广州首创海参花胶大盘鱼，99蚊就已经食到扶场走，今次真係笋嘢益街坊啊！
2015/1/7 广州笋嘢益街坊
究竟係从几时开始，饮食店D老板都开始咁任性嘎!继早前100蚊三支鸡之后，最近小编我又揾到一间花胶+海参+3斤几大鱼都係只要99蚊。有咁着数嘅优惠，我又点可以唔推荐俾大家呢，佢个名就叫做——六小福!
嚟到白云区嘅齐富路，虽然呢到有好多间唔同嘅饮食店，但係一样望过去就好快见到呢间六小福啦，呢到装修得好阔络，而且仲又好干净企理。餐台之间嘅空隙好宽，坐起身唔会人撞人，而且仲有2楼用餐区，以及宽敞舒适嘅房间，用餐环境正爆啦。
讲咗今日果嚟呢到食大盘鱼，梗係嗱嗱声要服务员落单啦!
99蚊海参花胶大盘鱼
呢个大盘鱼一上台就已经够晒吸引我嘅眼球啦，大大嘅锑盘全部都俾材料铺满晒。皖鱼、海参、花胶、虾、白贝……我完全冇谂过99蚊嘅价格居然会有咁多材料。
听讲呢个大盘鱼嘅汤仲要係拿咗鱼、猪骨、药材等等嘅材料嚟熬制，所以饮起身鲜味十足。
六小福呢到嘅大盘鱼全部采用山泉水库鱼，因为係产自黄金海岸绿色生态水库，所以呢到嘅鱼条条都又大又肥，最细果條都超过3斤重。听老细讲，呢嘅大盘鱼有皖鱼同大头鱼两种鱼俾你任选，只要你中意，随便一款都可以落锅开餐。
鱼肉夹起身唔单止唔容易烂，而且食起身啖啖肉，加上卖之前吊足两个星期水，所以鱼肉食起嚟特别爽口，清甜。
係出边食海参，一斤闲闲哋都要都要旧几水埋单，而呢到嘅大盘鱼唔单只放足成斤海参俾落條到，而且重要用上等海参，食起身弹滑爽口，99蚊食大盘鱼嘅价格，真係只食海参就已经为晒本啦。
唔好话海参啊，呢个大盘鱼仲有滋补嘅花胶。大大份又鲜味十足嘅花胶係D浓汤入边越滚越入味，仲要越煲越厚，就好似食松糕咁样。花胶有滋补养颜嘅功效，最啱就係女士食嘎啦!
大盘鱼里面仲有一大堆嘅虾係入边调味，当然啦，只只都食得，啖啖肉嘎!
鸭嘴鱼炆鸡
清蒸鸭嘴鱼你就食得多啦，拿鸭嘴鱼嚟炆鸡你又试过未。鱼鲜十足嘅鸭嘴鱼加上鸡味十足嘅鸡，新鲜搭配埋烧肉同秘制酱汁一齐炆熟。
鸭嘴鱼吸收咗鸡嘅鸡味，而鸡又吸收晒鱼嘅鲜味，食起身够晒滋味。
煎炆鱼
黄金水库养殖嘅鱼最啱就係用煎炆呢种做法嚟逼出鱼最鲜嘅一面。以鱼为主调，加上烧肉同埋配料再加上师傅特制嘅酱汁，听起身就以及够晒吸引。
食起身鱼肉好结实，鱼肉食起身鲜甜嫩滑，真係食到我停唔到口啊。
顺德啜鱼
除咗大盘鱼同鸭嘴鱼之外，六小福嘅招牌河鲜——顺德啜鱼用嚟打边炉真係好正!十蚊鸡要一个招牌山泉水擂米粥水，D鱼滚出嚟唔单止够晒滑，而且仲好有鲜味，嚟到呢到真係唔可以错过。
猪杂粥
如果咁啱你同班Friends一齐嚟食嘢，但係自己又吾中意食鱼，咁你都唔使惊，因为呢到仲有驰名广州山泉水擂米猪杂粥。新鲜嘅猪杂煮起粥嚟特别鲜嫩，粥水同猪杂相互吸收其精华后，越食越有味道。
对于我嚟讲，食得粥又点可以唔食香口嘢呢，呢到嘅安心油条同埋顺德咸煎饼绝对係我诚意推荐。炸得香口通脆嘅油炸鬼，咸咸香香嘅咸煎饼空口食就已经好食。怕热气不妨沾D粥水，粥入边嘅鲜味都会係两样脆口嘢里面充分体现。
特色猪面肉炒河粉
唔够饱？!不妨点呢到首创嘅猪面肉炒河粉啊!手工制嘅河粉加上爽口嘅猪面肉，食起身够晒爽口弹牙。
食惯大城市嘅快餐同唔同国家嘅菜色，不知不觉已经唔记得传统嘅味道，平夹大件係广州现今社会已经好难揾到，99蚊有3斤大鱼有花胶又有海参，呢个价钱、呢个出品喺广州真係揾唔到咯。
店名：六小福猪杂粥(齐富店)
地址：广州白云区齐富路33号广北酒店1楼33号(百信广场对面)
电话：(020)36776689
营业时间：每天早上11：00-晚上10:00
http://www.duyihua.cn
返回 广州笋嘢益街坊 返回首页 返回百拇医药