广州新年最抵食嘅酒家！35蚊1只烧鸡！3斤重超大木炭烧排骨！低至16蚊嘅啜鱼日日有！
2015/2/19 广州笋嘢益街坊
烧鸡35蚊/只!2-3斤嘅超巨型烧排骨68蚊/份!99蚊3只鸡OR水鱼!仲有啜鱼天天特价!究竟边度咁抵食？咪就係穗盐路嘅知味山庄咯!
呢度装修得好有人情味，干净企理又简洁。餐桌之间嘅空隙好宽，坐都坐得舒服过人，而且仲有2楼用餐区，以及宽敞舒适嘅房间。
广州好多餐厅新年一係唔营业，一係就好贵，但係知味山庄依然好特价!菜牌上面有好多特价菜，仲有天天特价，真係业界良心!
木炭烧排骨 68蚊/件
平时我哋食嘅烧排骨都係切到细细欍上，知味山庄嘅烧排骨就特别豪!係成块上噶!大大件，一大块就有2斤几3斤重!完全够4人食!平时卖98蚊，宜家只卖68蚊!
睇下几大块，仲长过支红酒!
上台之后可以叫服务员帮你切开成一条条方便食用。
因为係用木炭烧嘅，喺烧嘅过程里面涂上秘制酱汁，令排骨味道香甜浓郁，而且师傅将火候控制得好精确，排骨烧到外脆内嫩，肉汁横流嘅同时都唔会有过多嘅甜腻感。
一哥炭烧鸡 35蚊/只
呢只原价48蚊嘅一哥炭烧鸡宜家只卖35蚊1只!成只上嘅，手撕食法，上嘅时候会配埋手套，唔使食到对手油淋淋。
一上台就闻到好香浓嘅味道，知味山庄嘅烧鸡同其他地方嘅烧鸡最大唔同就係特别加咗盐焗做法，烧完之后再焗一焗，有一阵盐焗香味，特别好食!
撕落一只鸡髀食下先~哇，皮脆肉滑，鸡肉好嫩好好食!而且咬落仲有肉汁，调料酱汁渗透到入鸡肉里面，好食到人停唔到口!
99蚊任拣3只鸡/水鱼
知味山庄嘅鸡，全部都係新鲜鸡，即点即劏，活鸡有成3斤咁重噶!睇起身好鬼大只，肉质摸上去就好结实，肌肉光鲜，有弹性，睇得出好新鲜!
而水鱼就係野生嘅，都有斤半咁重噶。睇下条水鱼四肢几粗壮，而且壳背咁有光泽，食起身肯定好滋味!
组合好3只之后，就可以打边炉啦!呢度嘅汤底有骨肉汤底、玛卡汤底、清补凉汤底以及清水汤底四种选择。
我哋就拣咗个骨肉汤底，有成两大欍肉骨咁多!真係有肉噶!而且骨汤好醇厚，有埋红枣、杞子等药材，加热之后闻到阵阵药膳香味，食欲大增!
鸡肉煮熟之后，我哋都忍唔住即刻动筷，鸡肉味道好鲜，鸡味好香，而且肉质真係好够弹性，一D都唔肥腻!
啜鱼天天特价
除咗鸡同水鱼之外，知味山庄嘅招牌河鲜——顺德啜鱼用嚟打边炉都好正!深山水库养殖嘅大头鱼同埋鲩鱼特价16蚊1斤，简直就係批发价啦!
大头鱼即係书面上嘅鳙鱼，佢嘅肉质雪白细嫩，因为鱼肉点煮都唔会烂，所以一直以嚟都係鱼肉火锅嘅首选。
仲有呢个水库鲩鱼，同样係16蚊一斤，师傅已经帮你切片上，打边炉嘅时候滚两滚就即刻可以食，好方便。
鱼肉煮熟之后入口真係好滑嫩!简直唔使咬，几乎入口即化，嗰种鲜甜嘅感觉係其他鱼肉无法比拟嘅!
除咗水库大头鱼、水库鲩鱼之外，仲有缩骨鱼特价23.8蚊/斤、土生鱼特价19.8蚊/斤、鸭嘴鱼特价29.8蚊/斤，以后日日都有平靓正水库靓鱼食啦!
连州腊味饭 48蚊/煲
值得一试嘅仲有呢度嘅腊味煲仔饭，咁大煲都係48蚊咋，够晒4人分量!唔好睇佢色水好斋，其实饭里面已经吸收晒腊味同鱼干嘅咸鲜味，加上本身嘅饭粒甘香，好食到连饭焦都唔想放过。
鱼干唔会太干，肉质咸咸哋，但係都食得出鱼肉嘅鲜味。
石窝藏猪 特价68蚊/锅
知味山庄嘅藏猪肉，每一只都係从西藏运返嚟噶，喺西藏长大嘅游牧藏猪，肉质同我哋平时食开嘅猪肉特别唔同噶，唔单止猪皮薄、脂肪含量低，而且微量元素係肉品之中最高噶。
用石锅嚟焖，可以将藏猪肉嘅肉汁同配菜嘅水分最大限度锁住，唔流失酱汁嘅香味，而且可以令藏猪肉吸收晒酱汁嘅味道，食落口特别香滑好味道。
脆皮薄撑 28蚊/打
强烈推荐呢个脆皮薄撑!唔係讲笑，真係好香口好脆!主食一定要点佢!
薄撑嘅馅係砂糖以及花生粒，好香，好甜，而且薄撑皮一D都唔腻，唔似其他地方嘅脆皮薄撑，会煎到好油腻，呢度嘅薄撑脆得嚟又唔热气，入口仲爽脆香甜，好正!
冰泉维C花粉蜂蜜露 28蚊/扎
要讲饮品，比起汽水，我就更加钟意呢款果蜜啦，係用新鲜百香果榨成嘅，酸酸甜甜，口感比橙汁浓稠少少，好有益。
与众不同嘅係，除咗百香果之外，呢款饮品仲加入咗蜜糖以及荷花粉，令味道更加丰富，口感都更加柔滑，比起普通百香果汁更加健康!
饮呢个冰泉维C花粉蜂蜜露，仲有养颜、清热同润肺嘅功效，係食饭最好嘅饮品啦。
藏鸡项 138蚊/只
识食嘅人都知道，食鸡首选鸡项或者骟鸡，而藏鸡项就更加係极品之中嘅极品。放养嘅游牧藏鸡，因为经常走动，而且饲料天然，肌肉会更加发达，肉质都香甜嫩滑D噶。
温馨提示
知味山庄新春期间照常营业。
知味山庄
人均：30元
地址：荔湾区芳村穗盐路11号之8-10号
电话：18928770871
营业时间：10:00——02:00
交通指引：公交车到穗盐路站，下车直行300米可达知味山庄(公交途径线路：广419路、广565路、佛244路、佛275路、佛278路、佛281路)
http://www.duyihua.cn
返回 广州笋嘢益街坊 返回首页 返回百拇医药