广州最好玩嘅港式小食店，香港米其林厨师坐镇！食满10蚊仲可以免费夹公仔！
2015/2/10 广州笋嘢益街坊
奶茶，鱼蛋，鸡蛋仔，猪肠粉，冻柠茶!次次去香港，我一定要食呢啲香港地道小食，虽然话广州都有好多得食，但係讲真嗰句，味道真係冇咁港味。听朋友讲，越富二期有间超地道嘅港式小食店，仲有香港著名米其林厨师坐镇，钟意食港式小食嘅人千奇唔好错过。
啱啱到越富二期，隔好远就见到呢间WOWWOO熊门口有好多人，睇嚟呢间店嘅人气真係好高喔。
暖黄色调嘅装修，好简洁，店里面仲有各种潮语潮物。
WOWWOO熊呢度嘅食材以及酱汁全部都係进口嘅，就连茶叶，都係正宗嘅斯里兰卡茶叶。食材咁好，唔怪得咁多人都嚟食啦，我都一于点几样试下先。
混酱猪肠粉
个个嚟到呢度，都必点呢个混酱猪肠粉，真係好食到日日都想食!一碗好食嘅猪肠粉，酱汁好重要!花生酱、黄芥末、番茄酱三种味道迥异嘅酱汁混埋一齐，出嚟嘅味道意想唔到嘅match!
酱汁超厚!厚厚一层淋喺猪肠粉面头，食起身酸酸甜甜，加上香口嘅芝麻，口感同味道都更加丰富!
鸡蛋仔(3款口味)
嚟到WOWWOO熊，佢哋嘅鸡蛋仔都一定要试!喺传统港式鸡蛋仔嘅做法上加咗新意，外皮金黄酥脆，内里好绵软!加上唔同嘅味道，口感更加有层次!
↓↓↓朱古力流心鸡蛋仔 夹心係糖分约含30%嘅朱古力浆，香甜朱古力混合鸡蛋仔嘅浓郁蛋香，作为资深食货嘅我强烈推荐!因为尼个鸡蛋仔绝对系我食过最好食嘅鸡蛋仔!
港式咖喱鱼蛋
鱼蛋食入口的确好弹牙，鱼蛋肉质好有嚼劲，真係有鱼蛋味噶!咖喱酱汁超级浓稠，咖喱香味之中又带D甜味，仲可以加辣添。
招牌混酱大章鱼
听讲呢个混酱章鱼係个个嚟WOWWOO熊必点嘅。章鱼颜色超级鲜艳，加上红色嘅甜酱同黄色嘅芥末酱，两种酱混喺一齐味道会更加有层次。章鱼口感爽脆，甜中带辣，果然超正!
炸云吞
一上台呢个炸云吞就吓亲我，分量超级大!皮炸得好酥脆，咬入口卜卜声，仲爽过食薯片!而最里面嘅云吞就好香嫩，肉好鲜甜。
瑞士鸡翼
以前睇TVB嘅港剧，成日都会出现呢只瑞士鸡翼，不过我都未食过，今次终于有机会可以一尝佢嘅味道。係用特制嘅卤汁熬煮而成嘅，肉厚汁多仲超级嫩滑，一份就有4只，好有诚意!
冻顶水仙
钟意饮乌龙茶嘅人一定要试下，茶香好清新，可以拣甜度，随心所欲。而且WOWWOO熊仲有超级卡哇伊嘅熊仔玻璃樽，加1蚊就可以将普通杯装换成熊仔樽带走啦。
港式丝袜奶茶
无论係茶味定係奶味，都好浓郁，奶味冇掩盖茶叶本身嘅香味，入口幼滑如丝，而且味道完全唔涩，係我饮过最好饮最地道嘅丝袜奶茶!
WOWWOO熊公仔机
呢度仲有一部公仔机，可以畀大家夹公仔，只要消费满10蚊，就有一枚游戏币。大家可以尽情嚟夹夹夹!
有得饮有得食仲有得玩，睇下大家玩得几开心~
等我都嚟夹下先~请个朋友仔之中夹公仔最叻嘅人嚟挑战，大家一齐上!哈哈哈!
集印花送cushion
宜家WOWWOO熊仲有一批潮语cushion同财神cushion送畀大家噶，每次消费满10蚊就有一枚印花，集齐30枚印花就可免费换一只潮语cushion，集齐30枚印花加38蚊就有一只财神cushion。
↓↓↓潮语cushion
↓↓↓财神cushion
独乐了不如众乐乐，食饱饱之后，我仲打包咗几份准备带畀朋友仔食，一齐分享WOWWOO熊嘅美味!嘻嘻~再讲WOWWOO熊嘅价格又唔贵，唔单止出品好，味道更加係正宗到无朋友!下次一定会再嚟帮衬!
WOWWOO熊港式小食
详细地址：荔湾区人民北路越富广场二期(原创兴广场)门口旁
人均消费：18元
外卖送餐：13544412484(50元起送)
营业时间：11:00-22:00
http://www.duyihua.cn
返回 广州笋嘢益街坊 返回首页 返回百拇医药