北京路花街有乜特色嘢卖？！冇买哩D嘢等于冇行过花街！
2015/2/17 广州笋嘢益街坊
边嗰话广州过年冇年味!一条条绚烂夺目如长龙嘅花街，照亮左广州每一个区域!
行花街最大嘅乐趣就梗系买到D人哋买唔到嘅嘢!等周围嘅人嗰嗰都眼甘甘咁望住你，想问又唔敢问你係边买嘅表情，简直係人生一大享受啊!
咁今年係广州最靓最多人嘅西湖路花街上，有D乜特色潮嘢係独一无二，你一定唔可以错过，买唔到就等于冇行过花街噶呢？!
而同往年有所唔同嘅係，今年嘅工艺品档从原嚟嘅西湖路靠北京路段，搬到去教育南路。所以今年想喺西湖花街买工艺品嘅朋友仔记得要去啱地方啦。
财神“Cool笋”!
有八年花街经验嘅陈店主，今年就特别设计左一个得意又盏鬼嘅财神“Cool笋”最有心思嘅系，除左寓意将财神“请”翻屋企之外，哩嗰厚薄适中嘅“Cool笋”最适合就係放系凳后做靠背啦!所以同时都系有靠财神嘅意思係度!希望大家有左财神“Cool笋”之后，日日都有财神可以依靠!成年财源滚滚嚟!
潮语“Cool笋”
而另外一位店主更加可以话系西湖路花街嘅“揸fit人”连续十年，每年都佢潇洒嘅身影游走于西湖路每一个角落。今年佢仲自己特别设计左一系列嘅潮语“Cool笋”带畀大家!真係好盏鬼!仅此一家别无分号独一无二，揽住佢绝对回头率暴增到120%啊!等我自己都啦啦临去买翻只“女神”揽下先!哈哈。
“五代同堂”“大吉大利”
当然嚟到花街更加唔可以错过哩D，又可爱又吉利仲有大大嘅好意头嘅摆设啦!轻巧方便又环保，可以揽可以摆!最紧要系，我换晒靓衫化嘅靓妆系出嚟撞桃花噶嘛!叫我去搬花托树？无嘢啊话!所以可爱嘅五代同堂大吉大利，就更加唔可以错过啦!抱住佢哋呆萌可爱嘅身影逛花市，回头率继续UPUPUP!!!
台历“小时候的广州”
由龚婷独家设计嘅台历“小时候的广州”同样係西湖路花街上一嗰不可不买嘅产品。精致嘅台历上将现在嘅广州同埋当年我哋小时候嘅广州以独特嘅方式呈现係我哋眼前，令人係忆起当年时确切咁感受到时代嘅进步!西湖路花街唯一一嘅定点购买，其他地方都搵唔到哦!我爱广州!我撑广州本土艺文华!支持原创!
明信片“我小时候的广州”
小时候追明星嘅人通常会一次买3只CD，1只自己听、1只借给人、一只收藏!今日我想做同样嘅事情，买3套明信片，1套自己回味、1套收藏、1套寄畀系外地嘅亲朋好友，令佢哋都可以睇到，虽然广州冇山可以奔跑，冇小溪可以捞鱼，但我心里面最深最真嘅童年係点样快乐无忧咁度过!若果时间可以定格，我宁愿佢定格係被妈妈拿着藤条追打嘅清晨，都唔想再长大。我爱广州，我爱我嘅小时候!
“利利是是”
利是都会讲古仔!除可爱得意嘅封面之外，係背面仲有一段小故事!独一无二，让你与众不同，同样系西湖路花街不可错过嘅买点之一!
睇左咁多得意又有趣嘅特色产品，你系咪已经有左自己嘅心水？!唔好讲咁多啦!佢哋就係广州西湖路花街等你地带佢哋翻屋企!
http://www.duyihua.cn
返回 广州笋嘢益街坊 返回首页 返回百拇医药