28蚊1只嘅荔湾"烧鸡皇"！皮脆肉嫩，香滑多汁，烧鸡之霸！以后食烧鸡唔使去太和！
2015/1/14 广州笋嘢益街坊
今个周末，小师妹带阿爸阿妈去荔湾路嘅富士山鼎盛食饭，竟然见到有我最钟意嘅烧鸡，只係28蚊1只!!!呢个地头噉嘅价钱，平到冇人有!而且8只一碟嘅元贝都只係28蚊!以后食烧鸡我都唔去太和啦，要食就去富士山鼎盛!
饭市特价菜
烧鸡 特价28蚊/只原价￥108
烧鸡一定要现烧现做，并且趁热食。富士山嘅烧鸡就係噉啦，唔单止大只，而且卖相仲好靓。烧到皮香肉嫩，色泽金黄，而且闻上去好香，汁水丰富，我觉得係其它烧鸡无法比拟嘅。
烧鸡最忌就係烧得干身、肉老，不过富士山嘅烧鸡就唔会。鸡肉好滑嫩，咬入口仲有调味嘅酱汁挤出嚟。皮脆肉滑，外酥内嫩，口感极佳，食出咗鸡嘅原汁原味。
蒜蓉粉丝蒸元贝 28蚊/碟
唔係亲眼睇到，我真係好难相信呢碟8只装嘅元贝只卖28蚊!仲要係加工好嘅!
粉丝幼滑细嫩，啜入口浓郁嘅蒜蓉酱料味，吸收晒元贝嘅鲜味以及蒜蓉嘅香浓。而呢粒蚌中珍珠“元贝肉”，味道鲜甜，爽滑弹牙，口感极佳。
五指毛桃炖鸬鹚鸭 9.8/位
广东人一直都好钟意用五指毛桃煲汤，贪佢味道鲜、够晒香、营养又丰富。用五指毛桃炖鸬鹚鸭做开胃汤，汤汁好清甜，有甘香嘅五指毛桃味道，仲可以健脾补肺，好开胃。
干逼羊肉煲 78蚊/斤(买2送1)
平时食开都係干逼鹅肉或者干逼鸭，今次食番个干逼羊肉煲，忽然有种高大上嘅感觉。宜家食2斤仲送1斤，噉样食先至豪爽!
干逼呢个烹制方法，好多酒楼都有做，不过想做得好味，的确要花D心思。羊肉先用佐料同大火将酱汁嘅汁水锁入羊肉之中，等到吸收晒酱汁，就可以收火，慢慢享用。
秘制佛跳墙
广东人聚会想食豪D，又点可以唔食佛跳墙。将鲍鱼、花胶、辽参、虾、元贝等珍贵原料煨于一煲，食材既有共同嘅香味，又保持各自嘅特色，一口咬入口，馥郁嘅鲜香喺舌尖驱之不散。
开刀龙趸 58蚊/斤
龙趸因为体形大，价钱都比较贵，所以我哋一般都係食石斑鱼多，龙趸比较少食。鼎盛嘅开刀龙趸，就解决咗呢个烦恼，将大大条嘅龙趸分开成鲜甜嫩滑嘅一欍欍。
虽然龙趸已经分开成一细欍一细欍，但係每一细欍仲係好厚身，起码有成差唔多5cm咁厚!清蒸龙趸，原汁原味，最鲜最甜，无得顶!
冬瓜盅锅底
一楼大厅推出咗以冬瓜盅为主嘅火锅，可以用冬瓜盅嚟打边炉，搭配任意嘅肉类或者海鲜，一只冬瓜窝底都只係25元!
冬瓜超级大一只，唔係出面D迷你冬瓜，见到都大阵象。同冬瓜盅配套嘅，仲有一份冬瓜水、猪骨熬出嚟嘅高汤，以及瘦肉、瑶柱、虾米、莲子、鸡肾、蜜枣等食材。因为汤底混入原汁冬瓜水同莲子等食材，所以啖汤好清甜，一D都唔油腻!
如果搭配呢个78元/只(第二只半价)嘅特价清远鸡，即係话两只鸡加一个冬瓜盅锅底，人均都只係35元!太抵食啦!
清远鸡係生上嘅，好大只，係新鲜鸡。喺冬瓜盅里面打边炉，零舍写意~
白灼沙虾 28蚊/份
特价刺身
咪以为鼎盛净係得传统粤菜，为咗迎合更多食客挑剔嘅口味，呢度都推出咗多款特价刺身噶!
