肠粉1蚊！叉烧包1蚊！黄牛肉粥1蚊！加茶位居然10蚊可以落楼，简直丧心病狂！
2015/1/2 广州笋嘢益街坊
小肥猫(小编私人微信：PenGuin020)
朋友话，係林和西有嗰地方，十蚊鸡係饭店可以食到饱，落到楼？!讲笑咩!天河喔!食嗰饭盒都唔得喇～更何况食饱之后仲可以叹翻杯茶!废话少讲，即刻带路!真有咁嘅地方，我埋单!
沿林和西路一直行，过左火车东站继续往前，就见到健力百合酒店!朋友话如此丧心病狂嘅性价比，就出自于健力百合酒店二楼嘅雅聚楼～
千万唔好以为，咁嘅价钱只有大排档先稳得到!刚行入嚟，我自己都呆一呆，大厅宽敞又明亮，装修细致精美，尤其係房间布置得十分大气又舒适!难怪几乎日日订满啊!
180度落地隔音玻璃，隔音非常之好!可以安静咁倾计饮茶，仲可以欣赏火车来来往往独特嘅景色。
为左唔表现得太猴禽，我特登欣赏左一轮风景，先稳服务员落单。(?′?`?)其他慢慢嚟，1蚊鸡嘅嘢同我上晒嚟先!
1蚊鸡·叉烧包
外表同平时食嘅叉烧包好似有D唔一样，睇得出师傅嘅用心。拿起身顿时被叉烧包松松软软感觉十分可爱嘅外皮所吸引，新鲜出炉热辣辣咁咬一啖，叉烧伴随住面包外皮，又鲜又香仲有少少面包特有嘅香甜。居然先卖1蚊!真系正到飞起啊!
1蚊鸡·黄牛肉粥
第二款黄牛肉粥就巴闭啦!牛肉全部都嚟自于老板自己係开平养嘅牛牛，每日都新鲜运到雅聚楼!浓浓嘅牛肉味绝对唔系一般街市可以拿到嘅货!加上绵滑细腻嘅白粥使牛肉嘅味道渗入到每一粒米里面，每一口都好似上百只牛牛係口里面嬉戏!居然又係1蚊咋!
1蚊鸡·肠粉
哩度嘅肠粉好特别，比外面食到嘅更加爽滑，仲有弹牙嘅感觉!仲有浓郁嘅米香，肠粉厚薄均匀，系上台之前加少少芝麻，再淋上一勺熟油，酱油就可以按自己口味放多放少!米香里面仲带有少少芝麻嘅香气，食完一条又一条!根本停不下来!1蚊!又係1蚊咋!
对一般人嚟讲，食完E三样乜都饱晒噶啦!再慢慢叹翻杯茶，真系爽到冇朋友!但对于小编哩一班食货朋友嚟讲，哈哈，就远远未够啦!雅聚楼都仲有好多好出名嘅点心，唔试匀晒，我地又点舍得走呢!
虾饺
好大只虾饺啊!软韧半透明嘅外皮隐约见到里面满满嘅鲜虾，鲜虾又大只又鲜甜仲爽口，真系超级满足!
排骨
排骨绝对系小编嘅至爱，每次都必点噶!难得雅聚楼嘅排骨味道香浓，又嫩又多汁，一台一瞬间就比人抢晒啦!
凤爪
同样系饮茶必不可少嘅一道点心!颜色搭配十分吸引，睇得出点心师傅嘅用心!一只一只爪慢慢食，越食越滋味!
干蒸
广式茶点中嘅干蒸烧卖系茶市必点嘅人气点心之一。干蒸烧卖用薄薄嘅面皮半裹半露嘅肉馅料蒸熟，色泽鲜黄，味道鲜美，口感爽润!
鱼角
干蒸大家比较熟悉，鱼角你哋又有冇试过呢？!薄薄嘅外皮包住嫩滑弹牙嘅鱼滑，好特别!
杂粮糕
注重健康喜欢养生嘅朋友一定唔可以错过E款杂粮糕，无论系清甜嘅味道定係Q弹嘅口感，都深受女士喜爱啊!
