“落大雨，水浸街”仲有几多广州人记得呢D粤语童谣？
2016/4/24 广州笋嘢益街坊

    

    

     一首由 东山少爷 演唱

     改编版嘅落雨大

     感受属于广州嘅味道

     ▼

     “落雨大，水浸街... ...

     阿哥担柴上街卖，

     阿嫂出街着花鞋。

     花鞋花袜花腰带... ...”

    

     粤语童谣陪伴我地广州人长大，童谣融合广州方言，广州特色同人文情怀...所以广州人对童谣，都有一种好特殊嘅感情。

    

     童谣可以讲係广州人不可磨灭嘅记忆。亚运会开幕式嘅第一首歌就喺广州童谣《落雨大》，因为民间童谣最能代表广州，“落雨大，水浸街，阿哥担柴上街卖，阿嫂在家绣花鞋。”直白咁描绘左广州嘅生活场景，亦都勾起左好多人儿时回忆....

     除左“落雨大”，仲有好多广州童谣

     仲有几多，你系记得嘅？

    

     如果年龄超过20的广州人，童年一定会多少听过或唱过类似的童谣

    

     《月光光照地堂》

    

     月光光，照地堂，

     虾仔你乖乖瞓落床，

     听朝阿妈要赶插秧咯，

     阿爷睇牛佢上山冈。

     虾仔你快高长大，

     帮手阿爷去睇牛羊... ...

    

     《氹氹转，菊花园》

    

     氹氹转，菊花园，

     炒米饼，糯米圆。

     阿妈带我睇龙船。

     我唔睇，睇鸡仔。

     鸡仔大，捉去卖。

     卖得几多钱？

     卖得三百六十五个仙。

    

     《排排坐，食果果》

    

     排排坐，食果果，

     猪拉柴，狗烧火，

     猫儿担凳姑婆坐，

     坐烂个屎窟唔好赖我，

     赖翻隔篱个二叔婆。

    

     《点虫虫》

    

     点虫虫,虫虫飞。

     飞到荔枝基。

     荔枝熟，摘满屋，

     屋满红，伴住个细蚊公。

    

     《大笨象，揸支枪》

    

     大笨象，

     揸支枪(臭松香)，

     去打仗(揸支竹仔去打仗)。

     打完仗，

     返嚟食碗辣椒酱，

     隔篱屋企烧炮仗，

     问你响唔响，

     唔响升你两巴掌。

    

     调查显示，64.3%的人认为广州童谣是正在消失的文化。反映广州特色文化的童谣被大步发展的城市远远甩在后面，富有民族气息的歌谣在记忆中渐行渐远。

    

     可以宜家嘅小朋友

     都唔识得点唱呢D古老嘅广州童谣

     仲有太多太多嘅粤语儿歌都曾在廣州盛行

     佢地全部通俗易懂、盞鬼形象

    

     但係唔知几时开始

     大街小巷中小朋友唱童谣嘅声就消失左

     可能佢地觉得

     以前嘅童谣已经“过时”

    

     但係小编就认为

     童谣嘅存在

     喺我地最直观最正面咁去了解本土文化嘅一种方法

    

     童聲是世間上最為美妙的音樂，就像上天給人間的一朵朵初開的花朵。遙想《月光光》的爛漫天真的粵韻童聲，在廣州城鄉傳唱之時，歌唱明月，歌唱生活，清澈如水，率真樸素，愰如隔世，人同此月。

    

     希望广州童谣可以一直传承落去

     而唔喺渐渐走向没落

     最后比人遗忘...

    

     【特别声明!本文中的图片来自网络，版权归原创者所有!感谢作者分享，如有侵权，请通知删除!】

    

    

    

    http://www.duyihua.cn
返回 广州笋嘢益街坊 返回首页 返回百拇医药