天河有间私人手工蛋糕坊，新推超唯美榴莲蛋糕，榴香四溢，挡不住嘅诱惑！
2015/1/26 广州笋嘢益街坊
广州卖蛋糕嘅地方好多，但係既可以体验DIY烘焙蛋糕嘅乐趣，又可以买蛋糕嘅地方就真心唔多啦。今次，小编要介绍畀大家嘅，就係位于天河南一路嘅一间叫魔法甜心(曾用店名：甜蜜森林)嘅私人蛋糕坊。
榴莲係好多人嘅最爱，而榴莲甜品、榴莲披萨都係小食中嘅大热，所以今次，魔法甜心都推出咗好几款榴莲蛋糕，推荐畀爱食榴莲嘅你。
“榴”连忘返
“榴”连忘返係一个榴莲芝士蛋糕，係用纯榴莲果肉混合芝士制成嘅，钟意食榴莲嘅千奇唔可以错过呢个蛋糕，因为佢榴莲味超重。
市面上标榜嘅榴莲蛋糕，一部分係用急冻榴莲加上榴莲香精制作而成嘅，口感差咗唔止，而且味道都唔够自然。不过魔法甜心嘅榴莲蛋糕你就可以放心，因为佢用嘅都係最香醇嘅新鲜榴莲，味道更天然浓郁，仲无添加任何香精。
芝士同榴莲肉mix得天衣无缝，食一啖，口感丰腴细腻，入口绵滑柔软，而且有浓郁嘅榴莲味以及隐约散发出嘅芝香，好满足。
逝水“榴”年
呢个名充满诗意嘅蛋糕，唔止名够气质，卖相都好有仙气噶。白雪雪嘅朱古力碎铺满蛋糕体，就好似一片雪地，上面有一朵白玫瑰，洁净、唯美。
佢係一款榴莲慕斯，切口整齐，可以睇得出係用新鲜嘅奶油嚟整嘅。如果你嫌榴莲芝士蛋糕太重口味，不妨试下呢只逝水“榴”年，味道比较清爽，冇咁腻。
慕斯超级绵软，细腻嘅口感充斥口腔，而奶油就入口即化，好似雪花一样嘅白朱古力，加上香脆嘅饼干底，重重口感，逐渐软化人心。
千里“榴”香
如果贪心D，想食榴莲蛋糕又想食水果蛋糕嘅，就可以试下呢个千里“榴”香。
同样係铺满白朱古力碎嘅蛋糕，不过上面就摆满粒粒饱满鲜红嘅士多啤梨，睇上去就靓到冧死人啦。
最特别嘅係呢个蛋糕嘅“内在”，里面有两层係榴莲果肉同士多啤梨嘅混合夹心，表面涂上厚厚一层cream，然后係软绵香滑嘅蛋糕，榴莲草莓夹心、蛋糕、榴莲草莓夹心……一层一层，慢慢品味馥郁鲜甜嘅口感。
如果得闲嘅时候，可以食到一件咁精致可爱嘅蛋糕，我谂，每一个人，包括男仔，都会被佢带嚟嘅甜蜜软化。
“榴”星点点
Cupcake都有榴莲味啦!魔法甜心新推出嘅呢款Cupcake，外型好靓，用cream挤出一层一层好似花瓣噉嘅造型，再撒上草莓粒，就好似粒粒繁星，点缀喺雪山上，圣洁无瑕。
表面係柔软嫩滑嘅忌廉，底部係重黄油蛋糕，噉榴莲喺边度？唔好心急，你试下就知道榴莲喺边度。原嚟呢只Cupcake嘅榴莲，就匿埋喺Cupcake嘅中间，cream嘅下面。烘焙师先将蛋糕顶部中心挖空，放入榴莲肉浆，再喺上面挤忌廉。呢只Cupcake，无论喺做下午茶点定係送礼，都绝对够晒心思。
芒果慕斯
除咗榴莲系列，魔法甜心都有好多人气产品，例如芝士蛋糕、水果蛋糕……不过我最钟意嘅，始终都系呢款芒果慕斯。
魔法甜心嘅芒果慕斯有别于一般蛋糕店用慕斯粉嚟整，而系用新鲜芒果，所以对于比例嘅控制好严谨。切开蛋糕之后，可以睇到慕斯里面有粒粒金黄嘅芒果肉，慕斯香滑细腻，细细品尝嘅话，仲食到淡淡嘅奶香，人间极品。
奶油水果芭比蛋糕
蛋糕除咗好食，仲要够靓，先至吸引。呢个芭比蛋糕，就够美丽动人啦。成个芭比喺里面，做长裙嘅蛋糕真系超级梦幻，里面可以做奶油，或者慕斯。
长裙做得几细心，每个花纹都整齐清晰一致，好考验耐心同工夫!
翻糖蛋糕翻糖蛋糕外国好流行，国内都逐渐开始流行。魔法甜心呢度一样可以定制，无论咩造型，都可以整出嚟，睇下几可爱，小编已经唔舍得食啦。
一个好嘅蛋糕，唔止要好食，要够靓，最重要嘅係要够健康。魔法甜心用嘅原料就係进口嘅高级奶制产品，纯天然，无添加。
魔法甜心仲接受各种蛋糕嘅定制，送货到地铁站。
魔法甜心微信公众号(帐号：magic_baker)，有更多店铺详情!
魔法甜心
人均：70元
地址：广州市天河南一路118号201(近正佳广场友谊商店南门)
电话：13244771981(魏小姐)、13929597781(罗先生)
微信号：LXK211、WGEDONG
营业时间：10:00——21:30
路线指引：近正佳广场友谊商店南门斜对面，看到QQbaby，由侧面转入小区后左转即可看到118号，按门铃201即可找到魔法甜心。
http://www.duyihua.cn
返回 广州笋嘢益街坊 返回首页 返回百拇医药