呢个老板好任性，1蚊点心+3蚊糕点，人均12蚊就可以搓肚埋单，咁抵食冇理由唔去试！
2015/1/22 广州笋嘢益街坊
最近成日有人问我边到有平靓正嘅嘢食，我谂都唔谂就会讲係广州东站附近嘅雅聚楼。点解？因为呢到食嘢真係好平咯，呢到唔单止有一蚊一个牛肉粥，一个肠粉，仲有3蚊一份嘅糕点，人均12蚊就可以落得楼。就连饭市嘅价钱都平到出奇，有咁平嘅地方食饭又点可以唔介绍大家嚟呢。
係东站旁边嘅雅聚楼，装修得好有格调，木制嘅餐台配上舒适嘅环境，係到食饭唔会觉得好局促。错落有致嘅摆台方式，俾客人最大嘅空间感。因为雅聚楼係广州火车东站旁边，坐係窗边，仲可以望住火车嘅行进，俾人唔一样嘅风景。虽然係係火车站边，但係呢到丝毫冇听到一丝嘅嘈杂，俾人感觉绝对舒服。
如果问我呢到食嘢有几平？用料有几正？我可以话比你知道，价钱係天河区少有嘅亲民。而用料店家更加係诚意十足。呢到用嘅鸡全部都係喺开平梁金山自然养殖。D鸡日日跑通街，唔食饲料，煮起嚟食都特别野味，肉质特别结实。
荔枝木烧鸡 48蚊/只
用荔枝木新鲜烧出嚟嘅烧鸡，睇起嚟够晒干身。烧得金黄色嘅鸡皮就夹起身就感觉到佢够晒卜卜脆。拿起一块嚟试试，呢只鸡烧得够晒入味，虽然表面上睇只鸡好干身，但係食起身D鸡汁就係鸡肉入边飙晒出嚟。再试真D，鸡皮好脆而且鸡肉够晒嫩，就连D骨食起身都充满住鸡味。大大一只烧鸡，我同小伙伴两个人一块接一块好快就食晒。搞到我哋如果唔係仲有菜未上，相信我哋会再叫多只嚟食啊!
大盘黄骨白贝焗鸡 88蚊/盘
呢到嘅大盘鸡同出边嘅好唔同，呢到嘅大盘鸡唔单止全部选用自家农场养殖嘅开平走地鸡，而且呢个大盘鸡仲加入咗鲜味十足嘅黄骨鱼，仲有鲜甜嘅白贝，黄骨鱼+开平走地鸡+白贝嘅组合，食起身鱼入边有鸡嘅味道，而鸡入边更加有鱼嘅鲜味。各种材料之间相互配合，味道相互融合，唔单止香味十足，就连味道都係出边绝对食唔到嘅。难怪呢个黄骨白贝焗鸡一上台，就吸引咗隔离台嘅食客，要服务员落单啦。
材料满满，黄骨鱼同鸡味道相互相成，滋味十足。每一种食材都大大份，绝对唔会出现短斤缺两嘅情况。
开平鸡呢个菜用嘅全部都係每日从开平新鲜运到嘅走地鸡。而且每只足重两斤半。食起身肉质鲜嫩结实，鸡味十足。
黄骨鱼呢个菜用足两斤黄骨鱼做材料。因为係用焗嘅方法煮，所以食起身鱼肉好鲜嫩，而且吸收咗鸡嘅味道，所以鱼食起身口感好丰富。
白贝足足两斤嘅白贝係呢个菜里面做咗提鲜嘅作用，而且因为煮嘅时间吸收咗鸡同鱼嘅味道，所以食起身滋味十足。tips：
听老细讲，食呢个菜係有先后顺序噶。话咁样先可以感受到呢个菜嘅鲜味咁话喔。记得拿支笔嚟mark低啦!
1、先食黄骨鱼
2、再食白贝
3、最后再食鸡
铜盘沙姜焗鸡
嚟呢到食鸡又点可以错过食呢到嘅铜盘沙姜焗鸡啊!听师傅讲呢个鸡係用锡纸包住装满鸡嘅铜盘，放係煤炉到原盘焗出嚟。咁样就将鸡嘅鲜味全部逼晒出嚟。难怪当师傅係我哋面前拆锡纸果阵，D鸡味伴随住喇位咁传晒出嚟。夹起身每块鸡都肥嘟嘟，食起身姜嘅味道全部入晒係鸡到，鲜鲜嫩嫩，鸡味十足。
除咗鸡，呢到食牛一样正到爆!佢所用嘅牛喺老板自己係开平有四千亩地，养左三百几只牛!佢哋日日通山跑，饮泉水，食新鲜嘅青草!非常健康野味!
