28蚊1只超巨型日本网贝，48蚊1条哈啤咁粗濑尿虾，仲有2打免费生蚝请你食！
2015/3/5 广州笋嘢益街坊
文/小师妹 | 摄影/莱斯利
听闻广州食海鲜至平至抵嘅海宝湾海鲜美食城老板最近又受咗刺激，每人2打生蚝免费食!任性到离晒大谱!所以，小师妹即刻快马加鞭飞奔到海宝湾为大家探探风!
海宝湾真係名副其实嘅海鲜宝地，各种水产品都有得卖，连水产干货都有，想食乜就有乜。唔止种类丰富，连价钱都平过黄沙多多声!
不过小师妹今日嘅目的就唔係嚟买海鲜嘅，而係去海宝湾海鲜美食城劈海鲜!皆因3月5日起，海宝湾海鲜美食城又有多重劲笋优惠放出，唔食绝对走宝!
特价海鲜：
蒜蓉烧生蚝 8蚊/只任食
咪以为平嘢肯定冇好嘢，呢度嘅生蚝，唔係我吹，真係只只都大过IPhone5只只都有8两重!唔止体形大、蚝肉细嫩，而且仲汁多，鬼死咁饱满。
生蚝嘅加工方法都有好多，不过我最钟意嘅都係时下最多人食嘅蒜蓉烧生蚝，蒜蓉经过爆香，蒜香味出晒嚟，一上台大家都忍唔住即刻起筷。
睇下欍生蚝肉几大几饱满，咬入口仲丰润弹牙，蚝汁同香味盈溢于口腔中，呢种感觉超级满足!
蒜蓉粉丝蒸日本网贝 28蚊/只任食
网贝其实就係日本嘅扇贝，从日本空运返嚟，只只都好新鲜生猛。
网贝肉饱满圆润唔止，体形仲好大，比我对手掌仲要大，简直大到要刷屏啦!
做法係我最爱嘅蒜蓉粉丝蒸，粉丝吸收晒蒜蓉香味，丝丝嫩滑，夹一箸啜一啖，滋味到好销魂。
网贝肉就意想唔到咁爽脆，肉身好结实，咬落口好有劲道，食起身好正!
泰国濑尿虾 42蚊/只
咁长咁肥嘅濑尿虾，一律42蚊，抵!真係长过哈啤噶~不过因为数量有限，所以只限每人一只。
加工方法有椒盐、盐水等，唔同做法唔同风味，我当然选择最爱嘅椒盐濑尿虾，香脆嘅外壳锁住濑尿虾鲜味，椒盐带出濑尿虾嘅鲜香，成只攞住食唔肯放手!
推荐菜式：
豉汁圣子皇
好多街坊买左圣子皇既街坊都会带嚟加工。呢个圣子皇嘅肉已经帮你起晒，唔使再自己咬甩欍肉嚟食，肉质超级鲜甜爽脆，加上辣椒同豆豉爆炒过嘅调味，圣子皇嘅味道会更加丰富。
上台之后嘅圣子皇记得要趁热食喔，因为冻咗之后就会冇咁鲜甜噶啦。
老虎斑
食海鲜又点少得鱼呢，买左鱼嘅街坊一定要带去海宝湾海鲜美食城，呢度最拿手制作鱼类，老虎斑肉厚味鲜，头腩丰满，噉先满足噶嘛。
清蒸老虎斑，味道鲜甜，肉质嫩滑，鱼肉入口即化，平时自己蒸都蒸唔出呢种咁好食嘅味道。
脆皮烧鹅
除咗海鲜，海宝湾海鲜美食城都有好多烧味菜噶。我觉得佢哋嘅呢只烧鹅味道就唔错啦。
鹅肉肥瘦适中，肉质好结实，食起身好香口，加上烧鹅皮烧得好香脆，入口皮脆肉嫩，齿颊留香。
生蚝大胃王挑战赛
时间：2015年3月5日——2015年3月15日(活动仅于午市时段举行)
地点：海宝湾海鲜美食城
活动规则：
1、成为海宝湾水产交易市场(微信号：HBWSCSC)粉丝，发送图文至朋友圈即可获得参与资格(或扫描餐馆内二维码成为粉丝)
2、限时2分钟内，食晒2打共24只生蚝，即可获得该2打生蚝免单资格!否则按192蚊/2打收费。
小编总结
喺广州想食最平靓正嘅海鲜，我首推都係海宝湾。除咗价钱平，水产靓之外，地方仲好干净添，食都食得开心啲。而海宝湾海鲜美食城，就以不断创新菜式，以及强劲嘅优惠价格，吸引四方八路嘅食客嚟帮衬，唔怪得呢度咁多回头客啦，抵赞!
温馨提示
1、以上特价海鲜优惠从3月5日起持续至4月10日止。
2、以上特价海鲜不收取任何加工费。
海宝湾海鲜美食城
人均：40元
地址：芳村芳兴路海宝湾海鲜市场内(与佛山黄岐洞庭路之间)
电话：020-81111007、020-81111008
营业时间：11:00——01:00
路线指引：
巴士：滘口汽车总站、广佛路口(滘口客运站)公交站
地铁：滘口地铁站A2出口，往佛山芳兴路方向直走200米
自驾：从珠江大桥往滘口方向直走芳兴路下桥200米即到或者佛山一环广佛新干线出口洞庭路直走约5分钟
http://www.duyihua.cn
返回 广州笋嘢益街坊 返回首页 返回百拇医药