江南西有间"慢递邮局"餐厅，你想过寄信给一年后的自己吗？
2015/1/20 广州笋嘢益街坊
好多朋友仔都会问小师妹钟意去边度hea，想嚟一场浪漫嘅“偶遇”，其实，小师妹真係有一间成日去嘅悠闲餐厅，环境清静，出品唔错，最紧要係够舒服，好啱携知己嚟坐坐。呢间就係位于江南西嘅窝居，唔知大家嚟过未。
不过今次小师妹嚟到窝居，就见到门口有只好大嘅邮筒喔。咩回事？
哦，原嚟窝居宜家可以邮寄明信片啦。寄畀自己，寄畀朋友，寄畀屋企人都得。
嚟到窝居，点一杯盆栽奶茶，几款小食，顺便向服务员索取一张明信片，写低此时此刻嘅心情寄语。呢一刻，我最想写嘅，係希望以后嘅自己，可以成长为一个独立坚强嘅女仔。
如果係寄畀自己，记得喺落款度写低选择寄出嘅日期，窝居支持最长达1年嘅“慢递”服务。
写好之后，贴上邮票，就可以放入邮筒啦，等待邮递员嘅接收。
等待收到明信片嘅过程，谂下都有D小激动，唔知到时收到明信片嘅时候，postcard上嘅嘢，会唔会变成现实呢。
除咗明信片可以玩，窝居都有好多精致可口嘅小食值得品尝噶。喺呢度叹番个悠闲嘅下午，畀自己relax下，我觉得係个唔错嘅选择。
鸡扒
块鸡扒真係超大件，好厚身，呢个价钱有噉嘅分量真係有D吓亲我!不愧咁多资深食货推荐!蜜汁係窝居自己调配嘅，味道咸鲜兼有D甜味，淋落鸡扒度，等鸡扒吸收晒之后，再捞埋意粉一齐食，好好味啊!O(∩_∩)O
海鲜炒饭
哇~炒饭色水好靓啊，炒到金黄灿烂嘅米饭，加上虾仁、八爪鱼、蟹柳、洋葱丝、萝卜粒等食材嘅点缀，简直係色香味俱全!
肉酱意粉
食过咁多芝士肉酱意粉，我就最钟意窝居嘅呢个啦。酸酸甜甜嘅肉酱混合爽滑嘅意粉，香喷喷，而且表面铺咗一层好浓郁嘅芝士，烤到好幼嫩，意粉就爽嫩，同芝士肉酱味mix得perfect!
将意粉同芝士肉酱捞匀之后，每一条意粉都蘸上芝士肉酱嘅香味，食落口口感超正!
海鲜炒意粉
呢个炒意粉，就比较干爽啦。同样都係用海鲜炒，令意粉嘅味道更加鲜甜，海鲜多到爆，入口爽嫩弹牙，好鬼正!
肥牛饭
想食得港式D嘅，不妨试下呢个肥牛饭，牛肉爽口香滑，肉质好结实，加上师傅调配嘅酱汁，满满噉淋喺碟度，捞饭食不得了，唔知可唔可以加饭捏~~~
愉快
哈哈，问过侍应先知道，所谓嘅“窝居愉快”其实就係鱼块，鱼块表面炸到金黄酥脆，但係内里嘅鱼肉仲係十分幼嫩，外酥内嫩，口感无敌!
芝士肠
呢几条肠仔唔係普通嘅肠仔，而係香浓嘅芝士肠!入口真係食到有芝士味，而且表皮好脆，一啖咬落去，成条肠都唔会散开，仲保持到“肠形”。我就钟意蘸D千岛酱一齐食啦，香到爆!
芝士治
呢个三文治嘅分量多到惊人!足足有成四件!而且中间夹住两块午餐肉、一片芝士，午餐肉好鬼厚身，而且肉质好新鲜，完全唔係罐头货，唔干身。
西多士
呢个港式嘅小食，内层涂满花生酱，外层蘸满蛋液，经过油炸之后，好香脆，食嘅时候再点D牛油，仲正啊!
芝士棍
芝士棍係呢度嘅人气小食，好多人嚟呢度都必点!
一啖咬开，芝士嘅拉丝效果超级正!霎时间，浓郁嘅芝士香味瞬间入侵我味蕾，脆香嘅表面，柔软嘅芝士，好食到飞起~
提拉米苏
作为意大利甜品嘅代表，提拉米苏一直都得到我嘅青睐。浓郁嘅咖啡风味，加上芝士同奶油嘅稠香，味道好醇厚，口感滑嫩，入口即化。
冬季热饮
食饱饱，终于可以坐低舒舒服服噉倾下计啦，不过，好似少咗D嘢噉。係啦，冇嘢饮，点得噶，嗱嗱声叫D饮品嚟先~窝居嘅全场饮品都无添加任何香精、奶精、茶精等食用料成份，绝对够健康!而且，为咗迎战寒冷嘅冬天，窝居仲有一系列冬季热饮，可以暖下手、暖下胃。
↓热朱古力
↓冰雪珍珠
↓仙草奶茶
↓招牌盆栽奶茶，值得一提嘅係，点盆栽奶茶，仲可以免费带走复古马克杯同豌豆种子、泥土，种出属于自己嘅盆栽。
↓抹茶红豆，红豆mix抹茶永远都係我嘅最爱，抹茶清香，加上软绵绵嘅红豆，沟匀之后，零舍甜蜜!
小编总结
江南西呢间窝居，地方虽然唔係好大，但係就係呢种有D逼嘅感觉，先可以最大程度噉拉近小伙伴们之间嘅距离，大家食下呢度嘅平价高质小食，顺便讲讲笑笑，够晒warm，够晒free，先叫做聚会噶嘛!
优惠活动
凡消费指定盆栽饮品一杯，即送复古马克杯和豌豆种子、泥土一份。
窝居
人均：25元
地址：海珠区江南西路青竹大街5号102号铺(近江南新村第一小学青凤校区)
电话：020-34277540、13711627742
营业时间：11:00——24:30
http://www.duyihua.cn
返回 广州笋嘢益街坊 返回首页 返回百拇医药