砂锅牛杂 88蚊/锅用自然放养嘅黄牛为主要材料，加入特制嘅酱汁炮制而成。因为黄牛每日都喺考山食山，所以食起身特别想牛味，而且肉质够晒爽滑。
牛筒骨、牛腩、牛杂……几乎一个菜就已经食到成只牛嘅精华。而係底部嘅面筋係煮嘅过程中吸收晒牛嘅香，所以食起身特别正。
呢到饭市出彩，就连茶市一样让人欲罢不能。1蚊一个牛肉粥、1蚊一笼叉烧包、1蚊一个肠粉、3蚊笼“步步糕”真係抵食到冇人有。计计埋埋，食点心+茶位都係只要12蚊，机会难得，真係要叫多D人去试先得!
1蚊盛会
1蚊叉烧包呢到嘅叉烧包拿起身松松软软，新鲜出炉热辣辣咁咬一啖，叉烧伴随住面包外皮，又鲜又香仲有少少面包特有嘅香甜。
一蚊黄牛肉粥
采用自家农场养殖嘅牛所做出嚟嘅牛肉粥，碗粥里面满满嘅牛肉香味，因为牛肉本身鲜味十足，所以煮起粥嚟，每一粒都充满住牛嘅香味，加上煮出嚟嘅粥够晒绵，所以食起身真係好正。
1蚊肠粉
用米浆做出嚟嘅粉皮又滑又香，薄厚均匀，食之前放小小芝麻同豉油，食落口米香味充满係个口入边，食真D，仲有小小嘅芝麻味係到，味道够晒丰富。
3蚊步步糕
3蚊黑米糕
用精选嘅黑糯米做成嘅黑米糕，食起身软软糯糯，感觉好得意。因为係用黑米做成嘅糕，所以食起身特别有米味。
3蚊杂粮糕
中意养生嘅不妨试试呢个杂粮糕啊，呢个杂粮糕用咗5种唔同种类嘅杂粮材料成。因为呢5种唔同嘅材料，所以杂粮糕食起身好Q好有嚼头。最重要嘅係杂粮糕够健康又唔会好甜，真係啱晒养生一族。
3蚊红枣糕
用红枣做成嘅红枣糕唔使出边果D咁食起身好多“杂质”，松松软软又带D爽口嘅感觉。因为係用新鲜红枣提汁做成，所以呢个红枣糕食起身好香红枣味。因为红枣有养颜补血嘅功效，对于女性嚟讲，真係好啱食。
雅聚楼简直就系食货天堂，从早上粤式茶点，到饭市，宜家仲有1蚊系列同3蚊系列，其他出品仲有折扣优惠，食到痴线，饱到扶墙，真係抵食到阿妈都睇唔过眼!
优惠信息：
1、到店消费向服务员出示本条微信，即可享受1蚊餐点同埋3蚊步步糕!(一人限点一款，一桌(三人或以上)限点三款。
2、饭市可享受8折优惠!茶市可享受7.5折优惠哦!抵成咁!你仲点把持得住呢!
店名：雅聚楼
地址：天河区林和西路169号健力百合酒店2楼(沿林和西路往火车东站方向行到尽头，左手边)
电话：
订餐电话：020—87021036
江总经理：137-0256-4315
莫 经 理：132-6821-8363
刘 经 理：135-3526-5552
人均：45元
路线指引：
地铁1号线、3号线到达“火车东站”站，B出口往北行(社会车辆出口右手边往火车轨道方向)100米，就见到健力百合酒店，上二楼就系雅聚楼噶啦!
公车搭到“火车东站总站”走到林和西路，往北行(出口右手边往火车轨道方向)300米，就见到健力百合酒店，上二楼就系雅聚楼噶啦!
http://www.duyihua.cn
返回 广州笋嘢益街坊 返回首页 返回百拇医药