1蚊点心风波不停，再爆特价火锅迎新春！平到你叫，笋到你笑！
2015/1/9 广州笋嘢益街坊
哈啰喂~你哋由1蚊碟腸粉、1蚊笼叉烧包、1蚊碗黃牛肉粥既震撼度翻出嚟未呢？!小編我仲出唔翻黎啊～實在係笋得太過份!
不過老闆仲唔滿足，得嗰早茶益街坊，算乜鬼益街坊!必须全天都咁笋，才是真的绝世靓笋!所以雅聚楼再次爆POWER，不惜抛牛颅洒牛杂，誓要平到你叫，笋到你笑!
大家仲记唔记得佢地呢？!冇错，佢哋就係老板係开平养嘅牛牛，原来牛牛有好多朋友噶，例如鸡妈妈、鹅叔叔、羊婶婶咁囖!讲起就巴闭啦!佢哋住嘅地方占地有成四千几亩，即系李嘉诚间豪宅可能都无牛牛屋企嗰厕格咁大Σ( ° △ °|||)︴日日通山跑，食有机蔬菜，饮天然泉水，快活过神仙啊!
牛妹妹在山里玩耍嬉戏
鸡妈妈係路边散步晒太阳。张爷黄牛火锅。
特價138蚊/原價198
(牛皮、牛腩、牛杂、萝卜*2、纯正牛骨汤底)
老板自豪咁用自己嘅名为哩嗰黄牛火锅命名，证明张爷黄牛火锅确实係老板嘅信心、用心之作!从牛牛嘅养殖到加工到配料，都追求将最靓最新鲜嘅牛肉，以最原汁原味嘅方式带畀大家。
黄牛牛腩
纯天然无添加任何食品添加剂嘅靓牛肉只系张爷黄牛火锅嘅华丽外表，而汤底先係哩一嗰火锅嘅灵魂所在!
黄牛牛杂
张爷黄牛火锅所用汤底，係同牛肉牛杂同牛所出嘅牛骨，经特殊处理长时间熬制而成，汤底香浓醇正，加上老板专门搵翻嚟嘅萝卜，使口感係稳重醇厚嘅牛骨中带入左一份活泼嘅鲜甜!
一般火锅都唔建议大家饮汤，但今日就要反其道而行!火锅一上，首先必须试啖汤，好好享受一下，成熟稳重嘅牛骨同活泼鲜甜嘅萝卜，相互交织产生嘅动人味道!
饮完汤，就开始烫自己嘅心水靓牛啦!因为冇添加任何食品添加剂，烫太耐真係好容易变老，所以如果唔係猴禽到小编E种程度，都係食几多烫几多啦～哈哈哈!╮(╯▽╰)╭
连埋牛骨汤，一啖肉一啖汤!味道才最好哟～本是同根生嘛，只有在一起，佢哋先至完美!
就算你乜都唔食，都一定唔可以错过哩嗰牛皮!佢含有丰富嘅胶原蛋白，食多D，皮肤会变得白白滑滑，分分钟后生过林志颖啊!无论女士一话男士都咪走宝啊～
原汁原味乜都唔加虽然都好香，但小编就中意最求更加刺激嘅味觉体验!辣椒酱乃必备之选，而且雅聚楼嘅辣椒酱系经过精心挑选并用秘方加工，好鬼野味噶!
。灵芝鸡养生火锅。
特价198蚊/原价268
(放山鸡、排骨、淮山、金针菇)
留意翻啦!我地讲过汤底系一嗰火锅既灵魂，佢可以令到平平无奇既食材散发出令人惊艳既味道。黑鬼妈妈，究竟佢系乜汤底咁神奇？!人间仙草——靈芝!
靈芝功效真心不得了!補而不燥、護肝解毒、滋陰補腎、補血養顏、提高免疫力等等～而且係由專人負責上山採摘經特殊方法炮製，絕對唔係邊度都有!再配合師傅精心熬製，火鍋上台剛開蓋，靈芝特殊既芳香瞬間撲鼻而黎，深深一呼吸，頓時成個人都醒一醒～
首先将排骨放落灵芝汤底，煮十分钟，排骨既味道满满渗入灵芝汤底，使汤底多一份惹味。
十分钟后～香味已經漫延得一發不可收拾，周邊既客人都紛紛探頭。
哈啰，又见面啦鸡鸡～雖然今次佢地係全裸上鏡，但係相信大家唔會忘記佢地係山上肆意奔走嬉戏既身姿!所以唔同于一般笼养鸡既嫩滑，放山鸡既皮会更加爽脆肉都更加紧实，充满鸡既鲜香。
稍為滾一滾，燙一燙就食得，融合左靈芝獨特既清新香味，令人越食越想食，越食越精神!这是要今晚上山打老虎的节奏吗？
记得饮翻啖灵芝鸡养身汤!无论咩季节养身都必须要在进行时哦!
