨后清新既空气里面咁舒服，忍唔住想要深呼吸既冲动!鸭肠畀我既感觉一直都同干爽清新拉唔埋边，但有机缘颠覆左我既认知，由于係养殖过程中冇使用激素及扩生素等，所以鸭嘅肠道一直保持整洁健康嘅状态，所以鸭肠干净爽脆既清新感觉，实在太太太令人销魂喇!
红烧土猪肉
肉食动物绝对唔可以错过既菜式，肥而不腻既恩物?!酸菜系其中除左扮调味既角色，仲扮演住诱惑夏娃既小蛇蛇!酸爽既味道切底令刚入腹既红烧肉化为乌有～下一块，夹起夹起!唔好畀佢停!?
深山笋干焖上猪肉
一个好既厨师应该做既唔系去制作味道，而系应该尽力去保留激发食材本身既滋味。系E嗰方面有机缘无疑做得极好，其实我系极度唔中意食笋既人，因为佢有一种奇怪既涩味，但有机缘嘅笋由于生长係无自然污染嘅环境，完全冇涩嘅味道，吸收肉嘅精华，爽脆野味!真系超正!
四角豆炒眼睛螺
眼睛螺一种奇特嘅海螺，系海南文昌翁田镇所独有，生长係海边嘅大岩上，係十分少见嘅食材。眼睛螺嘅螺肉十分爽脆，加埋同样爽脆嘅四季豆，大火翻炒!味道又鲜又香，一粒粒卜卜脆!最中意用嚟送饭啦!
特色煎饺
煎饺虽然度度有，但有机缘既煎饺实在令人回味无穷!甚至有人特登开车黎打包走，事关外面系绝对揾唔到E只味道!你又估下佢系用乜嘢馅？!
睇图唔系好明显，其实系菌菇嚟噶!超级特别，香脆嘅外皮包裹住鲜鲜嫩嫩嘅菌菇，口感好过瘾!唔怪得咁多人都特登开车嚟打包啦!
鸭肉饭
肉饼捞饭系小编从细到大嘅最爱!平时一碗，有肉饼点都食够两碗佢!而有机缘都用佢哋嘅招牌鸭肉，带畀大家E锅鸭肉饭!值得一提嘅系，米同鸭都係用同样嘅酵素技术培育出嚟，慢慢咀嚼后悔有淡淡嘅甜味盘绕係口腔久久不散!
富硒米饭
富硒大米嘅生产，必须係当地土壤含硒量丰富，生产出来嘅水稻自然含硒!而有机缘嘅富硒米，嚟自长寿之乡蕉岭长潭唯一含硒嘅稻田种植嘅富硒米，同时又係全梅州唯一通过绿色标准检测嘅安全生态大米!硒元素系人体必需嘅营养素，但人体内无法合成，对提高免疫力同预防癌症非常重要!!!
酱萝卜
饭前开胃饭后小食，无论係边都系必备佳品，有机缘嘅酱萝卜係自己腌制，味道十分可口，几乎食到停唔到口!
有机缘除左食饭仲同时出售各种自己研究生产嘅食品。自己制作嘅酱油同黄豆酱，畀一般外面卖嘅更加鲜香浓稠，要捉住一个男人，必须先捉住佢嘅胃，手艺重要嘅同时调味料都好紧要!分分钟会成为你嘅秘密武器!
为左有大家可以更愉快咁尝试到有机缘嘅鸭有几好，老板娘特别推出叫鸭出大优惠!
山泉水 真味鸭(特价98蚊/只，原价198/只)
每围限购一只，不设外卖
一于约齐朋友，嚟芳村叫鸭啦!哈哈
地址： 荔湾区 芳村长提路B05楼铺(原芳村酒吧街)
电话： 020-81805783
营业时间： 早上11:00~14:30
晚上17:00~22:00
http://www.duyihua.cn
返回 广州笋嘢益街坊 返回首页 返回百拇医药