广州又一间特色书店执粒！数一数广州尼D有味道嘅书店！
2016/3/17 广州笋嘢益街坊

    

     有人话：

     依家睇书都会拣电子书先

     方便、仲好便

    

     係啊，依家手机上有好多可以睇书嘅APP

     就算买纸质书都先选择去线上买，抵咯!

     你仲记唔记得上一次去书店係几耐之前？

     以前去开嘅果间书店

     唔知喺几时已经执咗粒...

    

     相信最近中信后街附近嘅街坊都知道

     开业已8年嘅唐宁书店中信店

     将停止营业!

    

     (计划将于4月23日起停止营业，并于4月30日迁出中信后街)

     琴日开始，书店陆续嚟咗好多书友。睇住熟悉嘅店面，翻开上一次未读书嘅果本书，几乎每个人都讲：“能不能不走”。

    

     不过对于佢嘅突然告别，有人话係“意料之中”。尽管实体书店对文化产业有好大嘅社会效益，不过由于电子书有极大嘅优势，线上购书嘅折扣优惠，实在令实体书店难以生存!

    

     (书店从3月18日~4日22日期间会开展图书优惠活动

     大家喺尼段时间买书都会有唔同嘅优惠)

     除咗唐宁书店

     你知唔知道广州仲有边D特色嘅书店

     值得你「虚度」一日嘅光阴？

    

    

     「 方所 」

     - 广州文化地标 -

    

     方所创始人讲过：“我们做不了方舟，但是我们可以做方所，就是要为懂得文化创造生活的所有人，打造一个内在渴望归属的地方”。

     地址：天河路 383 号太古汇商场地铁上层 MU35号商铺

    

    

     「 学而优 」

     - 一间有文化嘅书店 -

    

     尼度独特嘅布置曲径而通幽，书店有不定期嘅讲座同文化活动，真正哋诠释“学而优，可以仕，可以商，可以深入治学，可以自在优游”

     地址：广州市新港西路93号(新港西路总店)

    

    

     「 1200bookshop 」

     - 广州第一家24小时不打烊书店 -

    

     一间係可以为背包客提供免费住宿嘅楼上书店，白天是生意，晚上是态度和温情，老板刘二囍话，要喺广州夜晚点亮一盏温暖嘅灯。

     地址：体育东路27号之一(体育东店)

     天河北路460号沃凯街首层(天河北店)

    

    

     「 联合书店 」

     - 广州嘢书店 -

    

     一家游走在传统与现代之间嘅书店，专注于人文、艺术、优质生活，书店里还有好多本地明信片、地图等纪念品，充斥着浓浓嘅广州味。

     地址：广州市越秀区北京路314号

    

    

     「 博尔赫斯 」

     - 非常有性格嘅书店 -

    

     点解有性格？因为尼度不强调甚至漠视利润!不重视甚至反对潮流!充分尊重每一位爱读书嘅人，不过尊重嘅方式有D特别，比如要读者按照人名顺序搵书、从来唔打折、从来不向读者推荐书!

     地址：广州市海珠区怡乐路 95 号二层(怡乐店)

     广州市海珠区小洲村拱北四巷 3 号首层之一(小洲店)

    

    

     「 bEnsHoP 」

     - 与世无争嘅书店 -

    

     喺一处充满生活气息嘅居民楼，藏住有一家有四面落地窗嘅精致楼上铺Benshop+，尼度可以係一间咖啡屋、一家杂货铺……总之佢係以一副文艺慵懒与世无争嘅姿态存在。

     地址：广州市越秀区建设六马路10号大院2楼

    

    

     「 360°创意书店」

     - 圈子型书店 -

    

     一间用旧厂房改造嘅书店，里面墙体和天花通体白色，旧式嘅灯泡作照明，工业气息依然浓厚，有书有木有花香，圆滑嘅美学弧线在这里360°旋转绽放，一家文艺青年唔可以错过嘅书店。

     地址：天河区红专厂艺术区F13室

    

    

     「 六月书屋 」

     - 只有一个店员嘅书屋 -

    

     一间怀旧和古典嘅小众书店，除咗有图书还有卖CD，窄窄的店面，只有一个店员照料。偶尔逛逛怀旧书店，花25元买张流行、古典、摇滚CD，缅怀下终将逝去嘅青春。

     地址：广州市中山三路5号岭南美术馆3楼

    

    

     「 七页书店 」

     - 写字楼里面嘅文艺 -

    

     夫妻档经营嘅一家小书店，铺着格子布的木台和小盆栽透出淡淡的生活气息，尼度嘅饮品非常实惠，得闲可以喺尼度消遣闲暇时光。

     地址：广州市天河南二路19-21号宏发大厦631室

    

    

     「 浩天 」

     - 阿叔嘅二手书店 -

    

     一间隐藏喺越秀区文明路小巷中嘅旧书店，里面有几十年前嘅连环画、经典小说初版、民国时期嘅广州地图等，泛黄嘅纸张仲带有淡淡霉味，尼度珍藏住一个老广州坚持多年嘅“文化梦”。

     地址：文明路148号文徳六巷

    

    

     「 小古堂书店 」

     - 孔夫子嘅旧书店 -

    

     原本喺网上卖二手书，到后嚟嘅实体店嘅小古堂书店!嚟到尼度，都好似有种时光倒流嘅感觉，尽管依家网购图书好便，但嚟到尼度嘅人毎次都会买翻几本书，向实体书店致敬!

     地址：海珠区新港西路，中大东门斜对面二楼

    

    

     「 红书店 」

     - we will rock you -

    

     一个神秘嘅亚文化花园。属于美院周边文艺青年嘅大本营，另类、前卫，玻璃墙壁上各个演出信息，门前的落座闲聊，虽然冇小资们嘅讲究，但係江湖气息却非同凡响。

     地址：广州市海珠区江南大道中229号新安大厦首层122铺

    

    

     「 左岸书店 」

     - 最任性嘅书店沙龙 -

    

     一间非常任性嘅书店，只供阅读嘅书足足占图书总数40%!比起书店，更似沙龙，店面唔大，但却划出2/5嘅面积来做个人免费展览，真係好奢侈!

     地址：江南大道中229号新安大厦首层148铺

    

    

     「 禾田书房 」

     - 以“女性内醒”为概念嘅独立书店 -

    

     由9位妈妈合伙开业嘅书店，你可以喺尼度聊天、烹饪、插花甚至带孩子。店名禾田象征住女人随着年月嘅历练，逐渐培养成沉稳、坚忍、包容、沉默嘅人格，女性精神有时候便意味着安安静静、不急不躁。

     地址：工业大道东方红创意园西11-1102

     【特别声明!本文中的图片来自网络，版权归原创者所有!感谢作者分享，如有侵权，请通知删除!】

    

    

    

    http://www.duyihua.cn
返回 广州笋嘢益街坊 返回首页 返回百拇医药