隐藏于革新路嘅“椰香芝士鸡窝”人均30几，门口就已经闻到香味了！
2015/1/6 广州笋嘢益街坊

    

     识饮识食嘅广州人，一向对于外来饮食文化，唔止唔抗拒，仲有一铺跃跃欲试嘅冲动，唔放过任何美味!尤其对于东南亚菜，更有一种特别嘅情意结。东南亚菜独有嘅椰香和酸甜味，谂起都口水流。主打东南亚特色新加坡风味嘅星州大椰，最近系金沙路新开咗间形象店。餐厅布置经过精装修打造，令客人可以舒舒服服进食。最紧要系，餐厅将新加坡和马来西亚风味引入广州，可以让大家一试不同于传统粤菜嘅异国美食。

    

    

     超级识食嘅老细，话要搞翻个椰香芝士鸡锅套餐益下街坊，一个椰香芝士鸡锅都唔止，再搭配手打猪肉滑、纽西兰肥牛肉、脆香腐皮卷、新加坡三色布丁。成个椰香芝士鸡锅套餐先118元，足够三人食，人均都唔使40元。我已经计划好，约朋友食一次，约屋企人食一次，约同事食一次，咁抵食，一于食多几次，唔好执输!

    

     咪以为处于热带嘅东南亚，就一味只有夏天菜式，其实都有类似打边炉嘅冬天特色美食。星州大椰主打嘅椰香芝士鸡锅，就系其中一道代表。用秘制椰汁汤底，去烹调鸡肉，令到椰香渗入其中。啱晒无鸡不欢嘅广州人，而且最近天寒地冻，打边炉一定系冬天首选。食惯传统广式火锅，换个口味试试东南亚鸡锅，又一次令到味蕾“大开眼界”。

    

     一个椰香芝士鸡锅都已经够晒霸气，闻香味浓嘅椰汁汤底，就连坐系隔离枱都能闻到浓郁椰子味。同时加入可以提升柔滑感嘅芝士，令到身为主角嘅鸡肉都升呢咗好几个层次。就算系食惯各种鸡肉菜式嘅我，都好有惊喜，原来食鸡锅都可以食出东南亚风情。

    

     无理由就食个椰香芝士鸡锅套餐就算数嘎，呢度嘅其他东南亚菜式都值得大家一试。土豪一下，整翻个南亚海鲜煲仔翅，一梭梭嘅鱼翅又密又粗，用海鲜和鸡汤经过数小时嘅熬煮，原本无味嘅鱼翅，都已经入晒味，够晒真材实料。配个白饭食鱼翅捞饭，你都咪话唔过瘾。

    

    

     食完鱼翅，仲有燕窝。选用出自西双版纳嘅珍贵天子兰花，烹调制作出天子兰花炖官燕，加埋椰汁一齐食。哇塞!呢铺想唔滋润都难咯。

    

     酸酸哋嘅菠萝蜜炒虾球，全靠菠萝蜜嘅酸味，进一步引发虾球嘅鲜味，零舍醒胃。而且虾球仲经过去头处理，咁细心嘅服务，真系要俾个good。

    

     呢度最特色嘅服务之一就系，食物出品都会为方便进食而特别加工，例如特色风味牛碾，切成细粒嘅牛碾，一啖一粒，啱晒嘴细嘅女生，点埋配料一齐食，正!

    

     参考过越南制法再改良嘅越式竹香肉，将糯米饭同猪肉酿入细竹筒，吸收咗竹香味，入口就能感受到当中嘅小清新。每次拆开竹筒，就好似拆礼物咁开心。

    

    

     作为主食之一嘅椰青海皇焗饭，里头嘅饭经过炒底处理，特别香口。再连同海鲜、芝士一同放入原只椰青去焗。将椰青味逼入到炒饭当中，果然好有东南亚新加坡风味。

    

     几乎每围枱都必点嘅蜂蜜巨人多士，你无理由唔试嘎。热辣辣嘅蜂蜜多士经过切粒处理，借用热力将雪糕融入多士里头，呢种冰火两重天嘅感受，真系要亲身试过先可以体会。

    

     作为冬天滋润特饮嘅百香果汁，一杯嘅维他命C，相当于苹果嘅8倍、鲜橙嘅10倍，仲经过加入处理，冬天整翻杯，真系好鬼暖心嘅嗻。

    

    

     就算再饱，都唔好错过饭后甜品香蕉船，斋睇用香蕉和其他水果、雪糕、威化堆砌出嚟嘅卖相，都已经好有食欲，靓到都唔知应该点落手去食咯。

    

     讲咗咁多，唔知有几多吃货，已经出发去试新嘢？俾D提示大家，地铁8号线沙园站好方便，星州大椰嘅金沙路形象店，新开无耐就已经门口日日排长龙，识食嘅广州人都想要一试新加坡菜。老细亦都照顾到排队嘅吃货，等位期间会有免费饮品提供，有咁细心嘅服务，排耐D都抵喇。

    

    店名：星州大椰(革新路形象店)

     地址：海珠区 金沙路49号(革新路交界)地铁8号线沙园

     电话：020-84326050

    

    

    

    

    http://www.duyihua.cn
返回 广州笋嘢益街坊 返回首页 返回百拇医药