。黑山羊火锅。
特價98蚊/原價168
(黑山羊、支竹、萝卜、青蒜)
一直都以为老板开平果四千亩地得牛牛一枝独秀，其实牛牛只係平原霸主，而黑山羊就占山为王，原来一直都宅山上，唔怪得之前冇见过啦!(?)?
羊肉同青蒜係绝配、绝配、绝绝配!其实小编係嗰颜色控，望见青青嘅蒜係金黄嘅羊肉之间相互辉映，就莫名开心!而且青蒜可以令羊肉嘅味道更香更野味～仲有帮助消化嘅效果，哈哈!帮助消化等于食多几件，对于对某些矛盾嘅吃货嚟讲，可能唔系一嗰好消息!
刚刷新朋友圈，见到朋友发嗰豆腐花出嚟话拉仇恨，我已经准备一阵写好就＠佢，用铁铮铮滴行动告诉他，仇恨是如何拉成的!一话叫拉仇恨速成训练班比较好呢？!
张爷自己养嘅黑山羊好特别，唔知系咪同佢嘅秘制手法有关呢？骚就一定冇噶啦，废话嚟嘅骚仲敢拿出嚟咩!除此之外就系哩度嘅羊肉非常香嫩爽滑，嫩到你完全唔会有一丝韧E嗰念头出现，即使唔会入口即化咁夸张，但係你都觉得佢真係有化嘅冲动!
支竹同萝卜都需要焖一段时间，所以我哋可以提早放落去!当你食羊肉食到差不多嘅时候，再整翻块将羊肉连同汤底里面精华完全吸收嘅支竹、萝卜!哦呵呵呵～好正啊!(?′?`?)
。灵芝石燕养生火锅。
特价198蚊/原价288
(石燕、排骨、淮山、金针菇)
除左灵芝鸡，仲有野味既靈芝燕石養生鍋同滋補既靈芝水鱼养生火锅～各自都別有一番風味，千萬唔好錯過啊!
。灵芝野生水鱼火锅。
特价198蚊/原价288
(水魚、排骨、淮山、金针菇)
即日起黎雅聚樓点各式火鍋套餐加10蚊，就可以喺原价18蚊嘅养生核桃包或者可爱蘑菇包里面任选其一!
。核桃包。
核桃包松软香甜，散发住淡淡嘅核桃味，核桃含有丰富的维生素B和E，可防止细胞老化，能分健脑、增强记忆力及延缓衰老。核桃还广泛用于治疗神经衰弱、高血压、冠心病、肺气肿、胃痛等病症，有益人的健康。
。蘑菇包。
刚上台就引发一轮尖叫，实在系佢嘅外表太多可爱啦!十足十一只只小蘑菇，虽然蘑菇包其他地方都有，但馅料上就好敷衍，净系用莲蓉就算!但雅聚楼嘅蘑菇包就唔一样，连里面都系蘑菇!风味十足!
。年饭套餐。
仲有精致美味嘅团年饭!希望大家系新一年，生意兴隆，财源滚滚!阖家平安，身体健康!学业进步，大展宏图!
中意食雅聚楼碌鹅嘅朋友，仲可以成只打包走!
地址： 天河区 林和西路169号健力百合酒店2楼
(沿林和西路往火车东站方向行到尽头，左手边)
电话：
订餐电话：020—87021036
江总经理：137-0256-4315
莫 经 理：132-6821-8363
刘 经 理：135-3526-5552
人均：45元
路线指引：
地铁1号线、3号线到达“火车东站”站，B出口往北行(社会车辆出口右手边往火车轨道方向)100米，就见到健力百合酒店，上二楼就系雅聚楼噶啦!
公车搭到“火车东站总站”走到林和西路，往北行(出口右手边往火车轨道方向)300米，就见到健力百合酒店，上二楼就系雅聚楼噶啦!
http://www.duyihua.cn
返回 广州笋嘢益街坊 返回首页 返回百拇医药