炖品店都有中医师免费帮你把脉，10蚊唔使就饮到超足料嘅老火靓汤！
2015/1/24 广州笋嘢益街坊

    

     广东人钟意不时不食，夏天食绿豆粥、西瓜消暑，冬天食羊肉、蛇滋补，其实饮汤都要对人对时噶，每个人嘅体质都唔同，有寒底有热底，加上广州五时花六时变嘅天气，真係好有必要根据自己嘅身体情况嚟饮汤。为咗打救各位上班一族，位于海珠区昌岗路嘅整多盅特意推出一系列￥9.8炖品，绝对益街坊!

    

     出面D老牌炖品店买一盅汤都要十几、二十蚊，装修旧环境唔好之外，价钱仲贵，食餐饭饮盅汤都使咗50蚊啦。相比之下，整多盅嘅环境就好好多，唔止装修靓，而且室内仲有空调有电视，夏天饮汤都唔会饮到成头汗，最最最紧要嘅，係够平!10蚊唔使就饮到盅材料超丰富嘅炖品，绝对係打工一族嘅福音!

    

     讲到饮咩汤好，其实都有学问，唔係每个人都啱饮一样嘅汤，要“对症下汤”。所以，整多盅特有嘅中医坐诊就帮到大家啦。只要你嚟到整多盅都可以揾中医师帮你把脉，睇下身体有冇问题，再量身打造最啱你饮嘅汤，中医把脉嘅费用係完全免费噶!

    

     睇完诊，发现自己有D热气，快快趣饮番盅清热降火嘅炖品先。

     ￥9.8系列

     西洋菜炖陈肾

     想冇咁热气，医师推荐我饮呢个西洋菜炖陈肾啦。果然真係好大一盅，而且材料好丰富!

    

     呢盅西洋菜炖陈肾，有清热润肺、通利肠胃嘅作用。虽然冇落味精，但係真係好够味噶，唔会淡茂茂。服务员话，係因为盅汤炖得够火候，味道先会出晒嚟。

    

     无花果炖瘦肉

     平嘢唔一定冇好嘢，呢个无花果炖瘦肉，就係一盅赤裸裸嘅好汤!同样係冇落味精嘅，无花果煲汤清润又鲜甜，加上瘦肉嘅肉香味，更加鲜美。用瘦肉煲汤，可以减少猪肉嘅脂肪含量，更加健康噶。

    

     茶树菇炖龙骨

     秋冬时节最适宜用菇菌类煲汤，因为菇菌类有滋阴健脾嘅功效，而茶树菇特具幽香，有清脂消食消滞嘅功效。龙骨煲汤，更加滋味。

    

     因为食材丰富，所以啖汤饮落去好浓郁，鲜美清润好好味，饮两啖再食番几欍肉，男女老少咸宜。

    

     凉瓜黄豆炖排骨

     点为之一盅靓汤？除咗要食材好，够火候之外，好重要嘅一点，就係要冇嘌呤。睇下整多盅嘅呢盅凉瓜黄豆炖排骨，就知道佢有几咁靓啦。啖汤清到可以睇到满满嘅食材，睇到都食欲大增。

    

     凉瓜煲到好淋，冇晒甘苦味，反而係淡淡嘅香甜，黄豆同排骨嘅味意外地合拍，黄豆入口绵绵烂烂，口感非常好。

    

     性价比之王

     西洋参石斛炖竹丝鸡

     石斛药用历史悠久，药用成分既丰富又均衡，能治疗多种疾患，可以话係食疗圣品。呢一盅汤，不单止有石斛，仲有西洋参，竹丝鸡，材料丰富到好似唔使钱噉。

    

     青榄响螺肉炖猪展

     响螺片市面上一斤都要成100蚊，真係少D工资都唔敢买啊。不过整多盅嘅青榄响螺肉炖猪展性价比就好高啦，咁厚咁大片嘅响螺肉，仲有猪展，绝对够抵饮啦。

    

     睇下几清，饮过绝对唔惊热气同肥腻。

    

     木瓜鱼翅

     唔好以为整多盅得炖汤饮，其实仲有好几款甜品食噶，包括木瓜炖雪蛤以及木瓜鱼翅。

    

     睇下呢只木瓜鱼翅嘅翅几够分量，一羹舀起，满满嘅鱼翅尽入眼帘，多到数都数唔清啊。平时去酒楼食翅都要成百蚊一位，但係呢度，20几就食到啦。

    

     小编总结

     打工一族日捱夜捱，仲要成日开OT，对身体损耗真係好大。虽然宜家可能仲后生未知，到第时老咗嘅时候身体机能就会衰老得好快，到时至后悔后生时候冇好好调理，不如从宜家开始就好好照顾自己。整多盅嘅炖品大盅料多又冇嘌呤，饮得健康，价钱又亲民。而且有中医师坐诊，真係好适合我哋呢D日忙也忙对自己身体冇点打理嘅打工族。

     整多盅炖品

     人均：10元

     昌岗路店地址：昌岗路117号

     营业时间：10:00——02:00

    

     宝业路地址：宝业路23号(江南西侧)

     营业时间：10:00——02:00

    

    

    

    http://www.duyihua.cn
返回 广州笋嘢益街坊 返回首页 返回百拇医药