花城汇惊现“怪兽级”红酒濑尿虾，仲有I6大虾、长过把尺嘅长脚蟹，未食过你嘅人生都唔算完美！

花城汇惊现“怪兽级”红酒濑尿虾，仲有I6大虾、长过把尺嘅长脚蟹，未食过你嘅人生都唔算完美！
2015/1/25 广州笋嘢益街坊

最近频频有小伙伴喺朋友圈晒出“变异”海鲜嘅相，搞到我鬼死咁想食，係我死缠烂打嘅追问下，终于俾我知道原来食呢D海鲜唔係喺海鲜市场而係係花城汇嘅川上龙，知道地点，梗係拉埋小伙伴一起去逼格吓啦!

哇，我都好早嚟到拿位嘎啦，我前边已经有咁多人排紧队喔。睇嚟好多人都係冲住嚟食呢到嘅超级海鲜喔。

唔好话出边排队人多啊，就连餐厅入边都坐到满一满，真係厉害。

    川上龙广州最潮最任性川式料理

     排咗甘耐队，终于轮到我啦!哇，呢到装修都几特别下喔，唔同出边一般餐厅嘅装修，呢到四处都充满住复古文艺嘅气息。就连水杯都有住旧时期嘅色彩，感觉真係好似回到过去咁。

    欣赏完环境，係时候落单啦!呐呐临拿出手机俾服务员睇下先。

     听小伙伴讲，川上龙係专营川式料理。专门係四川请咗位有多年川菜经验嘅师傅嚟做出正宗嘅川式海鲜。听到咁多，就已经忍唔住D口水啦!

     虾虾霸霸最近成日係朋友圈手臂粗嘅濑尿虾终于出现係我面前啦。之前见到嘅哈啤濑尿虾都係用嚟做椒盐，但係呢到嘅濑尿虾唔单止大过进口红酒，而且仲要用冬荫功汤底嚟烤。唔同一般川菜味道嘅香麻，但係就辣得嚟好开胃，酸酸哋辣辣哋绝对刺激味觉神经。

手臂粗嘅濑尿虾煮到好入味，啖啖肉食起身酸酸辣辣好过瘾。加上呢种King size嘅濑尿虾够晒多肉，食起身真係好过瘾。横行霸道听个名就知道呢个菜有几厉害啦!你睇下D蟹脚，仲长过个烤盘啊!听讲呢个菜选用嘅係阿拉斯加长脚蟹，再加上花螺、海胆丸、芝士丸等材料，成个烤盘简直爆晒棚啊!

大大只个长脚蟹，虽然睇起身好似俾蟹壳包住好似冇咩肉咁，但係食起身几出乎意料嘅好肉。而且蟹肉吸收晒D冬荫功，食起身够晒惹味。

鲍螺万有鲍鱼、海螺、青口、带子、芝士丸、海胆丸、芝士年糕……丰富嘅材料已经好明确表达出呢嘅菜式嘅丰富。

不过呢个菜除咗鲜味嘅海鲜，最出彩嘅莫过于係汤底到嘅芝士年糕。软软糯糯嘅年糕係煮嘅过程中吸收晒海鲜嘅鲜同汤底嘅辣，食起身够晒过瘾。

    鲍鱼

     大过维达纸巾大过维达嘅鲍鱼係呢个菜入边够晒抢镜，食起身爽口鲜甜已经无可以清楚咁形容佢嘅美味啦!

     大虾遇上小辣椒大过IPhone6嘅大虾，我真係好少见，唔好话拿嚟做烤菜啦。大大嘅阿根廷大虾搭配上辣味十足嘅小辣椒，食起身好野味，辣椒嘅辣完全将虾嘅鲜甜逼晒出嚟，而且肉质够晒爽口，鲜甜嘅味道加上啖啖肉嘅感觉，食起身绝对可以拿100分。