99蚊三只鸡OR水鱼、98蚊就有超豪华嘅海鲜盘，人均30蚊就可以食到扶墙走，真係日日去食饭都抵啊！
2015/2/2 广州笋嘢益街坊
突然收到小伙伴电话，话一齐去珠江帝景附近食饭!差D吓到我出冷汗!虽然近期物价高，食餐饭都要旧几水上落，但係都唔使去到果边食贵嘢吧？结果唔去唔知道，一去先知道，原嚟呢到有个老板好任性，三斤重嘅野生走地鸡+斤半重嘅水鱼，任拣3只都只係99蚊，就连特级海鲜盘都係只要98蚊，真係够晒抵食。
本嚟谂住有咁平嘢食嘅地方，环境一般都唔会好得去边，但係嚟到呢到就颠覆咗我一贯嘅印象。呢度嘅环境就好雅致啦，有一种民国时期上流人家嘅感觉，充满东方韵味嘅磨砂屏风，仲有玲珑璀璨嘅鱼形灯，细节尽显不凡。
对于点解係咁贵地段，都有咁平嘢食，相信好多人都会有疑问。但係问咗係老细，原来佢係为咗俾更多人食到最好嘅嘢，所以先唔攒钱益街坊。而老细保证，虽然呢到食嘢价钱平，但係用料绝对唔会马虎，样样材料都用最靓嘅。唔咁多，肚饿!都係快D点鸡食先!
99蚊任拣3只鸡/水鱼
聚会四季轩嘅鸡，全部都係新鲜鸡，即点即劏，活鸡有成3斤咁重噶!睇起身好鬼大只，肉质摸上去就好结实，肌肉光鲜，有弹性，睇得出好新鲜!
而水鱼就係野生嘅，都有斤半咁重。睇下条水鱼四肢几粗壮，而且壳背咁有光泽，食起身肯定好滋味!係呢D时冷时热嘅天气食佢就真係够晒滋补啦!
组合好3只之后，就可以开锅啦!呢度嘅汤底有药膳汤底同椰皇汤底两种选择，28蚊就有得成交。而我哋就选择咗够晒养生嘅药膳汤底。你睇下D药材有几多，红枣、纪子、党参……通通都係对人体有益嘅药材，用呢D汤嚟打边炉真係够晒滋补。
我忍唔住啦!快D放鸡落锅啦!
D鸡係药膳汤里面滚熟之后唔单只好香药材味，而且食起身鸡肉味道好鲜，鸡味好香，而且肉质真係好够弹性，一D都唔肥腻!
豪华海鲜盘 98蚊
除咗水鱼同鸡之外，呢到仲有超豪华嘅海鲜盘係一定要点嘅。大过I6嘅象拔蚌、厚身鲜甜嘅元贝、虾、青口，花甲王、牛肉、爽口嘅肉滑、鱿鱼、超大只嘅八爪鱼……一上台就已经够晒吸引人眼球啦!
比手掌仲要大嘅元贝，食起身啖啖肉而且够晒鲜甜。
用新鲜进口嘅象拔蚌起片用嚟打边炉，够晒爽口鲜甜，就连D汤都充满晒佢嘅鲜味。
海鲜盘里面嘅材料全部都好新鲜，而且分量好足。呢个价钱食到咁足料而且新鲜嘅食材真係好少有。
酸菜鱼 38蚊
除咗水鱼、鸡同海鲜盘，呢到食酸菜鱼一样抵到冇人有。6个人分量嘅酸菜鱼都係只要38蚊。听老细讲，呢个酸菜鱼仲可以成盘打包走，一个酸菜鱼再加几碗白饭，人均10蚊楼下就可以搞掂一餐饭，係呢个地头就真係只有呢到做得到。
呢个酸菜鱼嘅鱼肉夹起身唔会烂，而且食起身够晒鲜嫩，而且酸辣可口。就连我唔中意食鱼嘅小伙伴都连食咗好几块。
牛杂煲 38蚊
咩话？!牛杂煲只要38蚊？今时今日边有可能啊!冇错就有可能，呢个连6个人都食唔晒嘅牛杂煲，只要38蚊就有。大大煲嘅牛杂用秘制酱汁制作出嚟。食起身牛味十足，但係就冇牛杂嘅腥味，味道层次好丰富。
一勺起身，满满嘅牛杂，试问几多店铺可以做得到。当然啦，呢嘅牛杂煲一样可以原煲打包走，一个煲加上几碗白饭，一餐6人饭就咁搞掂。
大盘鱼虾蟹 138蚊
係鱼汤下，自然瘦身嘅水库大鱼，吸收咗来自虾蟹嘅鲜味，相互交替之下，发挥住无穷嘅鲜味；每一啖都刺激住你嘅味蕾，每一啖都可以带给你大大嘅满足。
呢个菜上台好特别，用锡纸包住铁锅住好先上台。听老细讲，咁样做係为咗可以更好咁逼D海鲜嘅鲜味出嚟，而且保证係煮嘅过程中走将海鲜嘅鲜漏晒出嚟咁话喔。
厚实嘅鱼肉食起身够晒鲜甜，而且吸收晒其他海鲜嘅味道，食起身唔单只鲜甜嫩滑而且味道层次好丰富。
花甲嘅味道虽然係煮嘅过程中，D鲜味完全俾人逼晒出嚟，但係食起身依旧鲜味十足。
爽口、弹牙、鲜甜，係我对呢个菜里面嘅虾嘅感受。
蟹肉吸收晒D鱼同虾嘅鲜味，食起身啖啖肉之余，更加係味道十足。
小编总结：
係广州市中心嘅地头嚟讲，99蚊3只鸡或者水鱼自由搭配，呢个价钱、呢个出品喺广州真係揾唔到。莫讲话仲有98蚊一个嘅豪华海鲜盘、同人均10蚊楼下就可以食到嘅酸菜鱼同牛杂煲啦!真係日日去食饭都平过买饭盒啊!
优惠：
凡到店消费并扫描二维码，即可送火锅绝配佳品——汽水一支!
聚会四季轩
地址：海珠区赤岗北路118路四季天地北座2楼E06铺(珠江帝景)
电话：020-89309773
营业时间：11:00——14:30、17:00——22:30
人均：30蚊
http://www.duyihua.cn
返回 广州笋嘢益街坊 返回首页 返回百拇医药