知道尼D先可以理直气壮咁讲：宋仲基係我嘅！
2016/3/15 广州笋嘢益街坊
每一部火嘅韩剧都有一个花(ji)美(rou)男
●
《城市猎人》李敏镐
《想你》朴有天
《来自星星的你》金秀贤
《匹诺曹》李钟硕
……
《太阳的后裔》
宋 仲 基
▲介绍一下，我现任老公
拍完《太阳的后裔》，可以话佢受欢迎嘅程度真係超出我想象，不过好彩，佢係我嘅!
唔知你有冇为咗柳大尉成为咗爱XX会员？依家最期待嘅唔係星期六日，而係星期三四？如果我话我冇霖过我老公会红，你会唔会打我？
初初识得宋仲基係喺RM 2010，睇过RM嘅人都知道，佢喺入边绝对係颜值担当!而且智商仲同颜值成正比!(宋仲基係成均馆经营系(牛逼学校牛逼专业)毕业，喺大学期间临时代替发烧嘅师兄去参加KBS举行嘅全国智力大赛并获得亚军!)虽然佢做唔够1年，不过我都几钟意佢同光洙尼对有爱嘅CP!
▲当年光洙嘅胡须真係... ...
再讲一下，其实RM原本设定嘅CP唔係周一CP，而係双宋CP嘅!未睇过嘅朋友可以搵翻之前嘅嚟睇，真係
后来仲基工作比较忙，所以就只好退出RM，离开果集真係睇到我眼湿湿。
讲翻出道，仲基係出演《霜花店》正式出道，冇错，就係智孝同我前N任老公赵寅成合作嘅果部，尺度颇大嘅戏!而仲基喺入边饰演36建龙卫侍卫之一，虽然戏份少，不过都隐隐睇得出佢演技唔错，且灰常嫩口!
▲认唔认得出佢？
而令仲基真正得到大众注意力，应该係尼部由朴有天、朴敏英主演嘅《成均馆绯闻》(2010年)啦!
▲出现喺海报上啦!
唔单止凭借尼部剧获得KBS演技大赏嘅人气奖!仲同刘亚仁(性别男)获得KBS演技大赏最佳荧幕cp奖!仲基当时仲感叹：冇霖过自己第一次拿CP奖，係同男嘅拿...
▲基情四射!
演技得到认可、知名度又有啦!佢就喺下一年主演咗尼部《攒钱罗曼史》(2011年)终于做一次男猪脚啦~~~而搭档係比小编靓小小嘅韩艺瑟，《美女的诞生》嘅女猪!戏里面仲有你哋最钟意嘅!▼
▲拉到17:30，不谢!
而仲基第一次担当电视剧男主角係喺《善良的男人》，饰演一个遭到深爱嘅女人背叛，而利用另外一个失去记忆嘅女人复仇嘅男人，有点拗口~剧情就係韩国特有嘅狗血加虐心啦!
▲女主係小编，睇我曼妙嘅背影
剧里面仲有光洙，OH~这对基情嘅CP!喺仲基退役嘅时候仲讲过："与女子组合相比，李光洙在我的军队生活中给予了更大的力量。"可见佢哋嘅关系真係好到飞起!
▲仲基隔离就係光洙!
第一次出演男主角，就拿到最佳男演员、最优秀演技奖等!实力真係冇得弹!喺同年，佢主演嘅《狼族少年》都上映，据说係果年嘅最佳催泪片，并创造咗韩国爱情电影最高票房纪录!总之睇之前记得准备好纸巾啦!
为咗尼戏，佢专门去咗研究哑剧，因为仲基喺戏入面嘅台词唔超过10句，演戏全靠神情!动作!为咗模仿狼，就去观摩犬科嘅一举一动，认真嘅男人真係太迷人!
红咗冇几耐，佢就喺次年2013年，入伍啦!
通常韩国艺人入伍都係做文艺兵，但我仲基偏不!唔单止去咗前线，入埋死亡率最高嘅22师团，仲考到特种兵部队!尼个部队主要喺朝韩边境部队工作，比如扫扫雷...当时佢所在嘅部队喺一次搜查中出咗事故，造成5人死亡!事发之后真係把媒体和粉丝吓亲，轰动到韩国军队不得不开咗个记者会，证实宋仲基仲活着。
退伍之后，一身正气嘅仲基就同宋慧乔拍咗《太阳的后裔》，饰演嘅特战部队海外派兵组长柳大尉不仅颜值高，身材正，仲识撩妹，今年播出后正式成为咗女人们舔屏嘅对象!
喂喂喂，话你啊，擦下你D口水!
咁最后，我想同情敌们讲一句：
柳大尉係你哋嘅
但宋仲基係我嘅
【特别声明!本文中的图片来自网络，版权归原创者所有!感谢作者分享，如有侵权，请通知删除!】
http://www.duyihua.cn
返回 广州笋嘢益街坊 返回首页 返回百拇医药