广州最最最好食嘅羊肉宴！滋味嫩滑！仲有5折手工羊肉饺！过年一定要嚟！
2015/2/9 广州笋嘢益街坊
我哋一般叫农历二十三或者农历二十四呢两日叫小年，小年係春节嘅前奏曲，热闹仅次于过年。喺呢一日，每家每户都要食餐丰盛嘅，准备热热闹闹过个好年。呢一日，要食D乜呢？
今年过年好似特别冻，不如带屋企人去打羊肉锅啦!平时南方嘅羊肉锅就食得多啦，今次就试下西北地地道道嘅羊锅锅啦~出发去西贝!GOGOGO!!!
一入到西贝，就畀各种飘逸于空气当中嘅各种肉香味吸引，因为开放式厨房就位于大厅，所以空气里面布满诱人嘅香味。闻到都口水流。
坐定定，首先就叫个冬季主打——羊锅锅先啦!188蚊1煲，仲送白萝卜同青菜一份，我哋4个人都食唔晒啊~
同我哋嘅打边炉一样，西贝嘅羊锅锅都係用羊骨熬出嚟嘅高汤做锅底，加上粟米、番茄等配菜去羊肉膻味，都比较清，带出羊肉嘅鲜香味。
隆重推荐西贝嘅呢个羊肉!超级嫩滑滋味!绝对係我食过最好食嘅羊肉，冇之一!
优选内蒙古绵羊嘅羊腿肉，瘦肉比较多，因为绵羊一直喺内蒙古大草原上放养，所以经常跑动，羊腿肉比较有劲道，食起身都爽D。而令我最惊讶嘅係，呢度嘅羊肉，只有少少羊臊味!
西贝用传统嘅手扒肉形式，做出呢份独一无二嘅羊肉，因为本身就係熟嘅，所以无需等太耐，放入汤底里面加热一阵就食得。
睇下欍羊腿肉几大块几多肉几滑嫩~蘸下酱汁，食入口超级幸福!同羊锅锅配套嘅，仲有一份青菜同白萝卜，食到差唔多，放D蔬菜落去，可以清下肠胃。
过小年，梗係唔少得食饺子啦!西贝嘅传统手工羊肉饺，你值得品尝!
大家可以尽情去参观西贝嘅开放式厨房，感受大厨们热忱饱满嘅愉悦，来自西北嘅佢哋，有当地人嗰种热情开朗嘅性格，客人行埋身边，会即刻畀佢哋嘅精神感染，食都食得开心D。
馅料咁丰富，食起身肯定好够味!叫一份手工羊肉饺，都係唔少得嘅!
饺子每一只都大粒饱满，北方饺子唔似我哋南方饺子皮咁薄，但係佢哋嘅馅，係有汁嘅，加上丰腴嘅饺子皮，口感会更加醇厚。
上台嘅饺子记得趁热食，感受嗰种迷人嘅羊肉香，食一啖，就好似处身于西北嘅大草原上，身边係憨态可爱嘅羊群，呢一刻，我好庆幸自己嚟到西贝。
嚟到西贝，梗係唔少得试下张爷爷嘅手工空心挂面啦，开放式厨房嘅天花，就係用挂面做嘅装饰!
呢个手工空心挂面，《舌尖上的中国2》都曾经介绍过，被誉为舌尖上最令人感动嘅面!西贝将佢带到全国各地，畀大家品尝呢份最真挚嘅味道。
挂面有羊肉同酸汤两款可以选择，我就拣咗酸汤，大大只温泉蛋“浮”喺面头，卖相就令人食欲大增。
因为每一条挂面嘅横切面都有针尖样嘅小孔，所以点煮都唔会烂，而且食起身仲细嫩爽口。
过年带屋企人嚟西贝，係个唔错嘅选择，既可以感受唔一样嘅用餐环境，又可以食得丰盛开心，何乐而不为。
小编总结
嚟到西贝，就好似去过一次大西北，感受到西贝人爽朗开怀嘅热情，仲有当地充满草原气息嘅美味。过年嚟西贝，感受一个唔一样嘅春节!
优惠信息
分享本文到朋友圈，2月11日、2月18日、2月24日可获手工羊肉饺半价优惠!
西贝莜面村(迎宾路店)
地址：番禺区迎宾路115号惠信商业园1楼(近丽江明珠大酒店)
电话：020-38888989、13928726995
营业时间：11:30——14:00(节假日至14:30)；17:30——21:00
地铁：厦滘地铁站B出口出，可以走过去，也可以摩的或者公车坐番禺58
开车：开车直接搜索西贝莜面村迎宾路店或者惠信商业园
http://www.duyihua.cn
返回 广州笋嘢益街坊 返回首页 返回百拇医药