核桃包
核桃包松软香甜，散发住淡淡嘅核桃味，核桃含有丰富的维生素B和E，可防止细胞老化，能分健脑、增强记忆力及延缓衰老。核桃还广泛用于治疗神经衰弱、高血压、冠心病、肺气肿、胃痛等病症，有益人的健康。
蘑菇包
刚上台就引发一轮尖叫，实在系佢嘅外表太多可爱啦!十足十一只只小蘑菇，虽然蘑菇包其他地方都有，但馅料上就好敷衍，净系用莲蓉就算!但雅聚楼嘅蘑菇包就唔一样，连里面都系蘑菇!风味十足!
雅聚楼饮茶正，食饭仲正啊!
顺德大盘鱼
噔噔噔噔!当E盘顺德大盘鱼呈现系我哋面前，浓郁嘅鲜香深深咁牵引住你嘅每一条神经。若以一字记之，鲜!大头鱼同虾蟹白贝佢哋自身嘅鲜味逐渐渗入汤底相互交融彼此吸收，与自身鲜美相辅相成，冲击极致之鲜!果种充满口腔嘅鲜甜满足感，未亲口试过你无法体会。边个仲够胆话一加一等于二!香醇嘅汤底仿佛妈妈温暖嘅怀抱，包裹住守护住佢地逐渐成长，令鱼虾蟹不分彼此一点一点释放出自己最纯粹最鲜甜最原始嘅味道。系一道食完会从心里面暖出嚟个美食!
全牛宴
E嗰全牛宴其实大有来头!佢所用嘅牛牛唔系街边拖翻嚟果D!老板自己係开平有四千亩地，养左三百几只牛牛!平均一只牛牛住成个足球场咁大嘅地方，都住唔晒!仲有百几个足球场，就留翻比D鹅仔住!佢哋日日通山跑，饮泉水，食新鲜嘅青草!非常健康野味!
牛身肉质香嫩多汁，牛腱紧实爽口，牛杂就爽滑无比!仲有牛皮，Q弹弹牙，充满住胶原蛋白!而且特别嘅系，雅聚楼嘅全牛宴唔单止可以打火锅!仲可以玩铁板烧!想食香口就用铁板煎，想更加原汁原味就用烫一烫直接食!好幸福啊!
牛小排肉质紧实香嫩多汁，牛肉香滑嫩口，牛腱紧实爽口，根本唔需要腌制，简单整熟就十分野味!
牛杂更加系风味独特，口感别具一格!稍稍加热就食得，加一点点豉油，牛肉嘅鲜味瞬间就被激发出嚟!弥漫整个口腔!
用牛油，先可以更加原汁原味!
只要两面都变色就可以食噶啦!生熟就自己控制啦!可以直接食，一会一下肉本身香嫩嘅味道，都可以加D盐加D胡椒，使牛肉嘅香浓更上一层楼!
煎完牛肉铁板都系慢慢嘅肉汁，梗系唔可以浪费啦!
生煎包
生煎包就食得多，你又有冇亲手煎过呢？!系煎完牛肉之后用香醇浓厚嘅牛油肉汁嚟煎嘅生煎包你又试过为呢!当佢外表变到金黄嘅时候，即刻食!名符其实外脆内嫩，仲有浓浓嘅肉香，小编都未食过咁好味嘅生煎包噶!
又或者系下面嘅祸里面，烫一烫!千万唔好烫太耐啊!因为绝对冇添加任何嫩肉粉等添加剂!所以烫太耐就会老噶啦!
加少少豉油!再一次体会到乜叫爽到冇朋友!
仲有牛皮!口感软绵绵，香糯糯好盏鬼!最紧要系佢罕有丰富嘅胶原蛋白!女士一定要食多几块啊!
消费满两百蚊仲有米送!天然有机米，送完就冇噶啦!
除此之前，仲有大优惠!
饭市可享受8折优惠!
茶市可享受7.5折优惠哦!
抵成咁!你仲点把持得住呢!
地址： 天河区 林和西路169号健力百合酒店2楼
(沿林和西路往火车东站方向行到尽头，左手边)
电话：
订餐电话：020—87021036
江总经理：137-0256-4315
莫 经 理：132-6821-8363
刘 经 理：135-3526-5552
人均：45元
路线指引：
地铁1号线、3号线到达“火车东站”站，B出口往北行(社会车辆出口右手边往火车轨道方向)100米，就见到健力百合酒店，上二楼就系雅聚楼噶啦!
公车搭到“火车东站总站”走到林和西路，往北行(出口右手边往火车轨道方向)300米，就见到健力百合酒店，上二楼就系雅聚楼噶啦!
http://www.duyihua.cn
返回 广州笋嘢益街坊 返回首页 返回百拇医药