广州性价比最高嘅日式放题，118蚊所有刺身、寿司、生蚝、鹅肝2个钟任食！唔食到扶墙唔比走！
2015/1/19 广州笋嘢益街坊
点解个个人都走去北京路嘅好莱坞梦幻创作料理嘅？发生咩事？!哦，原嚟係因为梦幻料理嘅放题大军又加入咗几位高大上新成员!听讲仲有市价成30蚊1只嘅阿根廷大红虾!法国鹅肝!全部任点任食!哇，咁正，唔食就真係对唔住老板嘅任性啦。
阿根廷大红虾刺身阿根廷大红虾周身通红，而且营养丰富，所以近几年成为咗好多美食爱好者嘅最爱。不过喺其他地方食，斋一只就要成30蚊，真係穷D都唔敢点嚟食。不过梦幻竟然将佢加入放题，无限量任食!
今次梦幻料理嘅阿根廷大红虾，每一只都鬼死咁大只，仲长过我部IPhone，真係不得了!
食过呢只阿根廷大红虾刺身之后，我先知道点解咁多人都钟意食海鲜刺身。因为佢味道真係超级鲜甜!嫩滑嘅虾肉仲好有弹性，咬入口嘅瞬间，鲜甜嘅虾味挤晒出嚟，原始嘅鲜味喺口里面升华。
盐烧阿根廷大红虾咁抵食嘅嘢梗係唔可以畀佢停!点多款盐烧阿根廷大红虾又点话。
烧到虾身红卜卜，睇起身都食欲大增。而盐烧嘅烹制方法，就喺鲜嘅基础上加入咗咸鲜味，味道更加深刻。
阿根廷大红虾寿司最后仲有呢个大红虾寿司，成只完整嘅阿根廷大红虾“瞓”喺寿司饭上面，造型好靓。
微熟嘅大红虾味道同样鲜甜，不过肉质就更加结实，兼且爽口弹牙，食入口好有口感。
新鲜返货鲜鱼刺身
梦幻料理每个星期都有2至3次嘅从日本空运到广州嘅季节性鲜鱼返货，先到先供应!并且会不定时举行现场劏鱼表演，畀食客现场欣赏一场精彩嘅视觉盛宴。
鲜金枪鱼刺身
师傅嘅刀法真係精湛到出神入化啊，睇到我都“O”晒嘴!呢个金枪鱼刺身放题都有得食噶。
即场劏咗嘅金枪鱼，会即刻做成料理，畀各位食客享用。可以第一时间食到新鲜嘅金枪鱼，唔係每间日料店都可以做到噶。咁美好嘅时刻，肯定要好好把握啦。
鲹鱼刺身
又名“池鱼”，广州好少见日料店有呢只刺身。不过用嚟做刺身，口感好爽滑，鱼味鲜美。
真鲷鱼刺身
日本白身鱼之王，鱼肉鲜甜肥美，盛产于日本九州，有吉祥喜庆之兆， 係日本名贵鱼类。
鲂鮄鱼刺身
又名“红娘鱼”，出产于日本九州一带。
咖喱煮澳洲牛筋腩呢煲咁多肉嘅咖喱牛筋腩竟然都係放题大军新成员？!唔係啊嘛!!!真噶，你冇睇错，宜家梦幻嘅放题都食得到佢啦。
梦幻采用进口嘅澳洲牛筋腩做食材，肉质更加有弹性，食起身牛肉味更加浓郁，咬落口馥郁有劲道，加上浓浓嘅咖喱汁，渗透入牛筋腩里面，好食到尖叫!配菜嘅薯仔同样都好好食噶。
蟹肉锅烧热寿司哇，真係用煲上噶喔，同煲仔饭嘅煲唔同，呢只“寿司煲”就精致D，一上台服务员就帮我哋点着火，畀佢烧热。
煮到咁上下，就听到啫啫煲嘅“滋滋”声，证明呢个锅烧寿司真係有“烧”到噶!
食惯冻嘅寿司，热寿司真係零舍过瘾。睇到烟飘出嚟，寿司饭又吸收晒D酱汁，食落口特别滋味!
