天河最具情调日式料理店，开业7折益街坊！顶级师傅坐镇，出品精，味道正！
2015/1/16 广州笋嘢益街坊
编辑：黄清秀 摄影：柯文雯
壹喜日式料理店，藏身于天河维多利酒店，只不过低调开业左无几耐，但已经吸引左好多人过去!不得不提，家阵新开张全店全天候7折优惠(酒水除外)!中午定食原本已经非常实惠，亦都参与7折活动，仲免茶位费，小伙伴食完就讲左一句：“简直抵到训觉都可以笑醒!”事不宜迟，即刻去片，睇睇壹喜系咩来头!!!
据闻坐镇嘅料理师傅都大有来头，曾经系“富”字头日式料理店工作过，经验丰富!有一个师傅更前往日本拜师学艺多年，考取“调理师免许证”，要知道中国人系日本可以摞到证，唔系一件容易事，可想而知师傅嘅厨艺非一般精湛!
环境
一楼大厅，二人座、四人座、卡座都有!!!楼层高度高，一D压迫感都无，坐低食饭非常舒服!!!
一边系整刺身、寿司，一边系做铁板烧，师傅一做出黎即刻可以食，岩晒好似我甘猴琴嘅小伙伴，哈哈哈!!!
二楼环境就更加有feel!日式榻榻米，空间非常阔落，系一个食完饭仲可以倾计嘅地方!其中有两间包房系有炉端铁板烧，岩晒中意食铁板烧嘅小伙伴聚会!
除此之外二楼仲有个可以容纳十二人嘅包房，房内处处都系日式元素，据闻系壹喜老板娘亲自设计、摆设嘅，十分用心!!!
出品
大盛一上台霸气侧漏相当震撼!鲷鱼刺身有图有真相，厚薄均一刀工好到不得了!海胆够晒新鲜，感觉好似有阵海水扑过来，但又有淡淡果香味，入口轻滑凉薄，非常清新鲜甜一D腥味都无!
墙裂推荐八爪鱼吸盘刺身，目前为止食过最为正斗嘅八爪鱼!!!细问之下先知道，壹喜用嘅系新鲜八爪鱼，仲有专人按摩成粒钟十分大牌，真系叹!皆因甘样出黎嘅刺身先唔会硬到难以入口，按摩完之后再用昆布、冬瓜以及生蚝等等熬汤煮熟之后切片做刺身，蘸完Wasabi入口感动到飙泪，实在太好味!!!
讲到冷浸鹅肝，必须要讲一个用到烂嘅词：入!口!即!化!每一片都非常厚身，用刀轻轻切开就好似切入cream一样，非常细腻!入口感觉奇妙，从舌尖一接触鲜软细滑嘅鹅肝开始，全身仿佛酥麻只想眯埋眼享受!
家阵呢种天气斋食刺身边够暖身，壹喜有炉端铁板烧烤，即点即做!打头阵推荐铁板老虎虾，铁板大厨非常熟手，三两下功夫就将体型巨大嘅老虎虾剥皮拆骨挑埋虾线，翻身翘臀十分诱人!淋上由牛油、柠檬汁等调制而成嘅酱汁，吱吱两声直冒烟，香喷喷上碟了喂!!!
体型壮硕嘅老虎虾最终沦为我嘅盘中物，O(∩_∩)O哈哈!!!虾肉两边微微翘起，未食就知十分有弹性，入口鲜甜兼弹牙，中意食海鲜就千其唔好错过!!!
阿拉斯加帝王蟹蟹脚，同样系铁板嘅做法，撒上金蒜味道有D似避风塘做法，十分惹味!!!最紧要系蟹脚啖啖肉，用叉轻轻一撬一坨肉就翘晒出黎，一啖入口，满足!!!
铁板雪花牛肉，size大细非常岩嘴型，一啖一个岩岩好!铁板师傅火候把握得非常好，表面已经熟透，但内里七成熟左右，鲜嫩无比，一整块入口口感柔润，香而不腻，简直就系牛肉中嘅“劳斯莱斯”!
最最最令我惊喜嘅就系呢道铁板鳗鱼，竟然用嘅系新鲜当日劏嘅鳗鱼，非常难得!!!九万几年未食过肉质如此嫩滑而且有鱼香味嘅鳗鱼!!!32个good比你，不用谢!
用牡丹虾黎做寿司，就真系够晒有心思有够晒落重本!牡丹虾完全唔洗蘸芥末酱油，皆因自身散发出黎嘅鲜美已经没法挡!一啖入口非常润滑Q弹，甘甜滋味久久不能散去，虾中之极品非拒莫属!!!
金枪鱼背寿司，金枪鱼系深海中少数热血鱼类，旺盛嘅新陈代谢肉质极佳，软绵而且油香四溢!!!最令我欣赏嘅系壹喜嘅寿司永远都系肉比饭团要多!!!
Wow三文鱼腩寿司!又厚!又长!三文鱼腩完全将饭团覆盖，几乎睇唔到饭身!!!拖尾长过I6嘅三文鱼腩，入口感觉肉质紧致而且饱满，鱼油丰盈但不油腻，鱼香味浓郁，三文鱼控无法不尖叫!!!
吉列猪柳未入口果阵感觉就系普普通通大路货，但入口先feel到特别，皆因有紫苏叶，仲有秘制酱汁淋面，外脆内嫩，记得趁热食!
一份海鲜薄饼，四个人都话饱!!!非常厚身嘅“薄饼”，我也是醉了!!!内涵十足，一啖入口各种海鲜粒，而且薄饼仲加入左现磨淮山(山药)粉，非常健康养生!
忍唔住用手捧起呢个海胆酱烧元贝，比我两个手掌合埋仲要大!!!虽说有一层芝士铺面，但都无法掩盖其足料!!!
最后再黎份烧肉沙律就完美啦，足料程度直接睇图!!!配左一碗沙拉酱一碗和风酱，非常贴心!我就中意和风酱啦，酸酸地非常消滞!!!
无论系刺身定系寿司，无论系炉端铁板烧定系和食，壹喜出品可谓上乘!!!首先讲最令我难忘嘅八爪鱼吸盘刺身，颠覆我对八爪鱼刺身嘅印象!牡丹虾、金枪鱼、三文鱼腩就无需我多讲，试过就知咩回事!炉端铁板烧，冬天食就至岩不过，全部即点即做，弹牙老虎虾、惹味帝王蟹脚仲有口感润滑鲜嫩雪花牛肉，真系霖起都流晒口水!如果感觉未饱肚，我就墙裂推荐海鲜薄饼，又抵又好食最紧要系非常之饱肚!
优惠资讯：
1、1月6日-1月31日，新张期间全店全天候七折优惠!(酒水除外，此优惠不可与其他优惠同时使用。)
2、1月6日-2月16日，凭此微信到店消费，送价值18蚊日式炖蛋一份!味道浓香嫩滑嘅炖蛋，内里竟然仲有“馅”，瘦肉、冬菇、白果，一挖到底美味非常!
壹喜日式料理
地址：天河区黄埔大道西106号维多利酒店首层
电话：020-29822238或者136-8220-0391
交通指引：
1、自驾：导航“广州黄埔大道西维多利亚酒店”(大量停车位，消费就可以免费停车!)
2、石牌公交车站
途经石牌站的公交车：137、138、140、194、218、243、245、261、278、284、299、302路车。
路线指引：从石牌公交站到壹喜日式料理大概300米，约5分钟路程。
http://www.duyihua.cn
返回 广州笋嘢益街坊 返回首页 返回百拇医药