3.8蚊1只鲍鱼！18蚊3款顶点！叉烧18蚊1例！乌鱼18蚊1条！呢间海鲜酒家要逆天！
2015/2/7 广州笋嘢益街坊
自从海宝湾水产市场开始营业之后，好多朋友仔都开始过嚟呢边买海鲜，唔单止环境干净，选择丰富，最紧要係价钱平!仲平过黄沙!所以小师妹趁得闲，又开车过嚟食大餐啦!
嚟到海宝湾，见到呢度新开咗间聚宝港海鲜酒家，就喺入口左边，位置好醒目!
近近哋，买好海鲜就嚟呢度加工算。聚宝港可以承接海鲜加工，仲有好多抵食嘅粤菜，价钱平过隔离好多。
叉烧烧到焦焦哋，隔好远就闻到好香。半肥瘦嘅叉烧一直係我嘅最爱，肉质软嫩入味，面头淋上秘制嘅酱汁，味道更加香浓。
冇听错啊!聚宝港嘅鲍鱼真係只需要3.8咋!用小麦同高汤嚟熬煮，汤汁好浓稠，小麦吸收咗高汤嘅鲜味，又释放出本身嘅麦香，令汤汁嘅味道喺粗粮香味中升华。
如果人多嘅话，可以要多几只成煲上。人少嘅话，亦都可以单独一只按位上。煲上同位上都一样咁精致!
呢一盆百花齐放，有鱼、猪肉、鸡、鹅、虾、肉丸、鲜鱿、蚝豉、发菜等，慢慢加热，各种食材嘅味道都互相融合，渗透落下面嘅蔬菜度，味道一层一层，特别丰腴。
睇下只扇贝同带子几大只!
春节得一年一次，梗係要食得丰富D开心D啦，呢个豪华盆菜，就满足到大家对山珍海味嘅要求啦，唔单止食材矜贵，烹煮都好考功夫噶，师傅唔係简单噉将所有食材摆埋一齐，而係分别将每一种食材加工之后，再摆好盆，最后上台加热，食出最丰富嘅美味。
嚟海宝湾海鲜就食得多啦，喺度叹点心你又试过未？聚宝港宜家推出咗18蚊点心套餐系列，3款顶级点心加埋都只係18蚊!
1蒜香排骨+姜汁糕+小米粥
因为聚宝港嘅所有点心都係即点即蒸嘅，所以会比较新鲜，以及比较滋味，保证客人食嘅时候係最佳品尝时间。
虽然係卖18蚊，但係呢个蒸排骨嘅分量依然好大，唔会因为价钱平分量就缩咗水!而且排骨嘅味道好香，蒜香味好浓郁，加上肉质结实，绵糯嘅香芋，呢个套餐真係物超所值!
2好味酱蒸凤爪+金丝燕麦包+老火生滚白粥
选择当然唔止得一个啦，呢个凤爪+燕麦包嘅组合，就最啱钟意食包点嘅人啦。
我最爱嘅金丝燕麦包呢度都有啊!香香甜甜，燕麦浆好香浓，浆汁渗到入包度，吸收咗燕麦浆嘅包就唔会太干身，好好味!
2牛肉丸+蛋挞+菜心粒粥
纯食肉兽就最啱呢个牛肉丸套餐啦，牛肉丸大大粒，一靠近就闻到好香嘅牛肉味，加上蛋挞同生滚靓粥，营养够晒均衡啦。
呢3个18蚊特价套餐就係一张台限点一个套餐嘅，嚟呢度点一款套餐，再加上其他特色广式点心，喺海宝湾享受个唔一样嘅美味!
鹅肝芝士批
芝士批我就食得多，鹅肝芝士批都係第一次听!造型好靓，浅橙色嘅芝士一睇就知道好浓郁，加上面头咸香嘅芝士粉，矜贵得嚟带D可爱。
一啖咬入口，浓郁嘅芝香味就盈满口腔，口感好丰腴。再细细嚼几下，就会食到鹅肝嘅鲜味，融化喺芝士里面，咸中带鲜，入口即化，好美妙。
蛋挞
蛋挞作为粤式点心必不可少嘅一样，一直都有好高嘅人气。聚宝港嘅蛋挞好香滑，蛋液好嫩，唔会太甜，吹弹可破。加上酥脆嘅酥皮，作为主食或者点心都係唔错嘅选择。
避风塘煎包
各种煎包我几乎都见过咁滞，但係竟然仲有我未见过嘅避风塘煎包？!
叫得避风塘煎包，就肯定同避风塘有关系，呢个煎包，同避风塘一贯嘅特色一样，撒上油炸咗嘅虾皮，令煎包辣中带甜，咸中带香，回味无穷。
煎包里面嘅馅料係煮熟咗嘅娃娃菜，因为煮嘅时候加入咗其他嘅调味料，所以娃娃菜本身就好够味。而且用菜嚟做馅，仲可以降低煎包本身嘅油腻感。
煎饺
同样都係广式点心嘅经典代表，皮薄馅靓，煎到金黄色，食落口底脆面软馅嫩，三种相同嘅味道，但係却有三种唔同嘅口感，绝对係舌尖上嘅享受。
薄撑
平时食嘅薄撑，皮通常都係无乜味嘅，但係聚宝港嘅薄撑皮，本身就带有些少甜味以及蛋香，经过香煎，香味更得到凸显。
呢款甜薄撑係用花生仁同白砂糖做馅料，因为加咗砂糖，咬入口特别脆，真係食到“咔嚓咔嚓”声，而且瓜子仁中和咗砂糖嘅甜度，味道就冇咁腻。
鲜橙炖蛋
咦？呢只咪係橙？点解会走咗入嚟点心度？咪以为佢只係一直普通嘅橙，其实佢“入面”大有玄机噶!
打开“橙盖”，你就会发现佢里面係滑嫩Q弹嘅炖蛋!师傅好有心机噉将橙肉挖空晒，然后倒入蛋液，再放入水度炖熟，蛋液喺加热嘅途中会吸收橙皮嘅香味，令炖蛋味道更加香甜丰富。
而且聚宝港环境靓，地方大，占咗2层楼，装潢大气显贵，好适合设宴咯。
大厅仲有超巨型电视睇添，食饭都特别有气氛啊。
温馨提示
1、18蚊套餐1张台/1张卡只限点一款。
2、点心只于茶市时间07:00——14:00供应。
聚宝港海鲜酒家
地址：荔湾区芳村芳兴路398号海宝湾水产市场商业楼3-4楼
电话：81111698、81111363(广佛直拨)
营业时间：07:00--21:00
路线指引：
巴士：滘口汽车总站、广佛路口(滘口客运站)公交站
地铁：滘口地铁站A2出口，往佛山芳兴路方向直走200米
自驾：从珠江大桥往滘口方向直走芳兴路下桥200米即到或者佛山一环广佛新干线出口洞庭路直走约5分钟
http://www.duyihua.cn
返回 广州笋嘢益街坊 返回首页 返回百拇医药