48蚊一位！火锅+铁板烧+啤酒自助餐，任饮任食仲送惊喜美食，绝对系全广州最高性价比嘅自助餐厅！
2015/2/1 广州笋嘢益街坊
话说早前同班姐妹去开万国附近淘宝，但係行得太夜，搞到周围都揾唔到食咩，但係咁啱就係呢个时候係前进路发现咗一间超平超抵嘅自助餐。火锅+铁板烧，任饮任食都係只要48蚊一个人，係宜家呢个贵价消费时期，真係万中无一啊!一问之下先知道，原嚟呢到係北京路光明广场“板将”嘅分店。
在啥啥啥都贵嘅年代，竟然仲有48蚊一位嘅火锅自助餐!有牛杂煲、有猪骨煲、有鹅掌翼煲、有铁板烧，关键喺无!限!量!任!吃!超!豪!华!阵!容!(小编真心觉得性价比远超其它家几条街咯~)
唔信你睇下就知道!
超足料火锅底，无限量任食任加!板将主要係以食火锅自助餐为主，呢到分别配有牛杂锅、猪骨锅、鹅掌翼锅，三种唔同嘅锅底，唔好以为呢到嘅锅底就得汁冇料，呢到嘅锅底全部都超足料，只係食料都绝对会食饱肚。最最重要嘅係，呢到嘅汤料冇限量、冇加料次数限制，只要你食得到，多多都有得加。
牛杂锅
份量绝对唔比出边卖嘅少，香浓嘅酱汁将牛杂煮到好入味，牛肠、牛肚、牛蒡、牛肺……统统有得俾你食，用呢D汁嚟打锅绝对食到你停唔到口。
猪骨锅
中意清淡D,点呢个猪骨锅肯定啱晒你。唔好睇少呢嘅猪骨锅啊，呢嘅锅嘅汤底用咗猪骨等材料熬出嚟噶。因为熬过嘅关系，猪骨肉骨分离，食落口骨髓甘香。呢个猪骨煲绝对係打边炉嘅最佳搭档。
鹅掌翼锅
原只鹅掌翼锅，分量好足。口感唔错，香滑，入味。掌翼煮得越耐味道越好，简直香入骨髓，食到后面竟然会越吃越想食，筷子夹住食总觉唔过瘾，干脆用手抓着掌翼细嚼慢咬先叫痛快，而且可以连骨头一齐咬碎，大叫过瘾。
三种唔同风格嘅锅底，三种唔同嘅选择，每次嚟都可以有新鲜感。但係为咗保证材料新鲜，为咗做最好食嘅汤底，老细话要更加精进鹅翼煲同猪骨煲嘅味道，所以想食就要到年后先有啦!
食得火锅，当然唔少得酱料啦!差唔多20种嘅酱料放係到俾你自己选择，想食咩就拿咩，只要自己中意就得!
讲到材料，呢到有大大个冰柜放满唔同食材任君选择，无论係培根、肥牛、肥羊、五花肉，定係手打肉丸，全部有得拣。而只要一空盘，就有人即刻将食材加满，绝对保证材料充足。
呢到嘅猪肉丸、牛肉丸同鱼丸每日有人专门手打做出嚟再整成丸，食起身特别爽口。
仲有呢D!
当然仲有新鲜时蔬啦!
除咗火锅，呢到仲有铁板烧食!只要你係冰柜选好要嘅食材，就有专人帮你烤埋，唔使搞到自己成身油烟味。
排排坐食果果，你要煎嘢摆係煎台前就得啦，每份菜前服务员都会放上你台号，绝对唔会同人哋嘅混乱。你睇下几多人排紧队，我都係翻去食住嘢先啦!
呢到除咗有人帮你煎，仲有专人送到你面前，唔使自己行嚟行去。就係等嘅过程中，铁板烧嘅香味已经传到嚟我到啦，真係搞到我口水都流埋。
哇，上台啦!师傅手势果然不同凡响，正!!样样都色香味俱全，一级棒呢!!食落口更加係冇得顶，香口，嫩滑，入味已经唔可以用嚟形容果一种美味啦!讲到铁板烧，甘就一定要试试呢到嘅铁板油炸鬼，香香脆脆食起身好过瘾!
哎哟，差D唔记得咗讲添，呢到食嘢唔单只平啊，如果你去到扫下枱面嘅二维码，就送三选一嘅惊喜美食(详细係乜，就记得到点问下店员啦!)，记得係每个人哦!而我去果日就有生蚝、珍珠蚝同埋新鲜牛肉，我哋3个小伙伴，啱啱一人选一份，咁就样样都有得食啦!
唔好以为送就好细份啊!呢到嘅老板仲任性到D料铺满碟，真係只食呢的都够饱啦!你睇吓D生蚝，几咁肥肥白白，即使唔係用嚟打边炉，一样啖啖鲜味。
铺到着碟满一满嘅珍珠蚝食起身好鲜甜。
香滑、爽口、有牛味，就係任性老板嘅诚心出品。
除佐食，呢到仲有好多饮料选择，有冻有热、有汽水、有茶类，总有一款啱晒你。
而呢到最厉害嘅就係，呢到嘅啤酒无限量任饮，只要你饮得，自己去雪柜拿就係啦!
唔好以为啤酒配炸鸡先係最好嘅。其实啤酒配铁板烧，绝对係更完美。
饮饱食醉，当然就要食翻D水果嚟消下滞啦!N种水果任君选择!
呢到甘多嘢食，难怪会吸引到好多人嚟食!虽然呢到嘅环境唔使出边果的d餐厅咁装修得好精致，但係人与人之间嘅位置好阔，唔使惊行嚟行去拿嘢食会撞到隔离。
讲好多show下我今日嘅战果俾你哋睇下啦!
3个小伙伴，满满一围台都唔使150蚊，你话係广州有几多间餐厅可以做得到啊!下次行开果边，唔使再愁去边到食饭啦!!记得啊，呢到嘅自助餐係宵夜时段都有嘅，以后食宵夜，唔使再去宝业路啦!
优惠活动：
凡到店扫二维码，即可送生蚝、珍珠蚝、牛肉中选其一。
店名：板将
地址：海珠区前进路15号1楼
电话：020-89574916
营业时间：11:00AM-3:30PM5:30PM-2：30AM(午餐时段唔提供自助餐)
人均：48蚊
认住呢个门口，见到招牌直入就到啦!!
http://www.duyihua.cn
返回 广州笋嘢益街坊 返回首页 返回百拇医药