希鲮鱼刺身 特价38元/例
三文鱼刺身 特价48元/例
北极贝刺身 特价38元/例
鼎盛新“十大名菜”
红烧乳鸽 9.8/只(原价32蚊/只)
虽然好多酒楼都有乳鸽食，不过我始终都係觉得富士山鼎盛呢度嘅乳鸽係最够风味最考究。
鼎盛呢个镇店之宝，先用卤水入味，再淋汁风干，最后先係落油滚熟。出嚟嘅乳鸽甘香扑鼻，表皮炸到酥脆，味香汁多，好食到连骨头都唔想放过啊。因为实在太多人点啦，所以呢只乳鸽每人只限一只，不设打包。
招牌特色鲫鱼粉卷 38蚊/条
鲫鱼味道清甜，肉质细腻，我一直好钟意食，可惜鲫鱼多骨，令我又爱又恨。但係，鼎盛嘅呢个鲫鱼粉卷就非常好噉解决我嘅后顾之忧啦。佢係将鲫鱼起肉先，然后用陈村粉包住嚟蒸，加上鼎盛特有嘅豉油调味，味道更加滋味。
陈皮老姜焖鸭 48蚊/例
本身以为呢味餸会好重口，点知食入口嘅感觉好清新，因为加入咗柠檬草，遮住咗老姜嘅辛辣，味道浓郁得嚟带D香甜。
上台之后点火，等酱汁慢慢加热，香味逐渐飘溢出嚟，闻到嘅係浓郁嘅酱汁香味以及清新嘅柠檬草同老姜味，呢个味正!
野山椒粒芫茜梗羊肚丝 48蚊/例
芫茜係我哋最熟悉不过嘅提味蔬菜，好多食肆都用佢嚟做佐料。而芫茜周身都可以做食用，呢个芫茜梗炒羊肚丝，就係一个好例子。芫茜梗反而冇芫茜叶味道咁浓，羊肚丝好爽，加咗野山椒粒，味道鲜中带辣，正!
翡翠杏香脆瓜五仁
呢道点心够晒健康低卡，瓜子、杏仁、花生、腰果、松子杂锦而成嘅五仁丁，撒落鲜味十足嘅斋菜上，净係睇都流晒口水啦。
鼎盛彩虹骨
富士山鼎盛位于彩虹桥旁边，呢个彩虹骨就够晒意头啦。大大嘅肉骨，好似一道桥，上面淋上秘制嘅酱汁，再撒上瓜子仁、洋葱、香葱等提味，口感丰富又营养。喺彩虹桥叹彩虹骨，充满诗意又富有意境。
网烧紫薯卷 36蚊/打
十分有新意嘅一道主食。用面粉制造出嚟嘅圆柱形网格包裹住香甜鲜美嘅紫薯，经过油炸，外部酥脆，内里绵软，口感very good!
如果点一壶罗汉果菊花茶，清热下火，食多几件都唔怕热气!
日式麻薯包 36蚊/打
鼎盛嘅特色点心，仲有呢个麻薯包，入口软糯香绵，相信好多女仔都钟意食。
葱油淋霸皇鸡
葱油霸皇鸡係香港泉章居嘅名菜，讲究葱油经过爆香之后将鸡煎到金黄并吸收晒葱油香嘅过程。
放鸡落葱油里面煎嘅同时，都将鸡皮多余嘅油脂逼晒出嚟，食起身冇咁肥腻，大大增加咗香味以及色泽。
澳门烧肉 36蚊/例
我好钟意呢个澳门烧肉，佢係用全骨花肉嚟烧嘅，每一只成年猪都係得一斤咁多骨花肉咋，可见佢係几咁矜贵!猪肉烧得香脆，师傅刀工都非常唔错，切得一D都冇破碎，完整将猪肉以整整齐齐嘅方形呈现出嚟。烧猪肉肥瘦相间，猪皮烧得好脆，咬落“卡擦卡擦”声，而肥肉部分就入口即化，一D都唔肥腻。
九大簋盆菜就嚟过年啦，一家人团团圆圆或者係公司朋友聚餐，梗係要食九大簋啦。呢盆九大簋盆菜，包罗万象咩都有，有大盆有细盆，可以堂食或外卖，实满足到大家嘅口味。
茶市特价优惠
早茶、下午茶点心七折优惠
咁多特价点心，我样样都想食啊!唔少得嘅仲有呢个酥皮鸡蛋挞，酥皮层层酥松，蛋液幼嫩香甜，半打9.8元，一打都只係20元!咁抵食，嚟饮茶肯定要落一打啦!
温馨提示
一、以上部分菜式特价仅供一楼大厅以及茶皇厅适用，房间特价另计。特价菜式不设碌卡以及开具发票。
二、四楼棋艺消费满五小时送美食一份。
富士山鼎盛
地址：广东省广州市荔湾区荔湾路149号
电话：020-81930748
营业时间(一楼龙凤厅、茶皇厅茶市直落)：
早茶：7:30 11:30
午饭：11:30 14:30
下午茶：14:30 16:30
晚饭：17:00 22:00
http://www.duyihua.cn
返回 广州笋嘢益街坊 返回首页 返回百拇医药