广州最最最抵食嘅日式料理放题！阿妈，以后都唔使煮我饭啦！
2015/1/12 广州笋嘢益街坊

    

     最近小师妹同朋友一齐去咗北京路嘅好莱坞梦幻创作料理度食放题，两个女仔，食得好疯狂●▽●冇办法，因为梦幻料理嘅放题实在太强大，搞到我样样都想食，只能又放纵咗个胃一次(┬＿┬)。

    

     作为一个精打细算嘅精明女人(友人：你确定唔係师奶？我：喂!)，去之前我肯定已经做好晒功课。梦幻料理全放题原价係￥198/位，而大众点评有放题团购，午市118蚊1位，晚市148蚊1位，计落至少悭番50蚊!

    

     首先讲下呢度嘅环境，设计好多梦幻嘅元素，不愧为梦幻料理，用作吊灯嘅酒樽，香蕉抱枕，波鞋大抱枕，元素丰富嘅壁画，喺墙上歇脚嘅孔雀……这是要火的节奏!

    

     嚟到嘅时候已经有好多人，好在仲有位，快啲揾个地方坐低先。

    

     想坐室外嘅都得，梦幻料理有室外用餐区，可以吹下风，空气都好D。

    

     放题时间为两粒钟，我哋一坐低，就即刻开始喺点餐纸上点餐。梦幻料理嘅放题内容丰富係出咗名嘅，包括寿司、刺身、烤物、寿司卷、饭类、拉面类、饮品等，简直睇到我眼花缭乱!

    

     每样都好想食，不过因为放题唔需要自己去取餐，只要等服务员送到你手就得，而且师傅係按单即做嘅，所以唔使惊好食嘅嘢冇晒，坐定定等食就OK!等待嘅时间，服务员就送咗几份小食过嚟啦，可以先解解馋。

    

     冻柠乐+杏仁露。我只能讲，出品真係冇得挑剔，饮品都落足料，柠檬唔止一两片，杏仁露都好浓滑。

    

     鳕鱼芝士卷。鳕鱼鲜香，芝士浓郁。经过香煎，更加美味。

    

     串烧鸡肾。分量多过街边D小食店好多。

    

     蟹棒天妇罗

    

     鲜虾天妇罗

    

     澳洲牛肩扒。放题都食到咁正嘅牛扒的确令我惊艳!牛扒好厚身，口感柔韧，肉质有弹性，酱汁好入味。我好钟意!

    

     辣酒煮海螺。螺肉好大欍，好有诚意嘅一道料理。

    

     刺身拼盘。原只海螺!三文鱼腩!北极贝!切得大大块，食得好痛快!

    

     石板烧猪爽肉。猪颈肉爽而唔腻，烧到酥脆又滋味。

    

     铁板热寿司。冬天食暖笠笠嘅寿司最啱啦，分量唔止大，而且肉都好厚身，酱料十分有heart，我哋食得好满足。

    

     加州卷&三文鱼芝士焗卷

    

     海胆酱烧生蚝

    

     芝士果酱烧青口

    

     最后再嚟睇下张起台纸，两个女仔，食咗咁多嘢，本都回返啦，看看也是醉了#^_^#

    

     放题攻略

     梦幻料理放题分全放题以及寿司+火锅放题两种，中午同夜晚都有，放题时间都係2小时，点喺呢2个钟食得精彩好讲究。我觉得，尽量点呢度出彩以及独特嘅料理，比如超级厚身嘅刺身，仲有呢度嘅铁板热寿司，其它地方少有，可以食多D。不过始终都係要按个人情况适度点餐，食几多点几多，浪费食物加收费用係小食，食坏肚就唔好啦~

     关注梦幻料理微信号，获取更多优惠资讯以及店铺最新信息

     帐号：menghuan760522(梦幻创作料理)

     好莱坞梦幻创作料理

     地址：北京路238号名盛广场一楼1B58档(北京路市一宫与消防局中间)

     电话：020-83190111 020-83190222

     营业时间：11:30-22:30

    

    

    

    http://www.duyihua.cn
返回 广州笋嘢益街坊 返回首页 返回百拇医药