无错，分手就係因为嫌你穷！
2016/4/26 广州笋嘢益街坊
我以为
我哋一定唔会分手
我同佢係喺大学嘅时候认识
我大二，佢都係
喺埋一齐嘅原因好普通
喺我话好饿嘅时候
佢请我食咗一碗艇仔粥
之后就顺其自然行埋一齐
我屋企唔富裕
佢都係
所以我哋约会最多都係睇下电影
或者去图书馆一齐复下习
再食下宵夜
好普通，但我已经好满足
因为同佢一齐我学会咗好多嘢
亦都识到一个除咗屋企人之外
会无条件咁爱我嘅人
2年几，我哋毕业
但冇应咗“毕业季，分手季”尼句说话
佢话会留喺广州
陪我一齐尼座城市发展
因为我哋都喺市内搵到嘢做
所以决定一齐租咗个10几方嘅单间
环境一D都唔好，但係够便
有一晚训喺张床上，我问：
我哋以后可以出人头地吗？
佢话：
一定可以!
佢对我好好，真係好好
每个月嘅20号
佢总会请我去果间店食寿司
因为我钟意，因为果日佢出粮
我问：
点解你会对我咁好？
你会唔会一直都会对我好？
答案係：唔会
果日落咗班，翻到屋企
睇到佢坐喺铺床度，睇住部手机
见到我翻嚟，讲咗句：
我要回老家，我妈就只剩我一个了
你同唔同我一齐去？
果一刻我犹豫咗
如果2年前，我可能会讲好
但2年后嘅今日，我犹豫咗
我知道，犹豫即係代表我唔愿意
我同佢讲：
你翻去啦，
我今年27岁了，捱唔起，都穷唔起
我放唔低我屋企人
放唔低依家尼份工作
我亦都冇力再由头做起
所以我哋分手了
佢话：对唔住，冇好好咁对你
我话：你真的好好了!
第二日，一觉醒嚟
发现间屋关于佢嘅痕迹已经少咗好多
我终于知道佢真係走咗
唔会再返嚟
上个月，朋友话我知：
佢要结婚了，过两日摆酒
再后来，佢话佢喺婚宴度饮大咗
一直话要食艇仔粥
嗯，冇错
广州嘅艇仔粥
我唔係唔爱你
只係唔能够陪你到最尾
【特别声明!本文中的图片来自网络，版权归原创者所有!感谢作者分享，如有侵权，请通知删除!】
http://www.duyihua.cn
返回 广州笋嘢益街坊 返回首页 返回百拇医药