川味锅烧鲑鱼寿司呢个鲑鱼寿司，係拣咗鲑鱼皮下脂肪最肥美嘅部位嚟做嘅，口感特别嫩滑丰润噶。
值得一提嘅仲有佢嘅川味做法，係用传统嘅川菜烹饪方式做出嚟辣酱，将四川菜同寿司结合喺一齐，呢个IDEA前所未闻，不过又真係好match。
生蚝锅烧寿司呢个生蚝寿司绝对係靓仔靓女嘅福音!咪以为生蚝净係可以斋生食或者烧嚟食，宜家仲可以做寿司啦。
生蚝肥美滑嫩，营养丰富，蚝肉丰腴，再加上呢度嘅独特调料，成个味道都特别吸引。
法国鹅肝蒸蛋法国鹅肝一直係高大上嘅代名词，通常都係喺法国餐厅嘅菜牌上先见得到，但係梦幻料理却用佢嚟做放题，呢个虽然好唔科学，但係真係坚噶!
而且更加令人惊讶嘅係，鹅肝竟然可以用嚟蒸蛋!!!太碉堡了吧!真係刷新我嘅三观!不过讲真嗰句，鹅肝同蒸蛋嘅结合又真係几夹，呢个蒸蛋本身就调咗味，味道有D咸，加上煎过嘅鹅肝，香浓嘅鹅肝油渗透入蒸蛋里面，呢个蒸蛋瞬间高大上咗。
鹅肝军舰寿司平时食嘅军舰寿司最多都係得螺肉、章鱼、海藻，不过攞鹅肝做军舰寿司，而且仲係放题嘅，梦幻都係第一间。满满嘅冻鹅肝铺喺面头，呢种感觉唔係只言片语就可以形容，我只可以话，食食食!
水蜜桃鹅肝寿司卷同样係冻鹅肝，不过呢个食法就比较清新，因为寿司卷本身就比较大众口味，而且仲用水蜜桃同牛油果做食材，就更增加寿司本身嘅清爽香甜。
梅子煮三文鱼头梦幻特有嘅梅子煮三文鱼头，将梅子嘅酸甜带入到三文鱼头当中，加上秋葵、豆腐等配菜，味道食起身好开胃。
盐烧三文鱼头如果想食咸D嘅，都可以试下呢个盐烧三文鱼头，经过烧制嘅三文鱼头肉质更加紧致，咸咸哋嘅盐味渗入到鱼肉当众，好食又香喉。
蓝莓酱地瓜丸地瓜丸就食得多啦，不过经过梦幻嘅加工，呢个地瓜丸都高大上咗。因为唔止炸得金黄酥脆，而且仲好有创意噉喺地瓜丸表面淋咗蓝莓酱咯，多咗酸甜嘅口感，食起身都冇咁油腻。
免费送鲍鱼!食食下，服务员突然攞咗只鲍鱼过嚟，话係赠送嘅。哇，咁大只澳洲鲍鱼，居然唔使钱免费送!老板你无问题啊嘛~~~
除咗鲍鱼，仲可以拣秘制清酒冻鹅肝。
喜庆聚会
除咗平时同朋友仔一齐嚟食放题，梦幻料理仲好适合举办喜庆宴会、公司活动、朋友聚会噶。因为呢度地方够大，而且装潢浪漫又有艺术feel，喺呢度办聚会肯定够吸引。需要畀个good嘅就係，梦幻料理全年无休，春节、情人节都唔休息，而且绝不加价!
另外一样，就係传统嘅聚会都係喺酒楼食粤菜，一D新意都冇，如果可以喺日料店举办宴会或者公司年会，肯定会令人耳目一新，食都食得特别开心啊!
梦幻嘅阁楼仲有房间，好适合年底一家大细或者亲朋戚友聚会食团年饭，梦幻宜家都有团年饭套餐，选择丰富，肯定畀到你一个特别嘅团圆夜。
优惠信息
1、梦幻料理晚市放题每位赠送冷制澳洲鲍鱼1只或者秘制清酒冻鹅肝1件；(以上赠送菜品因货源关系可能会有所变更)
2、晚市放题3位或以上同行赠送清酒1壶或者自家制梅酒1壶；(以上赠送优惠仅适用于晚市17:30——22:30)；
3、凡生日当天到梦幻料理食放题，6位或以上同行，可享1人免费。(团购及银行卡减免优惠不能同时使用)
温馨提示
1、日本空运季节鲜鱼刺身因数量有限，先到先供应，鲜鱼品种以当天实际供应为主。
2、为免造成身体不适或食物浪费，建议用餐时按个人情况少量多品种适度点餐，食几多点几多。
好莱坞梦幻创作料理
地址：北京路238号名盛广场一楼1B58档(北京路市一宫与消防局中间)
电话：020-83190111 020-83190222
营业时间：11:30-22:30
微信帐号：menghuan760522(梦幻创作料理)
http://www.duyihua.cn
返回 广州笋嘢益街坊 返回首页 返回百拇医药