广州最好玩嘅港式小食店，超人气爆谷杯hit爆全城！食满10蚊仲可以免费夹公仔！
2015/4/15 广州笋嘢益街坊
好多广州潮人都钟意去西门口附近行街，小编都唔例外。行行下突然口痕，想揾D嘢咬，闺蜜就带我去到越富二期地面嘅呢间WOWWOO熊港式小食店，有得食有得饮仲有得玩!唔怪得日日都排晒长龙啦。
讲到港式小食，好多人首先谂到嘅都係奶茶、冻柠、鱼蛋、鸡蛋仔、猪肠粉，而呢D小食呢，WOWWOO熊统统有得食!而且仲有好多新奇小食添!
爆谷饮料杯
有时候行街，既想食嘢，又想饮嘢，但係偏偏就冇咁多只手可以拎得到咁多，点算啊!唔使担心，WOWWOO熊新出嘅呢个爆谷饮料就可以帮你“鱼与熊掌”兼得啦!
只要一只手，就可以一边行街，一边食爆谷饮嘢，真係好方便!
宜家喺WOWWOO熊买饮品，只要加6蚊，就可以将饮品升级成呢个爆谷杯啦。噉即係话，想饮奶茶、柠茶、冻顶水仙都冇问题!
外带熊仔樽
哇，呢只熊仔玻璃樽好cute啊!用佢嚟装嘢饮肯定特别yummy，我又好想要!
呢只熊仔樽同样都係升级版嘅容器杯，可以外带返屋企或者办公室做花樽，瓶身有WOWWOO熊仔LOGO，用佢嚟种种植物就够晒小清新啦!买任意饮品再加5蚊就可以带走佢啦!
海胆丸
海胆丸我哋平时用嚟打边炉就食得多啦，估唔到用嚟炸，都别有一番风味啵!厚厚嘅沙律酱同木鱼花撒喺海胆丸上面，一啖咬入口，粒粒籽爆晒出嚟，而且丸子本身好有肉感，唔似其它地方係用淀粉嚟做嘅肉丸。
造型靓，味道好，食过一次就爱上佢啦!
花枝丸
除咗海胆丸，呢个花枝丸都好有人气噶，几乎嚟WOWWOO嘅人都会点，因为丸子好有墨鱼肉香，食起身唔止爽口，仲结实弹牙好有口感。
爆浆芝士肠
芝士肠唔止小朋友钟意食，连大人都受唔住佢嘅诱惑啊!一啖咬开，可以睇到肠身里面嘅芝士爆晒出嚟，芝士香浓加上脆皮肠嘅独特烟熏味，perfect!
混酱猪肠粉
个个嚟到呢度，都必点呢个混酱猪肠粉，真係好食到日日都想食!一碗好食嘅猪肠粉，酱汁好重要!花生酱、黄芥末、甜酱三种味道迥异嘅酱汁混埋一齐，出嚟嘅味道意想唔到嘅match!
酱汁超厚!厚厚一层淋喺猪肠粉面头，食起身酸酸甜甜，加上香口嘅芝麻，口感同味道都更加丰富!
鸡蛋仔(3款口味)
嚟到WOWWOO熊，佢哋嘅鸡蛋仔都一定要试!喺传统港式鸡蛋仔嘅做法上加咗新意，外皮金黄酥脆，内里好绵软!加上唔同嘅味道，口感更加有层次!
↓↓↓朱古力流心鸡蛋仔 夹心係糖分约含30%嘅朱古力浆，香甜朱古力混合鸡蛋仔嘅浓郁蛋香，资深食货强烈推荐!因为尼个鸡蛋仔绝对系我食过最好食嘅鸡蛋仔!
港式咖喱鱼蛋
鱼蛋食入口的确好弹牙，鱼蛋肉质好有嚼劲，真係有鱼蛋味噶!咖喱酱汁超级浓稠，咖喱香味之中又带D甜味。
招牌混酱大章鱼
听讲呢个混酱章鱼係个个嚟WOWWOO熊必点嘅。章鱼颜色超级鲜艳，加上红色嘅甜酱同黄色嘅咖喱酱，两种酱混喺一齐味道会更加有层次。章鱼口感爽脆，果然超正!
炸云吞
一上台呢个炸云吞就吓亲我，分量超级大!皮炸得好酥脆，咬入口卜卜声，仲爽过食薯片!而最里面嘅云吞就好香嫩，肉好鲜甜。
瑞士鸡翼
以前睇TVB嘅港剧，成日都会出现呢只瑞士鸡翼，不过我都未食过，今次终于有机会可以一尝佢嘅味道。係用特制嘅卤汁熬煮而成嘅，肉厚汁多仲超级嫩滑，一份就有4只，好有诚意!
WOWWOO熊公仔机
呢度仲有一部公仔机，可以畀大家夹公仔，只要消费满10蚊，就有一枚游戏币。大家可以尽情嚟夹夹夹!
有得饮有得食仲有得玩，睇下大家玩得几开心~
10蚊换购潮语cushion
喺WOWWOO熊任意消费，加多10蚊，就可以换购一只够晒独一无二嘅潮语cushion啦，快D嚟带佢返屋企啦!(加10蚊换购cushion活动仅限越富店适用)
↓↓↓潮语cushion
WOWWOO熊仲支持外卖，只要打个电话，足不出门就可以食到新鲜滚热辣嘅地道港式小食啦!宜家外卖消费满99蚊，仲送潮语cushion一个添!
WOWWOO熊港式小食
旗舰店地址：越秀区较场西路26号地王广场负二层
营业时间：10:00-22:00
外卖电话：020-83733155(消费30元以上，步行路程十分钟以内，免费送餐，送餐时间周一至周五下午一点到五点)
越富店地址：荔湾区人民北路越富广场二期(原创兴广场)门口旁
人均消费：18元
外卖送餐：13544412484(50元起送)
营业时间：11:00-22:00
http://www.duyihua.cn
返回 广州笋嘢益街坊 返回首页 返回百拇医药