广州人为咗食可以有几尽？煲仔饭、人头饭都系碎料！
2016/3/7 广州笋嘢益街坊
广州人食完煲仔饭、又食人头饭
唔够过瘾，仲将老婆整成饼
不过佢哋仲话未!够!皮!
尼次再升级!
敢唔敢睇下佢哋今次食D乜!
(前方高能，请带好头盔)
食死猫
“死猫”唔係真係死咗只猫
不过就有唔好彩嘅意思
讲尼句嘅时候都几晦气
▲例句：哎，我上司又塞我食死猫!
▲翻译：哎，我上司又要我背黑锅!
食猫面
广州话“猫面”係苦口苦面嘅意思
如果你俾人闹，特别係D长辈、领导
咁你就可以照下镜，睇下似唔似
▲例句：尼次搞衰咗，我实係要食猫面咯!
▲翻译：这次搞砸了，我肯定要挨批评了。
食塞米
通常个“塞”字都唔係几好嘅意思
咁点解粒“米”会塞住咗？
大概因为...春虫虫蠢
▲例句：你食塞米嘎，讲极都唔明!
▲翻译：你怎么那么蠢!怎么讲都不明白!
食白果
你觉得“白果”係咩味？
係咪淡哞哞？冇咩味？
其实同冇希望差唔多意思
▲例句：今年升职加薪又要食白果啦!
▲翻译：今年升职加薪又没希望了!
食柠檬
食“柠檬”嘅滋味係点
睇下小编将个“柠檬”搞到咁你就知道啦
如果你俾女神拒绝就可以用到佢啦
▲例句：女神，你已经比咗好多柠檬我食啦!
▲翻译：女神，你已经拒绝了我好多次了!(快点接受我啦)
食番薯
有冇睇过《老夫子》
里面有个叫大番薯嘅人
就係形容D人比较迟钝
▲例句：食咗番薯啊，咪咪摸摸咁!
▲翻译：你怎么这么迟钝，做事慢吞吞!
食脑
尼度嘅“脑”同你“有冇脑”嘅“脑”一个意思
你明唔明白呢!
▲例句：出嚟社会面对好多事都唔係咁简单，要食脑嘎!
▲翻译：出来社会面对好多事都没有那么简单，要靠智慧的!
食生菜
你觉得食“生菜”容唔容易？
如果你觉得做某件事好容易就可以用尼个词
即生动又盏鬼
▲例句：你要我煮一餐饭？容易过食生菜啦!
▲翻译：你要我做一顿饭？so easy!
食谷种
对于旧阵时嘅人嚟讲
有“谷种”就可以种到谷，就有饭食!
如果到食“谷种”嘅地步，就真係几惨啦
▲例句：老细快D发工资啦，我都要食埋谷种啦。
▲翻译：老板快点发工资啦，我都要快吃完老本了。
食大茶饭
食"大茶饭"就係做大佢嘅意思
不过多数用于从事重大非法活动
▲例句：出嚟食大茶饭，迟早都要呕出嚟。
▲翻译：出来干违法的事情，最终还是害自己。
食夜粥
宵夜食“粥”？梗係唔係啦
尼度嘅“粥”指嘅係练过武术，有武术功底嘅人
因为以前武行子弟晚上练功经常要加餐吃粥
所以食“夜粥”慢慢成为练过武术嘅证明
总之遇到尼D人你就要注意言行啦!
▲例句：唔好以为我好虾啊!小编我食过夜粥!
▲翻译：不要以为我好欺负，小编我可是练过武术的!
广州人话食乜，唔係真係食嘅意思
人头饭冇人头、煲仔饭冇仔
老婆饼都冇老婆喺里面
所以听到佢哋咁讲，你就千其唔好当真!
咪先...
【特别声明!本文中的图片来自网络，版权归原创者所有!感谢作者分享，如有侵权，请通知删除!】
http://www.duyihua.cn
返回 广州笋嘢益街坊 返回首页 返回百拇医药