火辣到犯规！超五星推荐正宗川味火锅杀到埋身，地道麻辣鲜香，辣到喷火都要食!！
2015/2/26 广州笋嘢益街坊
文/豆丁妹 | 摄影/莱斯利
家阵天气忽冷忽热，又话春节会冻到成只即咁，真系搞到唔知道食乜好。不过，最近豆丁妹就发现系昌岗路有间食川味火锅——味蜀吾老火锅昌岗店，啱晒系D忽冷忽热嘅时间去食啦。
呢到嘅装修好特色，而且格局分布好明确，全木嘅装修就好似带咗人去咗三国时期咁。
而且呢到无论你多人黎聚餐定系黎二人世界，呢到都啱晒你。因为呢到明确嘅位置分布，所以坐起身好舒服，绝对唔会人撞人。
坐低无耐，就有一位着住红色衫嘅茶艺师黎。哈，有茶艺表演睇啊!只见个茶艺师手一举，水就从长长嘅茶嘴倒出黎。厉害，茶水完美落杯，一定要俾个GOOD佢。
一杯完美嘅八宝茶就咁系你面前冲好啦!
呢到嘅汤底有好多种选择，今次我就同小伙伴选咗呢个蜀味鸳鸯锅。呢到嘅汤底係用料上，全部都係用猪筒骨同鸡架骨等用了几个小时先熬制出来嘅，清汤底仲放咗红枣同蔬菜等，熬制出来嘅汤头非常嘅清甜!
呢到辣味锅底都有3种唔同程度嘅辣味选择(特麻辣、中麻辣、微麻辣)，虽然我点嘅微辣，但系依旧全程食都我喷晒火。
吃成都火锅，又点少得蘸香油，味蜀吾有自助调味吧台，八元一位。
拿完酱料，重头戏终于都嚟啦!
蜀味极品鹅肠
每根鸭肠通透Q弹，厚薄适中，色泽均匀；夹住入锅，七上八下，见到鹅肠卷曲，颜色变重，就可以食得啦!一啖落口，所有色香味係味蕾爆炸，嫩脆爽口!
蜀味铺盖毛肚
咁大嘅一片毛肚，当之无愧嘅“铺盖”，大片嘅毛肚一定要选择最好嘅部位。当毛肚入口，咬嘅时候会係耳仔入边产生咯吱咯吱嘅共鸣声，脆又嫩，辣而享受…
蜀味雪花肥牛
咁样嘅摆盘够晒霸气!肉质上等係必须嘅，独特嘅刀工俾牛肉下过煮熟后不失本身嘅鲜味，点埋秘制汤汁一起食，果种过瘾，要食过先知道!
霸王牛肉
呢道菜对于中意食辣嘅人嚟讲，简直就唔可以错过!牛肉选用嫩牛肉片，加入味蜀吾老火锅秘制酱料腌制，再係牛肉片里加了一颗野山椒，辣椒嘅霸道，牛肉嘅鲜嫩合二为一。下锅煮后，泡椒嘅味道都融入到咗牛肉入面。食起身辣味十足，已经完全hold唔住啦!
极品牛黄喉
牛黄喉有係我哋平时食嘅牛心顶，片大新鲜处理得好干净，香脆爽口有嚼劲，红油、辣油、麻椒等会沾到食材上，增加辣度。食起身好正斗!
郡花
郡花就係鸭肾，呢个切鸭肾嘅师傅刀工简直就係绝。如果係影相，鸭肾绝对係凹造型嘅最佳菜品。因为呢个刀工，鸭肾入锅都比一般嘅切法要容易成熟，一阵就变色了，瞬间开启吞咽功能。
鲜鸭血
呢个鲜鸭血只要滚1-2min，就OK啦。鸭血食起身好滑嫩，鸭血嘅棉、细係口腔里好奇妙咁一一展现，再加上红油老火锅嘅香味，真係用语言表达唔出千分之一嘅美味啊!
除咗肉类，呢倒仲有好多唔同种类嘅素食选择。
除咗火锅，仲可以试试呢到嘅凉菜啊!一样够晒香辣。
夫妻肺片
呢个夫妻肺片色泽红亮，质地软嫩，口味麻辣浓香。食入口，就觉麻辣鲜香、软糯爽滑，脆筋柔糜、细嫩化渣。
蒜泥白肉
选用肥瘦相连的五花肉，经水煮、切片、卷片和凉拌而成，成菜香辣鲜美，蘸着蒜泥酱汁送入口，蒜味浓厚，爽脆嫩滑，就算多吃都不怕腻。
如意节节糕
用糯米做成嘅节节糕食起身外酥内糯，好好入口。如果因为食得太辣，不妨用呢个甜品解解辣，绝对有用。
讲咗咁多，豆丁妹係时候教下你食成都老火锅嘅小窍门啦 !
去酱料台拿咗酱料之后，就将放係台面嘅香油倒入酱料入边。开罐后，香油嘅味道直冲上嚟，浓香中，仲有一丝清新。
(嚟味蜀吾老火锅吃火锅，强烈建议吃特制香油蘸料，去火、解辣)
味蜀吾老火锅(昌岗店)
地址：昌岗中路188号海珠合生生活天地三楼L3-301铺
电话：020-34248966
营业时间：11：00AM-22:00PM
人均：50蚊
交通：地铁2、8号线昌岗地铁站E出口
http://www.duyihua.cn
返回 广州笋嘢益街坊 返回首页 返回百拇医药