沿江中路有间最最抵食嘅餐厅，人均25蚊就食到扶墙，真係日日去食饭都抵！
2015/2/10 广州笋嘢益街坊
文/豆丁妹 | 摄影/莱斯利
广州人食嘢出名中意平靓正，但係细数广州，又有几多间係做得到啊。不过最近豆丁妹就係江湾大酒店附近发掘到一间正爆嘅餐厅，人均25就可以食到五星级餐厅出品，性价比可谓高到离咗个五线谱。正所谓讲多冇谓，入到店坐定定，梗係要点D平靓正嘅招牌菜嚟食啦!
澳门鲫鱼粥
原条鲫鱼开刀起片之后，将除鱼肉之外嘅其它部分全部用嚟滚粥。咁样所有鱼嘅味道都俾D粥吸收晒，之后再将鱼片放係充满鱼鲜味嘅粥到滚熟嚟食。D粥食落口好鲜甜，鱼肉食起身好嫩，而且冇骨，真係大啖大啖食都唔惊。宜家鲫鱼仲做紧特价38蚊一条，点第二条只要28蚊。
呢个鲫鱼粥係用原条鲫鱼煲出嚟。
係充满鱼粥嘅基础上，再放鱼片落粥到食，味道好鲜甜。
煲过粥嘅鱼从粥底到捞起身，放係碟到加D豉油就可以食啦!
酱爆羊肉煲
最传统嘅炭炉羊腩煲一直係老广们嘅情结，呢到嘅羊肉煲取自最好吃嘅东山羊，较之平时吃到嘅羊肉口感更加细腻~东山羊先预烧到甘香，下香茅焖制之后再放入“羊水”里一起煲。
心急吃唔到腍羊肉，羊腩越係被炭火慢条斯理嘅烹制，越係香浓绵软，摄人心魄嘅肉香就係需要D耐心。。。羊肉食起身好入味，而且羊味好香，嫩而不韧，食起身好正。
芫茜葱捞桂鱼
平时蒸鱼就食得多，但係捞鱼就真係好少有得食。呢到嘅捞鱼食法好特别，将起咗片嘅桂鱼蒸到9成熟嘅鱼，加上豉油捞埋一齐嚟食。鱼肉夹起身好嫩，但係就唔会夹烂。以为係用捞嘅方式，所以食起身鱼味特别先，而且鱼肉好嫩口。
如果鱼食耐咗变冻，咁呢个时候就加D伴碟嘅柠檬汁落D鱼到，咁样可以劈腥味。
芦笋炒北极贝
新鲜嘅芦笋加上蔬菜同北极贝一齐炒够晒健康。鲜甜爽口嘅北极贝食起身鲜味，爽口嘅芦笋搭上鲜甜北极贝口感十足，食起身口感层次好丰富。
茶香飘香肉
传统老广菜，用炒香过嘅铁观音茶叶加上上等五花肉一齐炒，茶嘅味道俾五花肉吸收咗，而五花肉嘅肥腻感就恰恰俾茶叶吸收晒。五花肉食起身茶味十足，香而唔腻，一个字：正!
剁椒鱼腩蒸山水豆腐 28蚊/例
中意食辣嘅人千万唔好错过呢个菜。鱼腩+山水豆腐嘅搭配够晒max。再上大厨特制嘅剁椒一齐嚟蒸，鱼肉同豆腐吸收晒D辣味，食起身够晒过瘾。
鱼腩同豆腐夹埋一齐食，嫩口嘅滋味，简直分唔清自己係係到食紧鱼肉定係豆腐。
鱼肉夹起身唔易烂， 食起身好嫩滑。
虾皮莴笋煎蛋 25蚊/例
用虾皮、莴笋做煎蛋嘅馅料够晒有口感。食起身好香虾嘅鲜味，莴笋同煎蛋嘅软硬搭配，绝对係煎蛋味觉嘅最高境界。
除咗呢D到到仲有好多特色粤菜，就好似香辣猪手、网烧鲈鱼、家乡碌鹅、鲜蛤蒸蛋、潮式鸡煲，就好值得一试。
讲咗咁耐，都未开估係边间餐厅添，噔噔噔噔!佢就係燕翅居，相信有好多老广都听过佢个大名。开咗业14年嘅佢，係广州粤菜界可以话少有名气。虽然听佢个名好似好高卡咁，但係实质呢到食嘢简直就係平靓正，出品健康，价格实惠，味道仲好到离晒普。
呢间店嘅环境好别致，大厅餐位错落有致，而且房间有好多，啱晒朋友聚会，家庭聚餐啦!听讲，呢到嘅房间仲可以打通添，真係人多D嚟食饭都唔使惊坐唔落。
係大厅仲有养住好多金鱼嘅浴缸，睇住呢D进击的金鱼食饭，真係几有趣。
燕翅居以前係专门食“逼格”嘢嘅地方，所以店里面仲有靓干鲍、海参等高卡嘢做装饰。
优惠信息：
每日晚上9：30后到店消费满100蚊，即送澳门鲫鱼粥一例。
另外到店仲有其他优惠哦!
笋嘢有着数睇完呢条信息之后，即刻係公众号回复【ycj】前500位即可获得由潮镜眼镜工作室送出价值99蚊嘅礼品一份(共500份)
小编总结：
作为广州传统特色粤菜酒楼之一嘅燕翅居，虽然斋睇名会吓到自己，但係唔去唔知道，呢到无论係出品定係价格都绝对係属于广州嘅大Top。优雅嘅环境，五星级酒店嘅出品，据对啱晒朋友聚会、家庭聚餐啦!
店名：燕翅居
地址：沿江中路363号(近江湾酒店)
营业时间：11：00至凌晨3：00
人均：25蚊
http://www.duyihua.cn
返回 广州笋嘢益街坊 返回首页 返回百拇医药