广州最抵食嘅三文鱼宴，特创盐煎三文鱼，一鱼四食都係20蚊起！
2015/4/13 广州笋嘢益街坊
讲到食刺身，点可以少得三文鱼噶!作为三文鱼嘅超级脑残粉，无论係刺身、焖煮、煎炸，定係咖喱，通通都咁爱!最近小编收到料，芳村有间海鲜餐厅，挪威飞机货，一鱼四食，都係20蚊起!
呢间海宝湾海鲜美食城，出晒名食海鲜平!靓!正!小编嘅亲戚朋友都成日去噶。呢度有室内以及室外用餐区，仲有包房添，就算係热辣辣嘅夏天，都唔惊食到成头汗。
一场嚟到，就梗係要试下佢哋嘅三文鱼一鱼四食啦，不得不赞下美食城嘅上菜速度，比其它餐厅快多多声啊!
三文鱼刺身 28蚊/例三文鱼营养最全面嘅食法，莫过于三文鱼刺身啦。加上芥末同极品生抽，再搭配三文鱼爽滑嘅口感，真係极品。份量咁多嘅三文鱼刺身，午市只要28蚊，仲无限量任点任食添!
三文鱼嘅脂肪纹路清晰分明，而且颜色好靓，切到厚厚一片，好有诚意，食都食得好满足。
盐煎三文鱼 20蚊三文鱼肉质唔肥腻，比较精瘦，所以用盐煎嚟整，会更突显出三文鱼肉嘅结实。师傅用盐轻煎，撇除鱼油嘅腥味，咸香回甘，一D油腻感都冇。
椒盐三文鱼 20蚊钟意食香口D嘅，呢道椒盐三文鱼就最啱啦。香酥脆嫩，有齐晒鱼腩同骨，口感正爆!
三文鱼炸得金黄，连鱼鳍都好好食。
凉瓜炆三文鱼 20蚊而呢个凉瓜炆三文鱼，就最啱餸饭食啦，三文鱼炆得好入味，咸鲜中带D甘苦，味道好唔错。
三文鱼肉好大欍。
苦瓜嘅苦涩味渗入到鱼头内，减轻咗三文鱼嘅肥腻感；而凉瓜吸收咗三文鱼嘅鱼油，又会变得更加甘香软滑。
番茄煮大连鲍番茄都可以煮鲍鱼？我冇听错啊嘛!好奇之下点咗呢个菜，点知上台之后先发觉，味道真係唔错!
鲍鱼同番茄都係营养丰富嘅食材，两者结合既符合膳食平衡又食得出美味健康。喺外面嘅水产档买入嚟加工，只要畀少少加工费，就食到呢味富有新意同美味营养嘅菜式啦。
蒜蓉烧生蚝 8蚊/只任食咪以为平嘢肯定冇好嘢，呢度嘅生蚝，唔係我吹，真係只只都大过IPhone6 Plus!而且每一只都有8两重!唔止体形大、蚝肉细嫩，而且仲汁多，鬼死咁饱满。咁抵食，唔怪得可以日均销售过千只啦。
生蚝嘅加工方法都有好多，不过我最钟意嘅都係时下最多人食嘅蒜蓉烧生蚝，蒜蓉经过爆香，蒜香味出晒嚟，一上台大家都忍唔住即刻起筷。
睇下欍生蚝肉几大几饱满，咬入口仲丰润弹牙，蚝汁同香味盈溢于口腔中，呢种感觉超级满足!
印度薄饼广东人食饭，好多时候都钟意点薄饼，因为佢口感脆嫩，又有多种口味可以拣，做主食好唔错噶。
美食城嘅薄饼，有榴莲味同香葱味可以拣，有咸有甜，任君选择。
呢个薄饼真係好薄，薄到几乎透明，咬落口“咔嚓”一声，外脆内韧，正!
胡椒根炖土猪 6.8蚊/位土猪生产性能好，肉质爽口，春末夏初，瘦肉土猪汤最补了!
胡椒根药用价值高，有祛风湿、散瘀血、通络脉嘅功效。尤其适合老人家、产妇以及久坐缺乏运动嘅白领。加入胡椒根嘅土猪汤药膳价值好高噶!
抗老黑金汤小编重点推介呢个抗老黑金汤，係美食城自己研发嘅秘制配方。所谓黑金，即係黑蒜，营养价值好高，有助于抗癌及抗衰老。而蝎子，就可以减轻风湿、类风湿同心脏病等。呢个汤，仲特别加入珍珠粉成分，对增强免疫力、养肝明目都好有帮助噶。
睇下个汤料几丰富，满满都係肉，师傅落足料噶。
小编总结
喺广州想食最平靓正嘅海鲜，我首推都係海宝湾。除咗价钱平，水产靓之外，地方仲好干净添，食都食得开心啲。而海宝湾海鲜美食城，就以不断创新菜式，以及强劲嘅优惠价格，吸引四方八路嘅食客嚟帮衬，唔怪得呢度咁多回头客啦，抵赞!
温馨提示
三文鱼刺身特价为午市28蚊/例，晚市38蚊/例；特价优惠期于4月13日起至5月8日，适用于4人或以上同行，不设限点。
海宝湾海鲜美食城
人均：40元
地址：芳村芳兴路海宝湾海鲜市场内(与佛山黄岐洞庭路之间)
电话：020-81111007、020-81111008
营业时间：11:00——01:00
路线指引：
巴士：滘口汽车总站、广佛路口(滘口客运站)公交站
地铁：滘口地铁站A2出口，往佛山芳兴路方向直走200米
自驾：从珠江大桥往滘口方向直走芳兴路下桥200米即到或者佛山一环广佛新干线出口洞庭路直走约5分钟
http://www.duyihua.cn
返回 广州笋嘢益街坊 返回首页 返回百拇医药