大白兔奶糖跨界同法国潮牌合作！价格飙升9倍！

大白兔奶糖跨界同法国潮牌合作！价格飙升9倍！
2016/3/16 广州笋嘢益街坊

    相信大家对大白兔奶糖都唔陌生嘎啦

     作为中国最出名最多人知道嘅糖

     佢陪伴左无数人度过童年

     虽然依家已经好少食

     但系都系见到都系觉得好熟悉，满满嘅童年回忆... ...

     一直以黎

     大白兔奶糖都系以抵食夹大件嘅

     不过最近

     大白兔瞬间高端左!

     价钱仲一下子就翻左9倍添!

     你有无办法想象？

     当大白兔同法国潮牌跨界合作

     两个会擦出咩火花？

——大白兔奶糖所属嘅冠生园公司，用左一年半时间同法国流行黑色尼龙通勤包品牌“阿尼亚斯贝公司”合作，由佢嘅设计师为大白兔奶糖设计新包装。

新包装分为粉蓝铁盒同粉红铁盒，粉蓝铁盒入边装嘅系经典原味嘅大白兔奶糖，粉红铁盒入边装嘅系红豆味嘅大白兔奶糖。

设计都系围绕翻大白兔嘅品牌，铁盒表面嘅图案用白描手法，勾勒出大白兔奶糖经典嘅“跃兔”轮廓。

     新包装价格飙升9倍

     128克一盒售68蚊!

     尽管身价倍增

     不过依然有一部分“有钱、任性”嘅消费者愿意为礼盒包装嘅“高颜值”奶糖埋单

     因为新包装作为送人礼品

     或是满足自己嘅“少女心”都系好唔错嘅

     关于今次换新包装

     好多人都觉得系新嘅尝试

     因为唔少人都认为

     依家好多老字号产品品质好，但包装真系不敢恭维

     自己食都仲可以

     送人就真系拿唔出手箩

唔少专家都分析，点解日本嘅零食甘受欢迎？因为佢唔单止系一件食物，而系一种视觉艺术。无论系外观定系包装都甘精致、造型款式多到人眼花缭乱，几乎每个中国游客回国都一定会带。“所以无论点，大白兔今次嘅尝试都比好多老字号超前左一步。”

但系都有市民认为，新包装128克一盒嘅“大白兔”，售价68元，折算一下，相当于500克卖265.62蚊，但系一般传统包装的大白兔奶糖售价为227克一袋11.50元蚊，相当于每500克售价25.33蚊!无必要买甘贵嘅白兔糖... ...

     但系小编认为

     市场需求唔同

     反正新旧包装就摆系度比你拣

     丰俭由人

     可以有创新改变都系值得鼓励嘅!

     你地又觉得点呢？

     【特别声明!本文中的图片来自网络，版权归原创者所有!感谢作者分享，如有侵权，请通知删除!】